Dr Spiegelhoof-Brunne

Dialäkt: Baseldütsch

Dr Spiegelhoof-Brunne isch en öffentlige Brunne im Spiegelhoof an dr Spiegelgass in dr Stadt Baasel und stoot nit under Dänggmolschutz. Er bestoot us eme flache Granitdroog, wo 3,6 uf 2,15 Meter misst und siibe Donne schweer isch, und ere Blastigg uf eme Soggel. D Skulpduur isch e Drach us Bronsse, won e Lanze ganz dur si Chopf duure goot und in sim Hals stegge bliibe isch. Dr Ridder Georg, won en vermuetlig umbrocht het, isch nüme um e Wääg.

Dr Drachebrunne im Hoof vo dr Spiegelhoof-Bolizeistazioon

Dr Baasler Bildhauer Willy Hege het dr Aarbet dr Naame «Gebändigte Gewalt» gee, was, noch em Fridolin vo bööse Baasler Müüler uf d Bolizei gmünzt worde isch. Dr erst Droog isch bi dr Bearbäitig verbroche und mä het e nöije müesse mache.

Weblingg

• Dr Spegelhoof-Brunne uf em Brunnefüerer