Tefillin

d Gebätsrieme vo de Juude

Tefillin (תפילין təfilin, singular hebr. תפילה təfila „Gebät“), dütsch Gebätrieme, mänggisch au Phylakterie, si e Bäärli vo schwarze Rieme us Lääder wo s chliini Kapsle us Lääder draa het. In dene Kapsle si Teggst us dr Tora, wo vo Hand uf Pergamäntrölleli gschriibe si. D Tefillin wärde vo religiööse jüüdische Manne – im Reformjuudedum zum Däil au vo Fraue – an de Wuchedääg bim Morgegebät (hebr. Schacharit), aagläit. Dr Hand-Däil wird am Oberarm aagläit und d Rieme wärde um en Arm, um d Hand und um d Finger gwigglet, dr Chopf-Däil wird über dr Stirne aagläit. S Aalege vo de Tefillin söll e Maanig si, ass mä de Gebot vo Gott muess folge. Iiri Form, wie mä si aaläit und was in de Gebätskapsle isch, isch im Talmud ufgschriibe.

D Tefillin bestöön us Hand-Tefillin (linggs) und Chopf-Tefillin (rächts)
E junge Maa mit Tefillin in dr Altstadt vo Jerusalem in dr Nööchi vo dr Kotel Maaravi. Sini Tefillin si noch em sefardische Ritus bunde.

LitratuurBearbeite

  • Richard D. Hausmann: Tefillin. Vorschriften, Gebräuche und ihre Deutung. Morascha, Züüri 1988.
  • Alexander Cowan: Tefillin. A brief treatise. Nöi York 2005. ISBN 0-8266-0182-0

WeblinggBearbeite

  Commons: Tefillin – Sammlig vo Multimediadateie
  Dä Artikel basiert uff ere fräie Übersetzig vum Artikel „Tefillin“ vu de dütsche Wikipedia. E Liste vu de Autore un Versione isch do z finde.