Hauptmenü ufmache
St. Jakobshalle
St. Jakobshalle
D Joggelihalle z Münchestäi
Date
Ort SchweizSchweiz Münchestäi, Schwiz
Architekt Giovanni Panozzo
Eigetümer Stadt Baasel
Eröffnig 26. Septämber 1976
Kapazität 9000 Blätz (Groossi Halle)
1500 Blätz (Chliini Halle)
1782 Blätz (Halle 2) Plätz
Spilflechi 40 × 70 m
Sanierige 2015–2018[1]
Veraastaltige
  • ATP Basel seit 1970
  • D Handball-Wältmäisterschaft 1986
  • Dr Swiss Open sit 1991
  • Iihockey-Wältmäisterschaft 1998
  • Handball-Öiropamäisterschaft 2006
  • CSI Basel sit 2010
  • D Curling-Wältmäisterschaft 2012

D Joggelihalle isch e Meerzwäckhalle, wo am 26. September 1976 offiziell eröffnet worde isch, aber scho sit 1975 brucht wird. Si befindet sich uf em Sportareal St. Jakob in dr Schwizer Gmäind Münchestäi, am Stadtrand vo Baasel. Dr Archidekt isch dr Giovanni Panozzo gsi.[2]

Inhaltsverzeichnis

S GeböidBearbeite

S Geböid het Halle und Rüüm in verschiidene Gröössine, wo für alli mööglige Arte vo Aaläss brucht wärde.

Die Groossi Halle het e Flechi vo 2800 m², e Kapazidäät vo 9000 Sitzblätz und isch en Arena mit eme Charakter wo usgsproche multifunkzionell isch. Es brucht ni lang und mä het sä für e Rockkonzärt umbaut, oder für e Forum für Generalversammlige vo groosse Undernääme, e groossi Mäss für Fachlüt, e riisigi Kulisse für e Färnsee-Schou wie Wetten, dass..?, e Centre-Court für internazionali Dennisdurnier wie s Swiss Indoors, en Operebüüni, e Sportarena für Wältmäisterschafte oder e Ritpiste für Lipizzanerross.

Die Chliini Halle het e Flechi vo 1050 m² und mä cha dört alli mööglige Sportaaläss veraastalte, aber au gsellschaftligi Funkzioone. Die Halle het e Kapazidäät vo 1500 Blätz.

D Halle 2 het e Flechi vo 1782 m² und isch fast idäntisch mit dr Chliine Halle, nume e bitz gröösser.

S Fuayee het e Bruttoflechi vo 3500 m² und isch uf dr äinte Site dr Iigangsberiich vo dr Groosse Halle, uf dr andere Site isch si e multifunkzionale Ruum für gröösseri Usstellige. Im Bardeer befinde sich no zwäi Rüüm as zuesätzligi Infrastruktur für Groossveraastaltige.

Dr Saal Baasel und dr Saal Liestel häi bäidi e Flechi vo 350 m² und e Kapazidäät vo je 350 Lüt. Si chönne au zämme brucht wärde, wil si dur e verschiebbari Wand drennt sin.

Nääbedraa git s Sitzigszimmer und e Hörsaal mit de entsprächende Infrastrukture und Usstattige. Drei Durnhalle, e Gümnastikhalle und e Schwümmhalle mit eme 25-m-Schwümmbecki ghööre zur Usstattig, und au die übrige Halle chönne für Sportaaläss brucht wärde.

VeraastaltigeBearbeite

SportBearbeite

  • Veraastaltige, wo reegelmäässig in dr Joggelihalle stattfinde:
    • Dennis: Swiss Indoors Basel/ATP Basel
    • Volleyball: Women’s Top Volley International
    • Badminton: Sit 1991 finde doo d Swiss Open statt.
    • Rite: Sit em Joor 2010 wird dr CSI Basel, e hochdotierts internazionals Ritdurnier, do usdräit
  • unreegelmäässig:
    • 1986: Äine vo de Usdräägigsort vo dr Handball-Wältmäisterschaft.
    • 1998: Iihockey-Wältmäisterschaft (as Ersatz für d St. Jakob-Arena, wonid zur Zit fertig worde isch)
    • 20. Januar 2007, Boxe: Dr Nikolai Walujew het dr Amerikaner Jameel McCline im Kampf um d Schwergwichtswältmäisterschaft in dr Wersioon vo dr WBA gschlaage
    • 2012: Curling-Wältmäisterschaft (Manne)

Färnsee und UnderhaltigBearbeite

  • 12 Usgoobe vo "Wetten, dass..?"
  • 1984, 13. Septämber, Ultravox Set Movements World Tour[3]
  • Sonic, Switzerland's biggest Dance-Festival
  • "Big Bang Basel", e Silvesterfiir
  • Spanischi Hoofritschuel Wien

WeblinggBearbeite

FuessnooteBearbeite