Hauptmenü ufmache
D Strõßèbaa i dè Rue Gambetta

D Linniè 1 vo dè Strõßèbaa vo Mans (frz. Tramway du Mans) isch für 302 Millionè Euro diè billigscht unter dè Neubautè vo dè letschtè Johr z Frankrych. S èrschte Stugg, d Streggi Antarès – Université isch sit èm 17. Novembèr 2007 im Bedryb. D Abzwygung vo dè Halteschtell Saint-Martin bis zu dè öschtlichè Endhalteschtell Espal isch am 22. Dezembèr 2007 an Start gangè.

Dè Strõßèbaavokeer wörd vo dè Gsellschaft Société des transports en commun de l'agglomération mancelle (SETRAM) bedribbè. Si organisyrt au dè Busvokeer i dè Metropolregion Le Mans, dèm näbbè Le Mans acht witeri Gmeindè aaghörèd.

D Strõßèbaa 1897–1947Bearbeite

 
„Pont en X“, 1908

Schu vo 1897 bis 1947 hèt s è meterschpurigi Strõßèbaa z Mans. Vyr elegtrischi Linniè sin im Stadtberych gfaarè, s Umland isch mit èm Linniènetz vo Schmalschpur-Dampfschtrõßèbaa mit dè Stadt vobundè. Eini vo dè Linniè hèt èn Dunnel ghaa, wo s Stadtzèntrum demit unterquert worrè isch. Beidi Streggènetz sin dõmòls als Tramway (Strõßèbaa) benamst worrè.[1]

Eini technischi Bsunderheit isch dè sognannte „Pont en X“ (diè x-förmigi Brugg). Es handlèt sich um zwei Metallbruggè, wo dè Fluss Sarthe übberquert hèn. Si sin abber nit senkrächt zum Ufer voloffè wiè s meischtens dè Fall gsi isch, sondern schräg dezuè hèn si sich i dè Flussmitti chrützt. Diè eint Brugg isch vo dè elegtrischè Strõßèbaa bruucht worrè, diè ander vo dè Ysèbaa. 1944 isch sèlli Konschtruktion bi nèm Luftaagriff kabutt gangè.[1]

Diè neu StrõßèbaaBearbeite

Èrschti Blaanungè für è Widderyfüürung vo dè Strõßèbaa gôn bis is Johr 1992 zrugg. Im Johr 1997 isch d Streggèfüürung vo dè 15,4 km langè Linniè feschtglait worrè.[1] Als Faarzüüg isch s Translohrsischteem in Erwägung zogè worrè, schlussèndlich isch 2001 Alschtom mit dè Liferung vo klassischè Strõßèbaanè vom Tǜp Citadis beuffdrait worrè. Im Johr 2002 sin d Koschtè für dè Bau vo dè Strõßèbaa un dè Faarzüüg uff 290 Millionè Euro gschätzt worrè. D "Déclaration d'utilité publique" isch im Früèjohr 2004 unterzeichnèt worrè. Dè Büèz hèt im Summer 2004 dõdemit aagfangè, dass diè zuèkümpftigi Trassè vo Vosorgungsleitungè freigmacht worrè. Im Novembèr hèn d Arbètè am Bedrybshof aagfangè. Schu im Februar 2006 sin diè èrschtè Schinnè volait worrè.[1] D Koschtè für dè Bau vo dè Streggi un für dè Kauf vo dè Faarzüüg hèn 302 Mio. Euro bedrait.

Diè èrscht Vosuèchsfaartè hèn scho Mitti Juli 2007 aagfangè. Am 20. Juli hèt è Garnitur zum èrschtè Mòl diè gsamti Streggi vo Süd nõch Nord befaarè. D Streggi Antarès – Université isch als èrschtes Stugg am 17. Novembèr 2007 eröffnet worrè. Am 22. Dezembèr 2007 isch denn dè Vokeer au uff èm öschtlichè Zweig Saint Martin – Espal uffgnõ worrè.

Diè durchschnittlichi Uuslaschtung vom Tram lygt zwǜschè 45 000 un 48 000 Faargäscht bro Daag.

