Victoria, Chenigi vu Großbritannien un Irland

D Victoria (dytsch au Viktoria, aigetli Alexandrina Victoria; * 24. Mai 1819 im Kensington Palace, London; † 22. Jänner 1901 z Osborne House, Isle of Wight) isch vu 1837 bis 1901 Chenigi vum Verainigte Chenigrych vu dr Großbritannien un Irland gsi un het ab 1876 as erschte britische Monarch un zwaite Mänsch iberhaupt dr Titel „Chaiser vu Indie“ drait.

d Chenigi Victoria an ihrem guldine Droonjubileum 1887

Läbe ändere

Si isch d Dochter vum Edward Augustus, Duke of Kent and Strathearn un dr Victoire von Sachsen-Coburg-Saalfeld gsii un isch d Ururgroßmueter vu dr jetzige britisch Chenigi Elisabeth II. un au vu däre ihrem Brinzgmahl Philip.

Wu d Victoria uf dr Droon gstigen isch, het d Personalunion zwische Großbritannien un Hannover ufghert, wel im Chenigrych s salisch Gsetz gulte het, wu Fraue vu dr Droonfolg uusgschlosse het. Mit em Dood vu dr Victoria isch d Herrschaft vum Huus Hannover uf em britische Droon z Änd gange, mit ihrem Suhn Chenig Eduard VII. het d Herrschaft vum Huus Sachse-Coburg un Gotha aagfange.

As konschtitutionälli Monarchi isch si pro forma Herrscheri iber meh wie ne Fimftel vu dr Ärd un e Drittel vu dr Wältbevelkerig gsii. In ihre Regierigszyt hän d Ober- un Mittelschichte vu Großbritannie ne byschpellose wirtschaftlige Bluescht erläbt, un s Britisch Wältrych isch uf em Hegschtpunkt vu syre Macht gstande. Wichtig fir ihri Regieriszyt sin dr Yyfluss vu ihrem Kusäng un Mann Prinz Albert vu Sachse-Coburg un Gotha un ihre fascht vellige Ruckzug us dr Effetligkait no däm sym Dood anne 1861. D Victoria het 63 Jahre un 7 Monet regiert, lenger wie ne jede andere britische Monarch vor ihre. Dur ihri zahlryche Noochuu het si au dr Byname „Großmueter vu Europa“ iberchuu. Ihri lang Regäntschaft het em Viktorianische Zytalter dr Name gee.

Chinder ändere

D Victoria un dr Albert hän nyyn Chinder ghaa:

  • Victoria („Vicky“) (* 21. Novämber 1840; † 5. August 1901), Princess Royal
⚭ 1858 Friedrich III., Dytsche Chaiser un Chenig vu Preuße
  • Albert Eduard („Bertie“) (* 9. Novämber 1841; † 6. Mai 1910), Prince of Wales, as Eduard VII. Chenig vu Großbritannien un Irland un Chaiser vu Indie
⚭ 1863 Prinzessi Alexandra vu Dänemark
  • Alice (* 25. April 1843; † 14. Dezämber 1878)
⚭ 1862 Großherzog Ludwig IV. vu Hesse
  • Alfred („Affie“) (* 6. Augschte 1844; † 31. Juli 1900), Duke of Edinburgh un regierende Herzog vu Sachse-Coburg-Gotha
⚭ 1874 Großfirschti Maria vu Russland
  • Helena („Lenchen“) (* 25. Mai 1846; † 6. Juni 1923)
⚭ 1866 Prinz Christian vu Schleswig-Holstein-Sonderburg-Augustenburg
  • Louise (* 18. Merz 1848; † 3. Dezämber 1939)
⚭ 1871 John Campbell, 9. Duke of Argyll
  • Arthur William (* 1. Mai 1850; † 16. Jänner 1942), Duke of Connaught and Strathearn
⚭ 1879 Prinzessi Luise Margarete vu Preuße
  • Leopold Georg (* 7. April 1853; † 28. Merz 1884), Duke of Albany
⚭ 1882 Prinzessi Helene zu Waldeck un Pyrmont
  • Beatrice (* 14. April 1857; † 16. Oktober 1944)
⚭ 1885 Prinz Heinrich vu Battenberg

Literatur ändere

  • Sidney Lee: Queen Victoria. A biography. Smith, Elder & Co., London 1902.
  • Ella Mensch: Königin Viktoria von Großbritannien und Irland. Ein Zeit- und Lebensbild. Dargestellt nach schriftlichen und mündlichen Quellen. Hermann Seemann Nachf., Berlin 1908.
  • Josephine M. Guy: The Victorian age. An anthology of sources and documents. Routledge, London 2002, ISBN 0-415-27114-2.
  • Kurt Tetzeli von Rosador: Queen Victoria. Ein biographisches Lesebuch. Hrsg. Kurt Tetzeli v. Rosador & Arndt Mersmann. Deutscher Taschenbuch Verlag, München 2000, ISBN 3-423-12846-1.
  • Carolly Erickson: Königin Victoria. Eine Biographie. Piper, München 2001, ISBN 3-492-23286-8.
  • Karl Heinz Wocker: Königin Victoria. Die Geschichte eines Zeitalters. Heyne, München 1989, ISBN 3-453-55072-2.
  • Jürgen Lotz: Victoria. Rowohlt Verlag, Reinbek 2000, ISBN 3-499-50627-0.
  • Marita A. Panzer: Englands Königinnen. Piper, 2006.
  • Victoria Zoubkoff: Was mir das Leben gab – und nahm. Mit einem Nachwort von Horst-Jürgen Winkel. Bouvier, Bonn 2005, ISBN 3-416-03071-0.
  • Stanley Weintraub: Queen Victoria. Benziger Verlag, Solothurn und Düsseldorf 1994, ISBN 3-545-34070-8.
  • Herbert Tingsten: Königin Viktoria und ihre Zeit. Diederichs, München 1997, ISBN 3-424-01360-9.
  • Greg King: Alexandra. Die letzte Zarin von Rußland. Ihr Leben und ihre Zeit. Marion von Schröder, München 1994, ISBN 3-547-75401-1.
  • Karina Urbach: Queen Victoria. Eine Biografie. Verlag C.H. Beck, München 2011, ISBN 978-3-406-58788-7.
  • Heide Schulz: "Die Ode H.C.A. Eichstädts zum Royal Wedding 1840", in: Coburger Geschichtsblätter. 20. Jahrgang 2012, S.25-54, ISSN 0947-0336

Weblink ändere

  Commons: Königin Viktoria – Sammlig vo Multimediadateie