Wissherbschd
Wissherbschd derf nach dytschem Wiirächt nur Rosèwii haise, wu 100% üs rodi Räbsorte gmacht wore isch. Üsserdem mehn d Trybel üs ainere Wiilag schdamme. Bim Wissherbschd wird d gliichi Vorgehenswiis wi biim Wisswii agewndet. Dr Most wird vor d Gärig vu d Maische abpresst - uf dia Art ka sich d Färbig fü dr Schal nur als liichti rodi Färbig im Wii zeige.
Ä zueglassini nachträglichi Süessig vu Qualitätswii derf in besschdimmti Abaugebiet nur mit Süessreserve (unvugorener Moschd) vu dr gliichi Sort un mindeschdens vu dr gliichi odr ä höcheri Qualitätsstuef gmacht were. Ä Zuesatz vu 5% Rotwii vu dr selbe Rebsort isch erlaubt.
Meischdens wird d Wissherbschd üs Spätburgunder gmacht. Hüfig isch ä Wissherbschd abr ä Art Vuwertig vu Räschd: Trybel wu nit guet gnua fir Rotwii sin were üssortiert und ebbe fir Wissherbschd gnumme.
Üsser Wii macht mr äui Sekt üs Wissherbschd. In baidi Fäll isch uf m Etikett zerschd d Räbsort agä und denno kunnt d Zuesatz 'Wissherbschd'.
Z Öschterrych sait mò im Wissherbschd Glychbresste, i dè Schwiz sait mò Süèßdrugg dezuè un z Frankrych Vin gris (graue Wii).
Literatur
ändere- C. u. F. Lange: Das Weinlexikon, Fischer Verlag 2003, ISBN 3-596-15867-2