Ungarischi Grammatik

Ungarischi Taschtatur mit Sonderzeiche

Allgemein: Suffix

Suffix spyle in de ungarische Sproch e wichtigi Rolle. So erfolge z. B. Konjugation, Plural- und Fallbildig durch Suffix. Dodeby isch d Vokalharmony vo Bedütig. S wird zwüsche zwei bzw. drei Chlasse vo Vokal underschyde: De velare und de palatale Vokal. Si werre mänkmol au dunkel bzw. häll gnännt. Di palatale Vokal underscheide au no zwüsche grundete und ungrundete (häll I und häll II).

Velar	Palatal
… a, o, u á, ó, ú	grundet	ungrundet
	ö, ü ő, ű	e, i é, í

S Suffix basst sich deno an d Vokalharmony vom Wort a. Uff i/í folgt meistens e, sältener e a oder o.

In de Konjugation zum Bispyl git s also drei Muster, wo s Verb verfolgt, abhängig vo de Vokalharmony. E Kasus cha ei, zwei oder au drei Suffix ha. Wenn s numme ei Suffix git, no wird säll unabhängig vo de Vokalharmony aghänkt, bi zwei Suffix wird zwüsche velarer und palataler Vokalharmony underschyde und bi drei Suffix au zwüsche grundete und ungrundete palatale Vokal.

Bispyl für ei Suffix:
Terminativ (bis zu öbbis ane); Suffix: -ig
a házig; a székig, a könyvig

Bispyl für zwei Suffix:
Adessiv (bi öbbis sy); Suffix: -nál/-nél
a háznál, a széknél, a könyvnél

Bispyl für drei Suffix:
Superessiv (uff öbbis druff sy); Suffix: -on/-en/ön
a házon, a széken, a könyvön

Mänkmol ändert sich de Wortstamm, we mer e Suffix aghänkt hät (kéz - kezet, kezek usw; szó - szavak). Ei Gruppe, wo dodevo betroffe isch, sin Wörter wo uff -a oder -e ände. In dem Fall wird de letscht Vokal verländert:

szoba - szobában, szobák, szobát, szobákat, ...

pince - pincében, pincék, pincét, pincéket, ...

In Främdwörter, wo mit me o oder ö ände (sälli beide Büechstabe sin in yheimische Wörter am Wortänd immer lang), werre au sälli verlängert:

piano - pianóban, pianók, pianót, pianókat, ...

Malmö - Malmőben, Malmőt, ...

I-n-re zweite Fallgruppe (aber nit immer) wird e lange Vokal, wo in de Grundform an zweitletschter Stell stoht, verchürzt, wenn s Suffix mit me churze Vokal afangt:

levél - levelek, levelek, ...

madár - madarak, madarat, ...

E churze Vokal am Wortänd cha au verschwinde, wenn dodurch nit drei Konsonante uffenandchömme:

történelem - történelmi, aber a történelemben statt a történelmben

üdvözöl - üdvözlet, üdvözlünk, aber üdvözöllek, üdvözölsz statt üdvözllek, üdvözlsz

Bi Wörter mit me ó oder ő am Änd werre sälli Vokal in erwiterte Forme oft zu aj bzw. ej, wenn s ó/ő nit als Ändig zur Bildig vom Partizip I brucht worre isch. Wenn e einzelne Konsonant d'Ändig (bzw. bi mehrere Ändige di erschti devo) usmacht, no blibt s ó/ő:

zászló - zászlaja; zászlót, zászlók, aber: tájékoztató (vo tájékoztat) - tájékoztatója, tájékoztatók

fő - feje, fejenként; főt, főleg, aber: vezető (vo vezet) - vezetője, vezetők

Die Vokal bilde e Baar/Gruppe:

velar	palatal	Bispyl
o, a	e/ö	Plural: -on, -an, -en, -ön
a	e	Dativ: -nak, -nek
á	é	Transformativ: -vá, vé
u	ü	1. Person Singular (unbstimmti Konjugation): -unk, -ünk
ú	ű	S Suffix -ú/-ű, wo e Adjektiv uss mehrere Wörter bildet
ó	ő	Elativ: -ból, -ből

Wo's e Suffix mit de velare Variante a und o git, hängt vom Wort sälber ab, weller vo denne Vokal tatsächlig folgt. Meistens bilde de letscht Vokal und dä im Suffix e Kontrast, d. h. uff o folgt uff a/á und a uff o/ó. Sälli Regle isch aber nit züeverlässig.

