Udo Kunz
Dr Udo Kunz (* 15. August 1924 z Hauge; † 28. Juni 2015 am glichen Ort), isch e dütsche Maschinebauer, Unternähmer un Kommunalpolitiker gsi.
Läbe
ändereDr Kuenze Udo isch im Wiesetaldörfli Hauge ufgwachse, wo jetz en Ortsteil vo Lörrech isch. Er het d’ Hauger Volksschuel und d'Metallfachschuel z'Lörrech besuecht, ab 1940 d’Fliegertechnischi Vorschuel in Eisenach, drno in Suhl un am End in Luckenwalde. Im Friehlig 1943 het er de G’sellebrief übercho un isch dann gli als „Spezialpersonal“ zu dr Wehrmacht iizoge wore. Scho im Summer 1945 isch er us kurzer Kriegsgfangeschaft nach Hauge zruckcho un het denn in mehrere Betrieb vo de engere Region g’schafft. Im April 1953 het er d'Meischterpriefig für Mechanik un Maschinebau bschtande. 1953–54 het er als Meischter im Metallbetrieb Boschert, domols z’Bromech aasässig, g’schafft. 1954 het er sich mit der Schlosserei Kunz selbschtändig g’macht. Selle vielsitige Handwerksbetrieb het sich bal vor allem uf Fahrräder und Mopeds spezialisiert, aber schpöter het’s sich zuem Autohaus Kunz uusg’witet.
1976 isch dr Kuenze Udo als Hauptg’sellschafter un Nochfolger vmn Ludwig Boschert in de Metallbetrieb Boschert iig’schtige un het en zu ne me füehrende Unternähme in dere Branche im Raum Lörrech usbaut. Für e bahnbrechendi Erfindung bi dr maschinelle Blechbearbeitig het d’Firma e Europatent un 1987 de Dr.-Rudolf-Eberle-Pris übercho, e Innovationspris vom Land Bade-Württemberg. Von 1958 bis 1966 isch er Vorsitzender vo dr Elektrizitätsgenossenschaft Hauingen (EGH) gsi, für die Freie Wähler isch er zweimol (1959–1965 un 1971–1975) im Hauger Gmeinderot g’hockt. Er isch vo 1971 bis 1975, wo Hauge ne Ortsteil vo Lörrech worden isch, stellvertretender Bürgermeischter gsi. Vo 1980 bis 1991 isch er Mitglied vom Lörrecher Gemeinderot un vo 1973 bis 1979 und nonemol vo 1989 bis 1991 Mitglied vom Kreistag vom Landkreis Lörrach gsi.
Ehrige
ändereFür si politisches und gsellschaftliches Engagement het er 1988 s Bundesverdienstkreuz am Bande g’kriegt. 1999 het er e Stiftig gründet, d Stiftung Udo und Johanna Kunz, wo in Haugen in dr Wohnanlag Siegmeer ältere Mensche barrierefreies Wohne möglich macht. Im Januar 2010 het dr Kuenze Udo als Erschter de Markus-Pflüger-Pris vo dr Stadt Lörrach für si soziales Engaschmon übercho.
Literatur
ändere- Udo Kunz: Steigflug und Gleitflug. Erinnerungen an ein langes und erfülltes Leben mit tiefen Wurzeln in Hauingen. Lörrach: Verlag Waldemar Lutz, 2010 ISBN 978-3-922107-85-9.
Webglicher
ändere- Markus-Pflüger-Preis für Udo Kunz. In: Badische Zeitung vom 12. Januar 2010
- Ein Glücksfall für die Stadt. (Site cha nüme abgrüeft wärde; Suche im Webarchiv) In: Die Oberbadische vom 12. Januar 2010
- Stiftung Udo und Johanna Kunz