Schtìftskìrìch vu Remiremont

D’ Schtìftskìrìch St. Petrus (uff Frànzeesch abbatiale Saint-Pierre) ìsch a reemisch-kàthoolischa Pfàrrkìrìch z’ Remiremont ìm Vogeesa-Département. Sa ìsch àb’m 11. Joohrhundert bàuia worra un ìsch bis 1790 d’ Schtìftskìrìch vu dr Àbtai Remiremont gsìì.

Dialäkt: Mìlhüüserdiitsch

wu ’s ìsch

D’ Schtìtskìrìch St. Petrus lììgt uff’m Place Henri-Utard ìn dr Mìtta vum Kànooniker-Viartel (quartier canonial odd’r quartier abbatial) ìm Schtàdtzäntrum vu Remiremont. Drum umma sìnn d’ maischta Kànoonikerhiiser z’ fìnda. Geega d’ Oschtsitta vu dr Kìrìch ìsch dr Schtìftspàlàscht, wo hìtt àls Roothüüs benutzt wìrd.

Gschìcht

Àn dr Schtälla vu dr Schtìftskìrìch St. Petrus ìsch àn dr Zitt vu da Karolinger a äärschta Kàpall gsìì. Sa hàt zem keenigliga Gebiat vum Ludwig em Fromma gheert. S’ hìttiga Gotteshüüs ìsch ìn dr Zitt vu dr Romanik un vu dr Gotik ärrìchta worra. D’ äärschta Bàuiàrweeta hann ìm 11. Joohrhundert ààgfànga. Dr Owertail vum Gebäi ìsch hàuiptsachlig ìm 13. Joohrhundert bàuia worra. Ìm Untergschoss vu dr Schtìftskìrìch sìnn dräi Kàpalla z’ fìnda, wo üss’m 11. Joohrhundert schtàmma. Bis ìn dr Frànzeescha Revoluzioon hàt ìsch d’ Kìrìch Tail vu dr Àbtai vu da Benediktinerinna gsìì. D’rnooh ìsch sa a Pfàrrkìrìch worra.

Ànna 1983 ìsch d’ gànza Schtìftskìrìch àls frànzeesch Monument historique klàssifiziart worra.^[1] Vu 1988 bis 2000 hàt maa d’ Schtìftskìrìch räschtoriart. Doo drbii hàt maa d’ Bedäckung, d’ Fàssààda so wia s’ Ìnnera-n-ärfrìscht.

Weblìnks

Commons: Schtìftskìrìch vu Remiremont – Sammlig vo Multimediadateie

Église Notre-Dame de Remiremont. In: Structurae.
d’ Schtìftskìrìch vu Remiremont bii tourisme-lorraine.fr (frànzeesch)
d’ Schtìftskìrìch vu Remiremont biim Observatoire du Patrimoine religieux (frànzeesch)
d’ Schtìftskìrìch vu Remiremont bii Clochers de France (frànzeesch)

Ainzelnoohwiisa

↑ Abbaye (ancienne) (Nr. PA00107253). In: Base Mérimée. Kültüürminìschterium vu Frànkrììch, 3. November 1993, abgruefen am 15. Oktober 2022 (französisch).

48.015656.5910805555556Koordinate: 48° 0′ 56,3″ N, 6° 35′ 27,9″ O

Dä Artikel basiert uff ere fräie Übersetzig vu dere Version vum Artikel „Église_Notre-Dame_de_Remiremont“ vu de französische Wikipedia. E Liste vu de Autore un Versione isch do z finde.

[1] Abbaye (ancienne) (Nr. PA00107253). In: Base Mérimée. Kültüürminìschterium vu Frànkrììch, 3. November 1993, abgruefen am 15. Oktober 2022 (französisch).

[1]