Chlasse

Mer cha di ungarische Suffix in die 8 Kategorye yordne:

1. E Konsonant am Afang und kei Veränderig wäge de Stammändig, z. B. -ban/ben, -hoz/-hez/-höz.
2. v am Afang, wo de Uslutkonsonant verlängert und numme in Wörter uff e Vokal als v erhalte blibt.
3. Vokal am Afang und kei Veränderig wäge de Stammändig, z. B. -ul/ül
4. Bindigs-Vokal o/e/ö/a, wo bi Wörter mit Vokal am Änd verschwindet, z. B. -ak/-ek/-ok/-ök/-k
5. Bindigs-Vokal u/ü, wo bi Wörter mit Vokal am Änd verschwindet, z. B. -unk/-ünk/-nk
6. Bindigs-J, wo numme noch Vokal und bstimmte Konsonante vorchunnt, z. B. -a/-e/-ja/-je
7. unveränderlig, z. B. -kor, -ig, -képpen, -ért

Nome

Zwüsche männliche und wybliche Nome wird nit unterschyde. Bi Nämme vo wybliche Persone wird in de Regel s Suffix -né aghänkt, z. B. Müllerné = Frau Müller.

De Plural wird durch die helle Suffix -ek/-ök und s dunkle Suffix -ok (sältener -ak) usdruckt.

Kasus

Übber d'Aazahl vu de Fäll im Ungarische goht d'Fachliteratuur usenand. Si hänkt devuu ab, was mer alles als Fall zellt (wenn übberhaupt vu Fäll d'Red isch un nit vu Umstandsbstimmige). Fest stoht, dass es (we'mer de Nominatiiv mitzellt) 18 Suffix gitt, wu mer uff jedes bliebig Wort cha aawände, un witeri, wu numme mit ere bstimmte Gruppe vu Wörter odder in bstimmte Wändige uffdauche. Sälli bezeichnet mer als nem valódi eset (uuächti Fäll, dütsch au Umstandsbstimmige gnännt), di 18 andere als valódi eset (ächti Fäll). Bispil: Mer cha jedes Nome in de Akkusatiiv odder in de Datiiv setze, de Temporal bschränkt sich degege uff Zahle (hétkor: am sibeni) un Zitpünkt (érkezésemkor: bi miner Aachumft). Genauso findet de Lokatiiv (Pécsett, Győrött: z Pécs/Győr) numme bi wenige Stedt Aawändig, während di andere (ungarische) Stedt mit s Superessiiv-Suffix griege (Budapesten, Szegeden: z Budapest/Szeged).

Name vom Fall	Bedütig	Suffix hell/dunkel	Suffix noch Vokal
Ächti Fäll
Nominativ	wer?	<keins>	<keins>
Akkusativ	wen?	et/at/ot/öt	t
Dativ	wem?	nek/nak	nek/nak
Instrumental	mit öbbis	vel/val	vel/val
Final	für öbbis	ért	ért
Transformativ	(verwandelt) in öbbis	vá/vé	vá/vé
Superessiv	uff öbbis druff	en/ön/on	n
Sublativ	uff öbbis uffe	re/ra	re/ra
Delativ	vo öbbis abe	ről/ról	ről/ról
Inessiv	in öbbis dinne	ben/ban	ben/ban
Elativ	uss öbbis use	ből/ból	ből/ból
Illativ	in öbbis yne	be/ba	be/ba
Adessiv	bi öbbis (sy)	nél/nál	nél/nál
Allativ	nöcher an öbbis dra	hez/höz/hoz	hez/höz/hoz
Ablativ	vo öbbis weg	től/tól	től/tól
Terminativ	bis zu öbbis ane	ig	ig
Essiv-modal	zur Frau neh	ül/ul	ul/ül
Essiv-formal	als Gschänk	ként	ként
Uuächti Fäll
Temporal	um eins/...	kor	kor
Komitativ	vo öbberem begleitet	estül/ostul/östül	stül/stul
Distributiv temporal	pro Dag, jede Dag	ente/onta/önte	nte/nta
Distributiv	pro Kopf	enként/onként/önként	nként
Modal	als Gschenk	képpen	képpen
Lokativ	z (hochdüsch in)	ett/ott/ött/	–
Genitiiv	vu öbbis/öbberem	lüeg S Bsitzverhältnis
Multiplikatiiv	eimol usw. (bildet isch in Wirkligkeit e Adverb)	szer/szor/ször	–
Modal-Essiiv	(bildet in Wirkligkeit e Adverb	an/en/on/ön lag/leg	n –

