Tux
Dr Tux isch s'Maskottli vum Computerbetribssystem Linux. Om Ofong het dr Vogel gar kei Nome gha, meischt Nochnome Pinguin und Vornome Fat, also dä fätti Pinguin. Bal isch aber der Nome Tux ufkumme, kummt vum Englische Tuxedo fyr Frack: mangi meinne au, er kummt vum Torvalds UniX.
Dr Namme Tux isch mit dr Veröffetlichung vum Kärnel 2.0 uffkumme. Es het do en Wettbewerb gää, aber dr Linus Torvalds, dr Entwickler vum Linux, het sich denne do fyr dä Pinguin entschiede, angeblich will er z Auschtralie emol vu eme Pinguin bisse worre sei. Für d Vermarktig her hän Plüschpinguine aber au e bessere Effekt wie abisseni Epfel oder stilisierti Fenschter.
Dr Tux isch au d'Hauptfigur im 3-d-Computerspil Tux Racer.
Urlaubsverträtig Tuz
ändere
Am 17. März 2009 het dr Linus Torvalds mit dr Vorstellig vum Kernel 2.6.29 im Tux e Viertel Johr Uszit gwährt. Lut Mitteilig vu Kernel.org will dr Tux in sällere Zit as e Barbier schaffe.[1] Solang dr Tux furt isch wird dr Tuz - e Tasmanische Deifel - ihn verträtte. Dr Tuz het dr Tux s'erscht Mol uf dr im Jänner 2009 z'Hobart uf Tasmanie abghaltene Linux-Konferenz linux.conf.au verträtte.
Hintergrund isch, dass dr Tasmanisch Deifel, e chleine Raubbitler, durch e asteckedi, chräbsartigi Erkrankig in sinere Existenz bedroht isch. Mit em zitwiise Ustusch vum Maskottli wenn d'Linux-Entwickler d'Ufmerksamkeit uf die gfährdet Art lege.[2]
Weblink
ändere
Commons: Tux – Sammlig vo Multimediadateie