Team Stuttgart

S Team Stuttgart isch e Radsport-Mannschaft gsi, wu anne 1989 vum Stuegerter Winfried Holtmann grindet woren isch un 1991 im Team Telekom ufgangen isch.

Gschicht

S Team Stuttgart isch dr dritt Versuech gsi z Dytschland e Profi-Radsport-Mannschaft ufzböue noch em rokado-Team (bis 1976) un em Kotter Racing Team, wu s vu 1980 bis 1982 gee het.

Dr Holtmann, wu Chefredakteur vu dr Sindelfinger Zeitung gsi isch, het syt 1971 Profi-Radränne z Bade-Wirttebärg organisiert, z. B. het er 1984 mit em Hofbräu-Sechs-Tage-Rennen s Stuegerter Segs-Däg-Ränne wider in s Läbe gruefe. 1987 het er d Tour de France in d Stadt brocht, Stuegert isch Ziilort vu dr dritte Etappe gsi un Startort vu dr vierte.

Sponsore vum Team Stuttgart sin näbe dr Stadt Stuegert Daimler-Benz, d Fahrrad-Firma vum Eddy Merckx un s Frankfurter Versandhuus Brügelmann gsi. Dr Etat isch bi rund 2 Millione D-Mark im Johr gläge.

Bekannti Fahrer vum Team Stuttgart sin dr Udo Bölts, dr Bernd Gröne, dr Darius Kaiser, dr Bernhard Rassinger, dr Ad Wijnands, dr Dean Woods un dr Werner Wüller gsi. Sportligi Leiter sin dr Hennie Kuiper (1989/1990) un dr Werner Stauff (1990) gsi,

Di greschte Siig sin zweimol di dytsch Meischterschaft im Stroßeränne gsi (1989: Darius Kaiser, 1990: Udo Bölts), dr Siig bi dr Driedaagse van De Panne dur dr Erwin Nijboer un dr Gwinn vu dr vierte Etappe vu dr Vuelta a España 1990 dur dr Nijboer.

Aafangs 1991 isch s Team Stuttgart schließli ibernuu wore vum neje Hauptsponsor Deutsche Telekom un isch in Team Telekom ungnännt wore. Fascht di gsamt Mannschaft vu 1990 isch in s nej Team Telekom ibernuu wore, nume dr Jochen Görgen, dr Kees Hopmans, dr Ralph Moorman, dr Uwe Nepp un dr Ludo Peeters hän kei Verdrag iberchuu, zem Deil hän si ufgehrt mit em Radsport (Moorman, Peters), zem Deil sin si zue andere Teams gange (Görgen, Hopmans, Nepp).

Dr Holtmann isch no langi Zyt Team-Manager vum Team Telekom gsi, 2003 isch er noch eme Härzinfarkt gstorbe.

Team

Team 1989

Flagge Deutschlands Udo Bölts
Flagge Deutschlands Guido Eickelbeck
Flagge Deutschlands Jochen Görgen
Flagge Deutschlands Bernd Gröne
Flagge Deutschlands Jozef Holzmann
Flagge der Niederlanden Kees Hopmans
Flagge Deutschlands Darius Kaiser

Flagge der Niederlanden Ralph Moorman
Flagge Deutschlands Uwe Nepp
Flagge Österreichs Bernhard Rassinger
Flagge Deutschlands Werner Stauff
Flagge Australiens Dean Woods
Flagge Deutschlands Werner Wüller

Team 1990

Flagge der Niederlanden Marcel Arntz
Flagge Deutschlands Hartmut Bölts
Flagge Deutschlands Udo Bölts
Flagge Deutschlands Gerd Dörich
Flagge Deutschlands Guido Eickelbeck
Flagge Deutschlands Jochen Görgen
Flagge Deutschlands Bernd Gröne
Flagge Deutschlands Jozef Holzmann
Flagge der Niederlanden Kees Hopmans
Flagge Deutschlands Darius Kaiser

Flagge Deutschlands Robert Matwew
Flagge der Niederlanden Ralph Moorman
Flagge Deutschlands Uwe Nepp
Flagge der Niederlanden Erwin Nijboer
Flagge Belgiens Ludo Peeters
Flagge Deutschlands Markus Schleicher
Flagge der Niederlanden Ad Wijnands
Flagge Australiens Dean Woods
Flagge Deutschlands Werner Wüller

Siig

Siig 1989

Bad Sulge: Udo Bölts
Bietge: Udo Bölts
Reitlenge: Udo Bölts
Bad Oldesloe: Darius Kaiser
Dytschi Stroße-Meischterschaft: Darius Kaiser
1. Etappe Schwanenbrau Cup, Stuegert: Darius Kaiser
Mönchenglattbach: Werner Wüller

Siig 1990

8. Etappe Herald Sun Tour (AUS), Mount Hotham: Hartmut Bölts
Gsamtwärtig Herald Sun Tour (AUS), Melbourne: Udo Bölts
Dytschi Stroße-Meischterschaft, Altenkirchen: Udo Bölts
Sindelfenge: Udo Bölts
Bad Sulge: Gerd Dörich
Gsamtwärtig Driedaagse van De Panne (BEL): Erwin Nijboer
4. Etappe Vuelta a España (ESP), Almería: Erwin Nijboer
Sprintwärtig Ronde de l'Oise (FRA), Compiegne: Markus Schleicher
4. Etappe Tour of Ireland (IRL), Limerick: Markus Schleicher
Gsamtwärtig Coca-Cola Trophy: Ad Wijnands
GP Forbo (NED): Ad Wijnands
Polder-Kempen (BEL): Ad Wijnands
Profronde van Maastricht (NED): Ad Wijnands
Ronde des Pyrénées Méditerranéennes (FRA): Ad Wijnands
Schorndorf: Ad Wijnands
Ennepetal: Werner Wüller