Mit vyle vo denne Suffix lönn sich aber au d Forme vo de Personalpronome in de jewylige Fäll bilde. Deno wird s Suffix zum Präfix, d. h. zum Afang vom Wort. Do dra hänkt mer s entsprächende Suffix vo de bstimmte Konjugation (lüeg unde). De Akkusativ wycht vo derre Regle komplett ab, e baar witeri fiege vor em Personalsuffix e Büechstabe (z. B. j) y oder verdopple de letscht Büechstabe vom Fallpräfix.

Fall	1. Person Singular	2. Person Singular	3. Person Singular	1. Person Plural	2. Person Plural	3. Person Plural
Nominativ	én	te	ő, ön	mi	ti	ők, önök
Akkusativ	engem	téged	őt, önt	minket	titeket	őket, önöket
Dativ	nekem	neked	neki, önnek	nekünk	nektek	nekik, önöknek
Instrumental	velem	veled	vele, önnel	velünk	veletek	velük, önökkel
Final	értem	érted	érte, önért	értünk	értetek	értük, önökért
Superessiv	rajtam	rajtad	rajta, önön	rajtunk	rajtatok	rajtuk, önökön
Sublativ	rám	rád	rá, önre	ránk	rátok	rájuk, önökre
Delativ	rólam	rólad	róla, önről	rólunk	rólatok	rólunk, önökről
Inessiv	bennem	benned	benne, önben	bennünk	bennetek	bennük, önökben
Èlativ	belőlem	belőled	belőle, önből	belőlünk	belőletek	belőlük, önökből
Illativ	belém	beléd	belé, önbe	belénk	belétek	beléjük, önökbe
Adessiv	nálam	nálad	nála, önnél	nálunk	nálatok	náluk, önöknél
Allativ	hozzám	hozzád	hozzá, önhöz	hozzánk	hozzátok	hozzájuk, önökhöz
Ablativ	tőlem	tőled	tőle, öntől	tőlünk	tőletek	tőlük, önöktől

Verbe

Ungarisch underscheidet e unbstimmti Konjugation (ungarisch alanyi ragozás) und tárgyas ragozás). Säll gilt numme für dransitivi Verbe; indransitivi Verbe werre mit de unbstimmte Ändige konjugiert. D'Konjugation hängt devo ab, ob's e bstimmts Akkusativobjäkt hät.

Als „bstimmt“ gälte Akkusativobjäkt, wo

• e Demonstrativbronome oder e bstimmte Artikel devorstoht
• e Eigename sin oder durch e Eigename nöcher bstimmt werre
• e Possessivsuffix hän
• eins vo de Bronome ő, ön, ők, önök (Akkusativforme: őt, önt, őket, önöket, Übersetzig: er/si/es, Si, si [Pl.], Si [Pl.]) sin
• durch s Bronome azt (es), wo allerdings ewegglo wird
• e Näbesatz sin
• in de diräkte Red stönn

Als „unbstimmt“ gälte Akkusativobjäkt, wo

• de unbstimmt Artikel egy hän oder dä ygsetzt werre chönnt, ohni dass de Sinn verändert wird
• in de 1. oder 2. Person Singular oder Blural stönn
• e Zahl oder anderi Mängeagab (Bsp. kevés = wenig, más = e andere usw.) hän,
• kei Eigename sin
• e Indefinitbronome sin
• zwar Zitat sin, d. h. in Afiehrigszeiche gschribe werre, aber keini diräkte Rede sin
• eins vo de Frogebronome mit, milyen, hány, mennyi, semmenyi, semmi, semmilyen, kit (was, was für e, wie vyl [2x], gar kei, nüt, kei einzige, wen) devor stoht

Wenn's überhaupt kei Akkusativobjäkt hät oder ysetze losst oder wenn s Objäkt i me andere Fall stoht, no wändet mr di unbstimmti Konjugation a.

