Walter Müller von Kulm

Dialäkt: Baseldütsch

Walter Müller von Kulm (* 31. August 1899 z Basel; † 3. Oktober 1967 z Arlese) isch e Schwizer Komponist, Dirigänt und Muusigpedagoog gsi.

Lääbe und Aarbet ändere

Dr Müller vo Kulm isch z Baasel ufgwaggse und het noch ere Usbildig zum Brimaarleerer e baar Joor lang z Othmarsinge gschafft, bevor er sich erst 1927 für e Bruefsstudium am Konserwatorium Baasel entschlosse und bim Volkmar Andreae, Rudolf Moser, Gustav Güldenstein und Felix Weingartner studiert het. Druf het dr Müller vo Kulm im Ufdraag vom Baasler Kammerorkhester e baar erfolgriichi Komposizioone gschriibe. Vo 1939 bis 1954 het er d Baasler Bach-Choor gläitet. Vo 1947 bis 1964 isch er Diräkter vo dr Muusig-Akademii vo dr Stadt Baasel gsi.

Dr Müller vo Kulm het sich in verschiidene muusikpedagoogische Verbänd angaschiert (z. B. dr Schwizerisch Muusigpedagoogisch Verband (SMPV), dr Nordwestschwizerisch Choordirigänteverband (NWCHV)).

Wärk ändere

  • Kammerkonzert für Violine und Streichorchester (1930)
  • Der Erfinder (Opere, 1944)
  • Unser Vater (Oratorium, 1945)
  • Liedsatz «Herr der Stunden, Herr der Tage» uf e Text vom Hermann Hiltbrunner us em Joor 1945 (Uurufgfüert am 31. Mai 1959 z Züüri)

Schrifte ändere

  • Grundriss der Harmonielehre. Baasel, Amerbach 1948.

Liddratuur ändere

Weblingg ändere