D Viola Angelika Heinzelmann (* 1. Novämber 1969 z Kircha) isch e Schwyzer Ginekoloogi, Laitendi Dokteri vu dr Frauekliinik un Schefdokteri vum Ginekoloogische Tuumorzäntrum am Universiteetsspitaal Baasel un Brofässeri fir Ginekology an dr Universiteet Baasel.[1][2]

Lääbe un WiirkeBearbeite

D Viola Heinzelmann stammt us ere Chaufmannsfamiilie. No dr Schuel het si zeerscht zwai Joor Räächtswisseschaft z Erlangen studiert [2] un derno bis 1997 Humaanmedizíin an dr Universiteet Dibenga.[3] Deert isch si anne 1997 au no Stuudieufenthalt am Dunedin Public Hospital, University of Otago (Neiseeland), am Middlesex Hospital, University College London (London) un am Universiteetsspitaal Züri promoviert woore.

Vu 1999 bis 2002 het si iri Uusbildig im Fachberyych Ginekology un Gebuurtshilf im Departemänt Frauehailkund am Universiteetsspitaal Züri wytergmacht. Si het in dr Beryych Photodynamischi Therapy un Drug Resistance in dr Ginekoloogische Foorschigsabdailig vum Universiteetsspitaal gfoorscht.[4] Vu 2002 bis 2004 z Sydney e zwaijeerig Poschtdoktoraat am Garvan Institute of Medical Research vu dr University of New South Wales absolviert.[2] Derno het si z Züri as Ooberdokteri an dr Frauekliinik vum Spital Limmattal gschafft un isch glyychzytig Foorschigslaiteri vu dr Translational Research Group am Universiteetsspitaal gsii. Anne 2008 het si d Venia Legendi as Privaatdozänti an dr Universiteet Züri iberchuu.[2] Zwische 2008 un 2012 het si z Sydney am Royal Hospital for Women vu dr University of New South Wales gschafft un gfoorscht.[2]

D Heinzelmann isch syter anne 2012 Brofässeri fir Ginekology an dr Universiteet Baasel[2] un laitet syter anne 2013 as Schefdokteri di Klinik für Gynäkologie und Gynäkologische Onkologie am Universiteetsspitaal Baasel.[1] Foorschigsschwäärpinkt sin ginekoloogischi Karzinoom, vor allem s Ovariaalkarzinoom (Aierstockchräbs).[1]

D Heinzelmann isch ghyroote, Mueter vun eme Suun un ere Doochter zwai Chinder un läbt z Rieche.[5] Si het näb dr schwyzerische au di auschtraalisch un di dytsch Staatsbuurgerschaft.[6]

WeblinkBearbeite

FueßnoteBearbeite

  1. 1,0 1,1 1,2 Universitätsspital Basel: Team: Prof. Viola Heinzelmann. Abgerufen am 30. April 2020.
  2. 2,0 2,1 2,2 2,3 2,4 2,5 Universität Basel: Neue Gynäkologie-Professorin an der Universität Basel. Abgerufen am 30. April 2020.
  3. Viola Heinzelmann: CV Viola Heinzelmann. (PDF) Abgerufen am 30. April 2020.
  4. Berufungen / Ernennungen. Abgerufen am 30. April 2020.
  5. Philipp Albrecht: Dem Tumor auf der Spur: Viola Heinzelmann erforscht eine heimtückische Krebsart. In: Handelszeitung. Abgerufen am 30. April 2020.
  6. Die fröhliche Gynäkologin. In: Der Bund. ISSN 0774-6156 (derbund.ch [abgerufen am 30. April 2020]).
  Dä Artikel basiert uff ere fräie Übersetzig vum Artikel „Viola_A._Heinzelmann“ vu de dütsche Wikipedia. E Liste vu de Autore un Versione isch do z finde.