Mit de Usnahm vo kell (mieße) wird au bi de Hilfsverbe zwüsche de beide Konjugatione underschyde.

Konjugation Präsens

Person	unbstimmt, dunkel	unbstimmt, hell 1	unbstimmt, hell 2	bstimmt, dunkel	bstimmt, hell 1	bstimmt, hell 2
én	akarok	kérek	örülök	akarom	kérem	köszönöm
te	akarsz	kérsz	örülsz	akarod	kéred	köszönöd
ő/ön	akar	kér	örül	akarja	kéri	köszöni
mi	akarunk	kérünk	örülünk	akarjuk	kérjük	köszönjük
ti	akartok	kértek	örültök	akarjátok	kéritek	köszönitek
ők/önnök	akarnak	kérnek	örülnek	akarják	kérik	köszönik

Sunderfäll

• Wenn de Verbstamm uff s, z oder sz ändet, no verdoppelt mer sälli in de Forme, wo normalerwis e Suffix mit j am Afang kriege (sz wird zu ssz). S j verschwindet:
  hoz → hozza (statt hozja)
  keres → keressük (statt keresjük)
• Bi Verbe, wo de Stamm uff s, z oder sz ändet, hät di zweiti Person Singular in de unbstimmte Konjugation e l am Änd:
  vacsorázol (statt vacsorázsz)
  keresel (statt keressz)

E witere Sunderfall sin d'„ik-Verbe“, wo in de unbstimmte Konjugation Bräsens zum Deil anderi Ändige hän:

	lakik	születik
én	lakom statt: lakok	születem statt: születek
te	laksz	születsz
ő, ön	lakik statt: lak	születik statt: szület
mi	lakunk	születünk
ti	laktok	születtek
ők, önök	laknak	születnek

Konjugation Präteritum

'S git uff Ungarisch numme ei Form vom Präteritum. Bi de meiste Verbe wird si mit em Infix -t- und de Personaländige (lüeg Tabälle) bildet. 'S git zwei Sunderfäll:

• Verbe, wo de Stamm uff -at, -b, -d (aber nit -ad/-ed), -f, -g, -gy, -k, -p, -s, -sz oder -v ändet, kriege in de 3. Person Singular in de unbstimmte Konjugation s Suffix -ett/-ott/-ött statt em Infix -t.
• Bi Verbe uff [Vokal] + t und uff zwei Konsonante (wo au als zwei Konsonante usgsproche werre) ersetzt säll -ett/-ott/-ött s Infix -t vollständig und stoht zwüschem Verbstamm und de Personaländig.

Sälli beide Tabälle enthalte jewyls Bispyl für d Konjugation vo hälle bzw. dunkle Verbe.

häll
Typ I		Typ II		Typ III
kér		néz		készít
bstimmt	unbstimmt	bstimmt	unbstimmt	bstimmt	unbstimmt
kértem kérted kérte kértük kértétek kérték	kértem kértél kért kértünk kértetek kértek	néztem nézted nézte néztük néztétek nézték	néztem néztél nézett néztünk néztetek néztek	készítettem készítetted készítette készítettük készítettétek készítették	készítettem készítettél készített készítettünk készítettetek készítettek

dunkel
Typ I		Typ II		Typ III
vár		lát		hall
bstimmt	unbstimmt	bstimmt	unbstimmt	bstimmt	unbstimmt
vártam vártad várta vártuk vártátok várták	vártam vártál várt vártunk vártatok vártak	láttam láttad látta láttuk láttátok látták	láttam láttál látott láttunk láttatok láttak	hallottam hallottad hallotta hallottuk hallottátok hallották	hallottam hallottad hallott hallottunk hallottatok hallottak

