De Vivasvat (skt. Vivasvat m.»Uuflüüchte«) isch im Vedismus e Gott gsii, wo im jüngere Hinduismus mitem Sunegott Surya verschmolzen isch. Öber de Manu und de Ikshvaku isch er de Stamvatter vo de Sunedynastii (Suryavamsha).

VedaBearbeite

Im Vedismus isch de Vivasvat de Vatter vom Totegott Yama und vom Urmensch Manu. Er het em Matarishvan de Uuftraag ggee, s Füür vom Himel zu de Mensche uf d Erd z bringe.

AvestaBearbeite

Im iranische Avesta isch de Vivanhant de Vatter vom Urkönig Yima. Do litt aso en alti Gmainsamkait vor, wies no anderi zwöschet de iranische und indische Religio git. De Vivanhvat gelt as de ersti Presser vom Haoma.

BüecherBearbeite

  • Hans Wilhelm Haussig (Hg.): Götter und Mythen des Indischen Subkontinents. Stuttgart: Klett-Cotta (1984). ISBN 3-12-909850-X