Susanne Leutenegger

D Susanne Leutenegger (* 15. Juni 1961 z Winterthur) isch e Schwyzer Schauspiileri.

Lääbe

No dr Schuel het d Leutenegger e Schauspiiluusbildig am Konservatorium fir Musik un Theater z Bärn gmacht. Anne 1986 het si bi dr Performance "Menschen 2. Moni, Nr. 46" vum Studio am Määntig Bärn im Theater am Zytglogge Bärn unter dr Reschy vum Norbert Klassen mitgmacht. 1986/1987 het si ne Engaschmänt ghaa am Theater Oberhausen (Oberhausen (d Betty Munroe in s O’Briens "Rocky Horror Show"), 1987/1988 am Chinder- un Juugendtheater vum Düsseldorfer Schauspiilhuus un 1988//1989 am Fritz Rémond Theater im Zoo z Frankfurt am Main. Mit em Euro-Studio Landgraf vu Ditisee-Neistadt isch si uf Tournee gange, derno het si unter anderem am Landestheater Dinslaken, am Theater Der Keller un am Theater am Sachsenring z Köln gspilt. Anne 1991 het si am Zähringer-Refugium z Bärn gspiilt un 1994 am Summertheater Winterthur.

D Susanne Leutenegger isch au meefach im Fäärnsee ufdrätte, u. a. 1995 as Dr. Monika Wiese in fimf Folge vu dr Serie Verbotene Liebe un 2000–2001 as Leonie Vogt in fimf Folge vu dr Serie Lindenstraße.

1988 het si dr Feerderbryys vu dr Stadt Winterthur iberchuu.

Si isch mit em Schauspiiler Martin Armknecht ghyroote gsii un isch Mueter vun ere Doochter.

Filmografy (Uuswaal)

• 1991: Manta, Manta
• 1991: Tatort – Kameraden (Fäärnseeseerine)
• 1992–2001: Lindenstraße (Fäärnseeseerine)
• 1995: Stadtklinik (Fäärnseeseerine)
• 1995: Verbotene Liebe (Fäärnseeseerine)
• 1997: Küstenwache (Fäärnseeseerine)
• 1997: Tatort – Bombenstimmung
• 1998: Der Fahnder (Fäärnseeseerine)
• 1998: Wilsberg – In alter Freundschaft (Fäärnseeseerine)
• 1998: Im Namen des Gesetzes (Fäärnseeseerine)
• 2000: Hinter Gittern – Der Frauenknast (Fäärnseeseerine)

Literatur

• Thomas Blubacher: Susanne Leutenegger. In: Andreas Kotte (Hrsg.): Theaterlexikon der Schweiz. Band 2. Chronos, Zürich 2005, ISBN 3-0340-0715-9, S. 1102.

Weblink

• Susanne Leutenegger in dr Internet Movie Database