Konjugation Konjunktiv

bstimmt häll	bstimmt dunkel	unbstimmt häll	unbstimmt dunkel
kérném	várnám	kérnék	várnék
kérnéd	várnád	kérnél	várnál
kérné	várná	kérne	várna
kérnénk	várnánk	kérnénk	várnánk
kérnétek	várnátok	kérnétek	várnátok
kérnék	várnák	kérnének	várnának

Im Konjunktiv wird kei Underschyd zwüsche häll I (e/i) und häll II (ö/ü) gmacht. De Konjunktiv Präteritum wird mithilf vo de Präteritum-Form vom Verb plus Konditional-Präsens-Form vo lenni (volna usw.) bildet.

Wenn de Verbstamm uff zwei Konsonante ändet oder uff -ít, no wird zwüsche ihn und d'Personaländig e Bindevokal a bzw. e gstellt:

hall → hallanék, hallanál usw.

dönt → döntenék, döntenél usw.

állít → állítanék, állítanál usw.

Bildig vom Futur

S Futur wird mit em Hilfsverb fog usdruckt. Säll wird in di entsprächendi Personalform (bstimmti/unbstimmti Konjugation, Person) gsetzt und vor de Infinitiv gstellt. Abwyche düet dodevo numme s Verb lenni (lüeg Tabälle witer unde).

S Infinitiv

Für d'Bildig vom Infinitiv wird bi hälle wie bi dunkle Verbe d'Ändig -ni verwändet, wo an de Verbstamm in de dritte Person aghänkt wird (lát → látni, kér → kérni). Bi de -ik-Verbe wird s ik ewegglo.

Sunderfäll

• Wenn de Wortstamm uff zwei Konsonante oder uff -ít ändet, no wird e a bzw. e zwüsche de ihn und d'Infinitivändig gstellt (hall → hallani, dönt → dönteni, indít → indítani).
• Bi Verbe, wo uff -sz ände, wird säll sz ewegglo und s n wird verdoppelt (tesz → tenni).

In de meiste Wörterbiecher isch s Verb nit under de Infinitivform z finde, sondern under de Form vo de dritte Person Blural.

Di wichtigste unregelmäßige Verbe

Näbe de wichtigste unregelmäßige Verbe lenni, menni, jönni (sy, goh, cho; lüeg unde) git s d Verbe uff -ik. Bi ihne entspricht di 1. Person Singular Präsens unbstimmt de Form vo de bstimmte Konjugation (was aber e baar Usnahme nit betrifft). Zudem hän si in de dritte Person Singular Präsens s Suffix -ik (wo ne au de Namme ge hät).

E Gruppe vo Verbe cha au sinngmäß nit in de unbstimmte Konjugation stoh; do ghöre Verbe wie dolgozik (schaffe), menni (goh) und diversi anderi dezüe.

Im Folgende d Konjugatione vo de drei wichtigste unregelmäßige Verbe.

lenni (sy)

	Präsens	Perfekt	Futur
Indikativ	vagyok vagy van vagyunk vagytok vannak	voltam voltál volt voltunk voltatok voltak	leszek leszel lesz leszünk lesztek lesznek
Konditional	volnék, lennék volnál, lennél volna, lenne volnánk, lennénk volnátok, lennétek volnának, lennének	lettem volna, lettél volna lett volna lettünk volna lettetek volna lettek volna
Imperativ	legyek légy oder legyél legyen legyünk legyetek legyenek

menni (goh)

	Präsens	Perfekt	Futur
Indikativ	megyek mész megy megyünk mentek mennek	mentem mentél ment mentünk mentetek mentek	(regelmäßig)
Konditional	mennék mennél menne mennénk mennétek mennének	mentem volna mentél volna ment volna mentünk volna mentetek volna mentek volna
Imperativ	menjek menj oder menjél menjen menjünk menjetek menjenek

jönni (cho)

	Präsens	Perfekt	Futur
Imperativ	jövök jössz jön jövünk jöttök jönnek	jöttem jöttél jött jöttünk jöttetek jöttek	(regelmäßig)
Konditional	jönnék jönnél jönne jönnénk jönnétek jönnének	jöttem volna jöttél volna jött volna jöttünk volna jöttetek volna jöttek volna
Imperativ	jöjjek jöjj oder gyere jöjjön jöjjünk oder gyerünk jöjjetek oder gyertek jöjjenek

