Text: Briäder Grimm „Chinder- un Huusmärli“ - Die Sterntaler

Briäder Grimm: Chinder- un Huusmärli (7. Uflag 1857)

„Die Sterntaler“, Briefmarke, BRD, 1959

Nr. 153 - Die Sterntaler - D Schdäärndaaler (Ibersetzig in dr Dialäkt vum Untere Markgräflerland)

S isch emool e chlai Maidli gsii, däm sin der Vader ùn d Mueder gschdoorben, ùn s isch esoo aarm gsii, as es ke Chämerli me ghaa hed zùm din woonen ùn ke Bedli zùm din schloofen ùn ändli gaar nyd me ghaa hed wie d Chlaider am Lyyb ùn e Schdigli Brood, wùn em e midlyydig Häärz gschänggd ghaa hed. S isch aber gued ùn from gsii. Ùn wel s vù der ganze Wäld verloo gsii isch, isch s im Verdröuen ùf der lieb God uusen in s Fäld. No hed s en aarme Man drofe, wù gsaid hed: „Aa, gib mer ebis z äsen, ich bii soo hùngrig.“ S hed em s ganz Schdigli Brood hiiglängd ùn hed gsaid: „God sol der s säägne“, ùn isch wyderschdgange. No isch e Chind chùù ùn hed ke Lyybli aaghaa ùn hed gfroore. No hed s em syys gee; ùn noo wyder hed ais ùm e Regli bäde, des hed s em au vù sich gee. Ändli isch s in e Wald chùù, ùn s isch scho dùnggel woore; do isch noo ais chùù ùn hed ùm e Hämli bäden, ùn s from Maidli hed dänggd: s isch dùnggli Naachd, no siid di niemes, der chaasch wool dy Häm fùùrdgee, ùn hed s Häm abzoogen ùn hed s au no häärgee. Ùn wù s esoo gschdanden isch ùn gaar nyd me aaghaa hed, sin ùf aimool d Schdäärn vùm Himel ghèid ùn sin luder hèrdi, häli Daaler gsii - ùn drozdäm as es sy Hämli häärgee ghaa hed, hed s e nèis aaghaa, ùn des isch s alerfyynschd Lyynis gsii. No hed s sich die Daaler yygsamled ùn isch syy Läbdig ryych gsii.