Sophia Bauer
D Sophia Bauer (* 12. Septämber 1942 z Istanbul, Dirkei) isch e dytschi Lehreri un Dialäktdichteri.
Lääbe ändere
D Bauer isch as Dochter vun eme Dytsche vu Dodtnau un ere Griechi vu dr Insle Mykonnos z Istanbul uf d Wält chuu. No ire Geburt isch ire Vater in Chrieg yyzoge wore, iri Mueter isch mit ire Dochter Sophia un irem Suhn schließlig anne 1947 noch ere Irrfahrt dur e baar europäischi Länder in d Haimetstadt vum Vater, Dodtnau, chuu, wu d Sophia derno ufgwagse isch.
D Sophia Bauer het z Dodtnau un z Zäll as Religionslehreri gschafft. Syt 1958 isch si Mitglid bim Rote Chryz. Anne 1975 het si bim Dodtnauer Ortsverain dr Sozialdienscht ibernuu un het des Amt 32 Johr, bis 2007, uusgfillt. 2001 het si ne Mittagsdisch fir Seniore grindet.
Si isch ghyrote mit em Hubert Bauer un het vier Deechtere.
Scho as Chind het d Sophia Bauer aagfange Gedicht un Gschichte uf Alemannisch schrybe. En Uuswahl het si anne 1990 unter em Titel „Alltagsgschichte“ vereffetligt. Im nämlige Johr isch si mit em „Oberrhynische Rollwage“ vum Siddytsche Rundfunk uuszaichnet wore.
D Bauer isch Mitglid in dr Muettersproch-Gsellschaft.
Si het dr Dodtnauer Schepfigwääg aagregt un au Gedicht fir di ainzelne Statione gschribe.[1]
Schrifte ändere
- Alltagsgschichte. Todtnau 1990
Literatur ändere
- Sophia Bauer. In: Alemannisch dunkt üs guet. Heft I/II 1993, S. 29.
Weblink ändere
- d Sophia Bauer uf dr Websyte vu dr Muettersproch-Gsellschaft
- Wie eine Art Großfamilie, Badische Zeitung, 26. März 2011