Adverbie und Adjektiv

Im attributive Gebruch werre d Adjektiv nit ans Nome (z. B. Eizahl/Mehrzahl) abasst. Hingege kriege si (wenn nötig) d Pluraländig (-ak, -ek, -ok, -ök), we mer si prädikativ brucht. D Vokalharmony vo de Ändig folgt dodeby derre vom Adjektiv und nit vom Nome.

• Attributiv: A nagy város (Sg.) - A nagy városok (di großi Stadt/große Städt; kursiv = Pluraländig)
• Prädikativ: Nagy a város - Nagyok a városok

Adverbie werre normalerwis uss Adjektiv hergleitet; säll bassiert mit einer vo de Ändige an, en, on, ön, z. B. rettenes - rettenesen, nagy - nagyon.

S Bsitzverhältnis

Under de 23 Fäll vom Ungarische findet sich kei Genitiv. Au Possessivpronome (my, dy usw.) git's nit. Drum wird mithilf vo Possessivsuffix umschrybe: Mer hänkt si ans Objekt a, wo si sich druff beziehe. Sälli Suffix sin:

	Singular		Plural
Person	dunkel	häll	dunkel	häll
én	am/om	em	aim	eim
te	ad/od	ed	aid	eid
ő	a	e	ai	ei
mi	unk	ünk	aink	eink
ti	atok	etek	aitok	eitek
ők	uk	ük	aik	eik

Bispyl:

• a ház → a házam (my Hus); Plural: a házak → a házaim
• a könyv → a könyvem (my Büech); Plural: a könyvek → a könyveid
• a láb → a lába (sy Füeß); Plural: a lábok → a lábai usw.

Wenn s Bezugswort uff a oder e ändet, no verlängert mer sälli zu á, é; genau wie bi Wörter uff e andere Vokal verschwindet s a/e im Suffix.

D Vokalabfolge „ai“ und „ei“ im Plural werre dodeby immer [ɒʔi] und [ɛʔi] usgsproche; si verwachse nit zu Diphthong [ɒ̥i ], [ɛ̥i].

Possessivierig vom Infinitiv

Noch gwüsse Usdrück wie z. B. kell [mieße], szükséges [('s isch) nötig] usw. wird s Infinitiv mit re Personaländig flektiert. Als Stamm wird dodeby s Infinitiv (wo immer uff -ni ändet), wo s i devo abghänkt wird:

Person	häll	dunkel
(Infinitiv)	kérdezni	fáradni
én	kérdeznem	fáradnom
te	kérdezned	fáradnod
ő, ön	kérdeznie	fáradnia
mi	kérdeznünk	fáradnunk
ti	kérdeznetek	fáradnotok
ők, önök	kérdezniük	fáradniuk

S Subjäkt wird in de Dativ gstellt (Péternek el kell mennie). Wenn e Personalpronome s Subjäkt isch, no isch de Dativ fakultativ (Kell mennem oder Nekem kell mennem).

Syntax

Di ungarischi Satzreihefolg wird als SVO (Subjekt-Verb-Objekt) klassifiziert, woby s Subjekt ewegglo werre cha. Trotzdem isch d Satzreihefolg gregelt. E Satzglyd, wo betont werre soll, stoht diräkt vor em konjugierte Verb. Wenn s Verb sälber betont isch, no stoht s am Afang vom Satz.

Normalerwis bstoht e Satz uss vier Deil: Thema, Fokus, Verb und Rest. Eine vo denne vier Deil cha leer sy. Bim Thema und bim Rest chönne mehreri Satzglyder stoh, de Fokus hät aber maximal ei Satzglyd.

Bispyl: De Satz „Gest hät de János em Péter zwei Biecher brocht“. Näbem Verb git s d Satzglyder „János“, „Péter“, „tegnap“ (= gest) und „két könyvet“.

