Vorässè

Vorässè isch d schwizer Version vom Ragùù.

Kalbsvorässè

Geschichte

Dè Begriff stammt uss ènèrè Zit, wo d Feschtmòlzitè no zimli rychhaaltig gsi sin und mò sich nimmi eim Fleischgang zfriddè gää hèt. Für s Horsd’œuvre – also vor dè Hauptgäng als Vorschpys – isch meischtens è Ragùù servyrt worrè. So isch es zum Byschpill bi nèrè èchtè Friburger Benichon (Chilbi) hüt no normal, s Feschtmòl mit ènèm Lammvorässè aazfangè.

Vorässè wörred vom Kalb, Rind, Schwyn odder Lamm aabotè.

Vo dè unterschydlichè Dyrli wörred folgendi Deil vowendèt:

• Kalb: Haals, Bruscht, Schulter un Schenkèl
• Rind: Haals, Schenkèl un Schlempè).
• Schwyn: Schulter un Schenkèl
• Lamm: Haals, Schulter un Bruscht.

Magers Vorässè nimmt mò vo dè Schulterè, ehnder durchzognes uss dè Bruscht. Schenkèlfleisch bruucht è öppis längeri Garzit. S isch abber aromatischer, un Gourmets eschtimyrèd dè Gùù, wo diè fynè, weichkochtè Seenè im Schenkèl hèrgänn.

Frisch gschnittenes Vorässè isch im Küèlschrank zwei bis drei Dääg haltbar. S lõt sich au probleemlos düèfküèlè.

Zuèbereitig

S Fleisch wörd uff allnè Sitè aabrõtè, è Brõtègarnitur (bschteggti Zwieblè un fyn gschnitteni gääli Rüèbli) dezuè duè un mit öppis Mèèl bschtäubt witer gröschtet. Aaschlièssend Wasser odder Boullion dèzu! gää (ablöschè) un mit Saalz odder Streuwürzi, Pfeffer, Majoran un Rosmarin würzè. S Ganze nu zuèdeckt è bitzeli (je nõch Art vom Fleischs) schmorè lõ. Nõch Belièbè i dè letschtè 15 Minutè gwürflèti Tomatè un Pilz mitkochè lõ. Zu sellèm Gricht wörred traditionèll Salzhärdöpfel odder Härdöpfelstock, hüt au Rys servyrt.

Weblinggs

• Schwizer Landwǜrtschaft: Rezèpt für Vorässè

Dä Artikel basiert uff ere fräie Übersetzig vum Artikel „Voressen“ vu de dütsche Wikipedia. E Liste vu de Autore un Versione isch do z finde.