S StreggènetzBearbeite

 
Dè Netzblaan, gültig sit Èndi Auguscht 2014

S Streggènetz bschtòt uss zwei Linniè mit èrè Stammschtreggi, welli vo beidè Linniè bruucht wörd un uff wellèrè sibbè Halteschtellè ligèd.

Bis zuè dè Eröffnung vo dè Linniè 2 sin d Strèggè dotal 15,4 km lang gsi. S Netz bildèt èn dreizackigè Stèrn mit dè Station Saint Martin als Knotèpungt, woby diè beidè Streggèdeil südlich bzw. öschtlich vo Saint Martin (Saint Martin – Antarès sowiè Saint Martin – Espal) abwechselnd bediènt worrè sin. Insgsamt git s 30 Halteschtellè, inklusyv duè drei Endhalteschtellè.

Trotz dè Bemüèungè, d Baukoschtè nidrig z haaltè, sin 10 km vom Netz als Rasègleis uusgfüürt worrè. Bim Bau isch – wiè bi neuè französischè Tramways üblich – allgmein vill Wärt uff è hochwärtigi Uusgschtaltung vo dè Streggi un Halteschtellè glait worrè, dõdemit isch d Strõßèbaa nòhtlos i s Stadtbild iègfüègt worrè.

Linniè T1Bearbeite

Streggi Université – Saint MartinBearbeite

Dè weschtlichi Deil vo sèllèrè Strèggi bschtòt uss dè längschtè un wichtigschtè Deilschtrèggi, welli d Universidät vo Maine z Mans, s Klinikum, dè Zuègang zuè dè historischè Altschtadt un d Innèschtadt mit dè Fuèßgängerzonè sowiè mit èm Baanhof bi dè Halteschtellè Gares abdeggt. Am Baanhof bschtôn Umschteigemöglichkeitè zuè dè Züüg vom Regional- un èm Fèrnvokeer wiè au zuè è baar Stadt- un Umlandbuslinniè. Zwǜschè dè Halteschtellè Préfecture un Saint Martin wörd sèlli Strèggi au vo dè Strõßèbaazüüg vo dè Linniè 2 befaarè wörd.

Strèggi Saint Martin – AntarèsBearbeite

D Strèggi volauft vo Saint Martin us Richtung Südè bis zum Kulturzèntrum Antarès am Rand vo dè Stadt, wo sich näbbè dè bekanntè Motorschport-Rennschtrèggi Circuit des 24 Heures au s 2011 eröffnete Fuèßballschtadion MMArena lyt.

Linniè T2Bearbeite

D Linniè T2 hèt im Auguscht 2014 dè Bedryb uffgnõ. Dè Bedryber erhofft sich durch Kapazidäts- un Attraktivitätserhöhung für d Strõßèbaa bis zu 23 000 zuèsätzlichi Faargäschte pro Daag.

Streggi Bellevue - Haut de CoulainesBearbeite

S handlèt sich um è 3,6 km langi Neubauschtreggi, mit insgsamt sechs witerè Halteschtellè, welli vo dè Station Préfecture uus nõch Nordè füürt. Iri Inbedrybnaam isch zitglych mit dè Yrichtung vo dè Linniè 2 füürt. Si füürt übber dè belièbtè Place des Jacobins, i dè Nôchi vo dè Cathédrale Saint-Julien un hört i dè Nôchi vo dè Stadtgränz vo Coulaines uff.

Streggi Saint Martin – EspalBearbeite

Si erschlièßt s öschtlich vo Saint Martin glègene Stadtvyrtel vo Sablon. A dè Èndschtation Espal befindet sich bi dè Arche de la nature, è Erholungs- un Uusflugsgebièt. Sèlli Streggi isch bis zu dè Eröffnung vo dè Linniè 2 vo dè Linniè 1 mit bediènt worrè.