Theme		Fokus	Verb	Rest	Erchlärig
János	tegnap	∅	elvitt	két könyvet Péternek.	(kei speziälli Betonig)
János	tegnap	két könyvet	vitt el	Péternek.	S sin zwei Biecher gsi, nit drei und au keini andere Gegeständ.
János	∅	tegnap	vitt el	két könyvet Péternek.	S isch gest gsi, nit friehner und nit spöter.
∅	∅	János	vitt el	tegnap két könyvet Péternek.	D Biecher sin vom János brocht worre und vo niemer anderem.
∅	∅	Péternek	vitt el	tegnap János két könyvet.	Im Peter werre d Biecher brocht und niemer anderem.
János	tegnap	Péternek	vitt el	két könyvet.	Mr wüsse, dass de János öbberem zwei Biecher brocht hät und erfahre jetz, dass er si im Péter brocht hät.
∅	∅	∅	Elvitt	János tegnap két könyvet Péternek.	D Handlig isch jetz abgschlosse; d Biecher sin scho bim Péter.
Két könyvet	tegnap	∅	elvitt	János Péternek.	De János hät im Péter zwei Biecher brocht, aber s chönne no meh Sache deby gsi sy. D Biecher mien au nit s wichtigste devo sy.
∅	∅	Két könyvet	elvitt	János tegnap Péternek.	De János hät im Peter numme zwei Biecher brocht, sunsch nüt.

S Thema enthaltet e Satz oder Sätz, wo de Sprächer devo animmt, dass si de Hörer weiß. Mit sällem Satz/sälle Sätz wird e Thema erwähnt, wo de Satz devo handle wird. De Fokus betont e Elemänt, wo entweder unbekannt glaubt wird oder wo alli andere Mögligkeite, wie mer de Satz düte chönnt, usschließt. S legt au de Wert vom Satz für alli andere Persone/Objekt fest.

Wenn s e Fokus im Satz hät, no wird s Verbpräfix im Verb nochgstellt (z. B. vitt el statt elvitt). Wenn s kei Verbpräfix hät, no wird de Satz mehdütig. Z. B. cha im Satz Éva szereti a virágokat (D Eva mag Blüeme) d Éva s Thema i me neutrale Satz oder de Fokus vom Satz sy. E Bispyl mit sällem Satz:

Satz	Bedütig
Éva szereti a virágokat.	D Eva mag Blüeme. (neutral)
Éva szereti a virágokat.	D Éva mag Blüeme (und hasst si nit).
Éva szereti a virágokat.	D Éva mag Blüeme (und nit öbber anderscht).
Éva a virágokat szereti.	D Éva mag Blüeme (und nit öbbis anders).
A virágokat Éva szereti.	Mr wüsse, dass öbber Blüeme mag und s isch (usgrächent) d Éva.
A virágokat szereti Éva.	D Éva mag Blüeme (und nit öbbis anders).

Verbalpräfix

Under de vyle zämmegsetzte Wörter vo de ungarische Sproch findet mer of au Verbe mit Präfix. Mänki devo (z. B. be-) leite sich vo de Kasussuffix ab.

Wie au im Alemannische chönne d Verbalpräfix abtrännt werre und stönn deno hinder em konjugierte Verb sälber. Des hänkt vo de Betonig innerhalb vom Satz ab; wenn's e betonts Satzgyld git, no stoht säll diräkt vor em Verb (wie in de Satzreihefolg ieblig) und s Verbpräfix dehinder. Bispyl (grien = Verb, rot = Präfix, understriche = betonts Satzglyd)

1. Péter lemegy az utcára.
2. Az utcára megy le Péter.
3. Péter megy le az utcára.

Erlüterige:

• Satz 1: De Péter goht uff d Stroß [abe]. – 'S hät kei Satzglyd, wo betont wird.
• Satz 2: De Péter goht uff d Stroß [abe] und niene anderscht ane. – S Satzglyd „d Stroß“ wird betont.
• Satz 3: De Péter und niemer anderscht goht uff d Stroß [abe]. – S Satzglyd „De Péter“ wird betont.

Wenn's e Hilfsverb hät, no stellt sich's zwüsche Verb und Präfix. Bispyl (orange=Hilfsverb)

• Péter le fog menni az utcára.
• Péternek le kell mennie.
• Péter le akar menni.

