Dag vu dr Bibliotheke

Dr Dag vu dr Bibliotheke isch am 24. Oktober 1995 unter dr Schirmherrschaft vum Richard von Weizsäcker uusgruefe wore. Syterhär machen an däm Dag d Bibliotheken in ganz Dytschland un syter anne 2009 au z Sidtirol mit bsunderen Aktiviteten un Veraastaltigen ufmerksam uf ihri Roll as Wissesspycher, Informationsvermittler un kulturälli Yyrichtig.

Am nämlige Dag wird syter anne 1996 alljohr au d Karl-Preusker-Medallien as ideelli Uuszaichnig an Personen un Inschtitutione vergee, wu dr Kulturufdrag vum Bibliothekswäse wirkigsvoll ferderen un sich uf em Biet vu dr Literatur, em Verlagswäse, em Buechhandel oder dr e effetlige Bibliotheken uuszaichnet hän.

Dr Dytsch Bibliotheksverband vergit an däm Dag au dr Bryys „Bibliothek vum Johr“, wu byschpelhafti un vorbildligi Bibliotheksarbet dermit gwirdigt wird.

Dr 24. Oktober mahnt au an s Grindingsdatum vu dr „Vaterländische Bürger-Bibliothek", wu vum chenigli-sächsische Räntamtmann Karl Benjamin Preusker (1786–1871) am 24. Oktober 1828 z Großenhain as Schuelbibliothek fir Lehrer, Schueler un dr „gwärbli Burgerstand“ yygrichtet woren isch. As Stadtbibliothek zu Hain isch si anne 1832 nbo dr Blän vum Preusker zue dr erschte dytsche Burgerbibliothek uusgwytet wore.

Weblink ändere

  Dä Artikel basiert uff ere fräie Übersetzig vu dere Version vum Artikel „Tag_der_Bibliotheken“ vu de dütsche Wikipedia. E Liste vu de Autore un Versione isch do z finde.