Elisabeth II.

D Elisabeth II. (* 21. April 1926 als Elizabeth Alexandra Mary z Mayfair, London; † 8. September 2022 im Balmoral Castle, Aberdeenshire, Schottland) us em Huus Windsor isch in Personalunion d Königin vom Vereinigte Königriich vo Grossbritannie und Nordirland und Staatsoberhaupt vo dene Commonwealth-Königriich: Antigua und Barbuda, Australien, Bahamas, Belize, Grenada, Jamaika, Kanada, Neuseeland, Papua-Neuguinea, Salomonen, St. Kitts und Nevis, St. Lucia, St. Vincent und d Grenadine und Tuvalu gsi. Uf de Kanalinsle het si as Duke of Normandy und uf der Isle of Man as Lord of Manngherrscht. Uf Fidschi isch si Paramount Chief, aso Oberhöiptling gsi. Si isch au s Oberhaupt vo dr anglikanische Chile gsi und het dr Ditel «Fidei Defensor» gha (Verdaidiger vum Glaube).

D Elisabeth II. (2015)

D Elisabeth isch de vierzgischt Monarch uf em änglische reschp. britische Thron sit em Wilhälm em Eroberer gsi. Si isch di eltisti Dochter vom König Georg VI. und dr Elizabeth Bowes-Lyon gsi. Am 6. Februar 1952, em Dodesdag vo ihrem Vater, isch si vom Dronfolgroot zur Königin proklamiert worde. Ihri Chrönig het 16 Mönet druf, am 2. Juni 1953, in dr Westminster Abbey stattgfunde. Ghürote het si dr Philip vo Griecheland und Dänemark (1921–2021); är isch echli spööter zum Herzog vo Edinburg ernännt worde. Chind het si vier gha: dr Charles (* 1948; de hüttig König Karl III.), d Anne (* 1950), dr Andrew (* 1960) und dr Edward (* 1964).

Bolitisch isch si neutral, si herrscht as parlamäntarischi Monarchin. Numme sälten emool isch es glych duuredrunge, was si eso über wäär und waas dänggt. 2022 hed si ires diamantig Regierigsjubilääum chönne fiire – si isch doozmool sit 70 Joor Königin gsi. Wäret irer lange Regierigszit het si 15 verschideni britischi Premierminischter ghaa (T stoot für Tory, L für Labour): de Winston Churchill (T), de Antony Eden (T), de Harold Macmillan (T), de Alec Douglas-Home (T), de Harold Wilson (2mol; L), de Edward Heath (T), de James Callaghan (L), d Margaret Thatcher (T), de John Major (T), de Tony Blair (L), de Gordon Brown (L), de David Cameron (T), d Theresa May (T), de Boris Johnson (T) und d Liz Truss (T).

Si hed as Königin zwai Woope gha:

WeblinkBearbeite

  Commons: Elisabeth II. (Commonwealth) – Sammlig vo Multimediadateie
Vorgänger Amt Nochfolger
Georg VI. Königin vom Vereinigte Königriich und de Commonwealth Realms
1952–2022
Karl III.