Übersetzig: De Péter goht [in Züekunft] abe uff d Stroß (Satz 1), de Péter müeß uff d Stroß abegoh (Satz 2), de Péter wott uff d Stroß abegoh (Satz 3).

Liste vo de ungarische Verbalpräfix (Quälle: Wiktionary)

• alá- (drunder)
• át- (dure; drüber)
• el- (füre; eweg)
• fel-/föl- (uffe)
• ide- (her)
• ki- (use)
• le- (abe)
• meg- (Afang/Änd vo-n-re Handlig)
• oda- (hy, ane)
• össze- (zämme)
• rá- (druff)
• szét- (ussenand)
• vissza- (zruck)

Bostpositione

Vyli Wörter, wo im Alemannische durch Präpositione usdruckt werre, hän als ungarischi Entsprächig e Bostposition. Sälli stoht nit wie-n-e Präposition vor, sondern hinder ihrem Bezugswort.
Je nochdem, ob s Wort e Bewegig „her“, e Standort „do“ oder e Bewegig „eweg“ bezeichnet, hät sälli Bostposition e anderi Ändig, z. B:

• az autó alá - under s Auto drunder
• az autó alatt - under em Auto drunder
• az autó alól - under em Auto füre

Die Flektion (oder e ähnligi) funktioniert mit allne Bostpositione. Mänki devo chönne (vom Sinn her) nit alli drei aneh.

Übersetzig	über	under	vor	hinder	näbe	zwüsche	um ... umme	hinder, noch	längs	durch	über ... use	durch ... dure
vo wo?	fölül	alól	elől	mögül	mellől	közül	—	—	—	—	—	—
wo?	fölött	alatt	előtt	mögött	mellett	között	körül	után	hosszant	át	túl	keresztül
wohy?	fölé	alá	elé	mögé	mellé	közé	köré	—	—	—	—	—

Wenn's e Demonstrativpronome (ez/az) hät, wo sich uff s Nome bezieht, no stoht d Bostposition hinder beidne (ez und az werre vor Konsonante zu e bzw. a):

• A/E mellé az autó mellé - näbe sällem/dem Auto

Derivation

21,5 Prozänt vo de (motivierte; uff s Gsamt gseh 17,1%) ungarische Wörter werre durch Derivation bildet.

Verbe chönne uss Substantiv abgleitet werre, indem mer s Suffix -ít oder -z(ik) verwändet. Zudem cha mer si uss andere Verbe bilde; säll bassiert durch s Suffix -hat/-het (für chönne/dürfe) oder -gat/get (für e Dätigkeit wo sich widderholt).

Substantiv lönn sich uss Verbe (-ás/és) und uss Adjektiv (-ság/-ség) ableite.

Adjektiv cha mer uss Verbe durch e Suffix -ó/-ő bilde. Zudem git's d Mögligkeit, si vo Substantiv (-as/-es/s) abzleite.

In de folgende Tabälle e Liste vo Bispyl für di ungarischi Derivation. Uff de linke Site jewyls d Wortart, wo devo usgange wird, obe d Zylwortart.

	Substantiv	Verb	Adjektiv
Substantiv		vacsora (Nachtässe); fehér (wiß) vacsorázik (z Nacht ässe); fehérít (usbleiche)	csend (Rujj) csendes (rujjg)
Verb	zaklat (störe) zaklatás (Störig)	takarít (butze) takaríthat (butze dürfe) takarítgat ([regelmäßig] butze1)	áll (stoh) álló (ständlige, im Stoh; hochdütsch „stehend“)
Adjektiv	rendetlen (unordentlig) rendetlenség (Unordnig)

¹ S Suffix get/gat (Frequentativ) wird genau wie hat/het hinder de Wortstamm gstellt; Personaländige chömme dehinder. Bispyl: beszel + get + ek (=ich schwätz). 'S cha diversi verschydeni Bedütige aneh, z. B:

• E Dätigkeit wo sich widerholt
• „hy und her“
• „umme“

Lüeg au

• Ungarischi Sproch
• Ungarischi Dialäkt