FuhrparkBearbeite

 
Citadis 302
 
Strõßèbaa i dè Avenue du Général Leclerc

Für dè Bedryb sin zunägscht 23 Wagègarniturè aagschafft worrè. Aalässlich vom Bau vo dè Linniè 2 isch dè Fuhrpark uff 34 Faarzüüg vogrößerèt worrè. S handlèt sich um Nidderflurglenkdrybwagè vom Hèrschteller Alschtom vom Tǜp Citadis 302. Dè èrscht Trybzug isch im Januar 2007 gliferèt worrè, dè letscht am 7. Novembèr 2007. D Stròmvosorgung gòt übber è Obberleitung, wo mit 750 V Spannung bedribbè wörd.

Diè mit Klimaaalaag uusgschtattetè Trybzüüg sin 32 m lang un 2,40 m breit, si hèn 64 Sitzblätz un chönnèd übber 200 Personè uffnää. Durch Dèzuèduè von èm witterè Modul chönntet si um witteri 10 m volängerèt wörrè.

D Züüg hèn alli èn Nammè. Mit Uusnaam vo dè zèrscht glifertè Einheit mit èm Nammè „Désir“ sin Nämmè gwäält worrè, wo mit dè Stadt Le Mans bzw. dè Umlandgmeindè in irgendeinèrè Wys vobundè sin.

BedrybszitèBearbeite

D Strõßèbaanè faarèd vo 5 h morgens bis 1 h nachts.

Dè zitliche Abschtand zwǜschè zwei Baanè hèt znägscht zuè dè Hauptvokeerszitè nu 5 Minutè uff dè Hauptschtreggi Université – Saint Martin un 10 Minutè uff dè Streggè Saint Martin – Antarès un Saint Martin – Eschpal. Für d Streggi Université – Antarès sin 34 Minutè; für d Vobindung Université – Eschpal 31 Minutè Faarzit prognoschtizyrt. Nõch èm SETRAM-Faarblaan bedrait vor dè Inbedrybnaam vo dè Linniè 2 d Faarzit abber 37,5 Minutè für dè Abschnitt Université – Antarès bzw. 34 Minutè für dè Abschnitt Université – Eschpal.

Mit dè Inbedrybnaam vo dè Linniè T2 im Auguscht 2014 isch d Tagtfrequènz geänderèt: Uff dè Stammschtreggi Préfecture - Saint-Martin faart jetzt dè ganz Daag alli 3 Minutè ei Baan. Uff dè Ußèschtreggè (welli nu vo je einèrè Linniè bediènt wörrèd) chömmèd d Baanè im 6-Minutè-Abschtand.[2]

Uusbaublään: È Linniè T3, abber kei StrõßèbaaBearbeite

Demit dürftèd d Uusbaublään für Le Mans für diè nägschst Zit erledigt sii. S isch è Linniè T3 vom Baanhof Le Mans i d Nõchbòrgmeinde Allonners im Bau, d Inbedrybnaam isch für 2016 blaant. S isch abber kei Strõßèbaa sondern èn Metrobus (BHNS = Bus à haut niveau de service), für dè abschnittswys eigeni Faarbaanè aaglait worrè sin. Für d Streggi mit 14 Halteschtellè wörrèd rund 40 Millionè Euro uusgää. D Faarzit söll durch d buseigeni Faarschtreifè un Vorrangschaltungè a dè Chrützungè vo bisher 33 Minutè uff 20 Minutè abbè gò.[3]

WeblinggBearbeite

EinzelnõchwysBearbeite

  1. 1,0 1,1 1,2 1,3 Jean Tricoire: Le tramway en France. La Vie du Rail, Paris 2007, ISBN 978-2-915034-73-8, S. 156–157.
  2. Le Maine libre Probebedryb vo dè Linniè 2 vom 21. Auguscht 2014 (frz.), abgruèfè am 20. Novembèr 2014
  3. Decideurs en region (frz.) vom 4. September 2014 abgerufen am 21. November 2014. Archiviert vom Original am 29. November 2014; abgerufen am 1. Februar 2017.
  Dä Artikel basiert uff ere fräie Übersetzig vu dere Version vum Artikel „Straßenbahn_Le_Mans“ vu de dütsche Wikipedia.

E Liste vu de Autore un Versione isch do z finde.