Täbris

Täbris
Klimadiagramm
	Temperatur in °C, Niederschlag in mm
	Quelle: Homepage der iranischen Wetterbehörde 1961–2005; wetterkontor.de

Täbris (persisch تبريز‎, Tabrīz, [tæbˈriːz]; aserbaidschanisch تبريز Təbriz) isch d Hauptstadt vo Ost-Aserbaidschan im Iran und het fast 1'460'000 Iiwooner (im Joor 2012).

Täbris
تبريز

Skyline vo Täbris

Täbris
تبريز

Basisdate

Staat:

Iran

Provinz:

Ost-Aserbaidschan

Koordinate:

38° 5′ N, 46° 17′ OKoordinate: 38° 5′ N, 46° 17′ O

Hööchi:

1.363 m

Flechi:

45,481 km²

Iiwooner:

1.459.755^[1] (2012)

Vorwahl:

411

Postleitzahl:

51368

Zitzoone:

UTC+3:30

Website:

www.tabriz.ir

D Stadt isch äins vo de grösste kulturelle Zentre vo Aserbaidschan im Iran (s antike Atropatene) und vo de iranische Aserbaidschaner.

Gschicht

Wenn d Stadt gründet worden isch, wäiss mä nid. Si het zum Sassanideriich ghöört, spööter isch si noch dr Invasion vo de Turkvölker vo öbbe 1270 bis 1305 d Hauptstadt vom Riich vo de Ilchane im Iran gsi, vo öbbe 1469 bis 1502 vom Riich vo de Aq Qoyunlu und vo 1502 bis 1548 vo de Saffawide. Wäärend em Zwäite Wältchrieg isch Täbris d Hauptstadt vo dr Aserbaidschanische Volksregierig gsi.

Es het immer wider starki Ärdbeebe gee und die häi die mäiste historische Monumänt vo Täbris zerstöört. Es git no e monumentale Muureräst vo dr Zitadelle (Ark-e Tabriz oder Ark-e Alishah) us em 14. Joorhundert. Die Blaui Moschee vo Täbris (Masjed-e Kabud) isch äins vo de wichdige Bauwärk in dr Stadt, en anders isch s Roothuus, wo im Durm von em e dütschi Uur iibaut isch.

En Ärdbeebe am 8. Januar 1780 het d Stadt dotaal zerstöört. Bis zun ere Entfärnig vo 72 bis 120 Kilometer si au no 400 Dörfer völlig verwüestet worde. Mä schetzt d Zaal vo de Opfer uf 50'000 bis 200'000 Dooti.^[2] Am 11. August 2012 het s in dr Nööchi vo dr Stadt wider e schweers Ärdbeebe mit mee as 300 Doote gee. S Epizentrum isch öbbe 60 Kilometer nordöstlig vo Täbris gsi.

Geografischi Laag

Geografisch lit Täbris uf 46° 08' östliger Lengi und 38° 48' nördliger Bräiti uf ere Hööchi vo 1.363 m über em Meeresspiegel. Im Süüde befindet sich dr Vulkan Sahand (3.707 m Hööchi) und im Norde dr Bärg Aynali (1.700 m Hööchi).

Klima

Täbris het e drochnigs und im Ganze chalts Klima mit eme Wind, wo die ganz Zit bloost. Dr Winter isch relativ lang. Die durchschnittligi Höggsttämpratuur im Summer isch 32 °C und im Winter 2,7 °C. Die höggsti Tämpratuur, wi bis jetz z Täbris gmässe worde isch, isch 42 °C und die niidrigsti −25 °C. Dr Niiderschlaag im Joor lit bi 288,9 Millimeter.

Monatlichi Durchschnittstemperature und -niderschläg für Täbris

	Jan	Feb	Mär	Apr	Mai	Jun	Jul	Aug	Sep	Okt	Nov	Dez
Max. Temperatur (°C)	2,3	4,7	10,3	16,9	22,7	28,7	32,7	32,6	28,2	20,5	11,9	5,1	Ø	18,1
Min. Temperatur (°C)	−5,7	−4,1	0,4	5,9	10,6	15,2	19,3	19,0	14,4	8,2	2,1	−2,8	Ø	6,9

Niderschlag (mm)	22,3	24,2	40,6	52,7	42,6	16,9	5,8	3,2	7,6	21,9	27,9	23,2	Σ	288,9

Sunnenstunde (h/d)	3,9	4,9	5,6	6,5	8,6	11,3	11,4	10,8	10,1	7,4	5,8	4,1	Ø	7,5

Regetäg (d)	10,8	10,2	13,3	13,8	13,4	6,3	3,1	1,9	2,5	8,0	8,5	9,8	Σ	101,6

Luftfüchtigkeit (%)	72	70	63	57	51	40	34	35	37	51	64	71	Ø	53,7

Quelle: Homepage der iranischen Wetterbehörde 1961–2005; wetterkontor.de

Universidääte

Sahand University of Technology
Tabriz University of Medical Sciences
Azerbaijan University of Tarbiyat Moallem (Tabriz University of Tarbiat Moallem)
University of Tabriz
Islamic Azad University of Tabriz
Tabriz Islamic Arts University
University College of Nabi Akram