Staatsfiirtig (Liachteschtaa)
Dr Staatsfiirtig wird z Liachteschtaa all Johr am 15. Augschte as nazionale Fyrtig gfyrt.
Wel dr Geburtsdag vum dom olige Firscht Franz Josef II. (16. Augschte) un Mariä Himmelfahrt as ain vu dr wichtigschte Fyrtig in dr Kadolische Chilche nume ai Dag ussenander gläge sin un me där Dag fir lengeri Zyt het welle verankere, het d Regierig anne 1940 dr 15. Augschte, Mariä Himmelfahrt, zum Staatsfiirtig ghobe un het där noch em Dod vum Firscht anne 1989 bstetigt.[1]
Scho friejer het me an runde Firschtegeburtsdag un Regierigsjubiläe Fescht gfyrt, aber die het me vorhär nie as Staatsfiirtig feschtglait ghaa.
Wel in dr Nochberländer un au z Liachteschtaa dr Nazionalsozialismus all mee ufchuu isch, het me dodermit s Nazionalgfiel un s Bewusstsyy um dr Suweränitet vum Firschtedum welle sterker mache un e Zaiche zu «Einigkeit von Fürst und Volk» welle setze. Scho zwait Johr friejer, 1938, het dr Firscht sy Wohnsitz vu Oschteschtrych bzw. Sidmähre uf Schloss Vaduz glait, go gege Uurueje un nazionalsozialistischi Bsträbige wirke, wu im Land ufchuu sin.[2]
Dodmol isch Firscht as Staatsoberhaupt im Mittelpunkt vum Staatsfiirtig gstande, wu au «Fürschtefescht» gnännt woren isch.
Bstimmti Elemänt as Uusdruck vum Staatsgedanke sin scho anne 1940 zum erschte Mol yygstetzt wore un s git s si bis hit::
- s Fyrwaärch uf Schloss Vaduz
- d Dewise «Für Gott, Fürst und Vaterland», wu uf em Schloss uflychte duet
- e brännigi Firschtechrone uf Tuass
- Hechefyr
- s Singen vu dr Volkshymne
- patriotischi Aasproche
- s Ufzie vu Fahne an dr Hyser
Mit dr Zyt isch dr Fokus vu dr Bolitik ewäg gange zum Staat un syre Suweränitet. 1990 isch des au im Gsetz verankeret wore, mit dr «Förderung der Besinnung auf die staatlichen Grundwerte und das Bewusstsein der Zusammengehörigkeit.»
Fueßnote ändere
- ↑ Donat Büchel: Staatsfeiertag. In: Historisches Lexikon des Fürstentums Liechtenstein online (eHLFL). Abgruefen am 9. Juni 2019.
- ↑ Paul Vogt: Brücken zur Vergangenheit. 1990, S. 52.
|
Dä Artikel basiert uff ere fräie Übersetzig vu dere Version vum Artikel „Staatsfeiertag_(Liechtenstein)“ vu de dütsche Wikipedia. E Liste vu de Autore un Versione isch do z finde. |