Wysswy

Wysswy isch e alkoholisches Getränk, wo durch alkoholischi Vergärig vo (meischtens wysse) Truube entstoht. Es git au Wysswy, wo us rote Truube härgschtellt wird. D'Farb vom Wysswy isch je nach Härkunft und Ryffy etc. vo hällgääl, mit teils griene Refläx, über stohgääl bis zu goldgääl.

Wysswy

In der Nase sin vor allem bluemigi und fruchtigi Düft z'erkenne, im Gaume sin früschi und lycht süürlichi Note vorhande.

Wysswy wird gärn kielt serviert und eignet sich guet für Fisch- und Kruschtetier-Grycht aber au zu Spargle wird är gärn trungge.

Ne ganz bsunderi Schbezialidät fir Äuidofahrer, wu uff ihrene Spiegel luege mien, isch Wysswyschorli süür oder gschprützde Wysse wie'n'er in andere Gegende au g'nennt wird.

Uswahl vo Wysswy us em alemannische Berych

• Schwiiz
  • Amigne
  • Bacchus
  • Chasselas (Gutedel)
  • Completer
  • Chardonnay
  • Gewürztraminer
  • Heida (Savagnin blanc)
  • Humagne blanche
  • Kerner
  • Muscat
  • (Petite) Arvine
  • Pinot blanc (Weissburgunder)
  • Pinot gris (Malvoisie)
  • Räuschling
  • Riesling x Sylvaner (RS, Müller-Thurgau, Rivaner)
  • Sylvaner (Johannisberg)

• Elsass
  • Chardonnay
  • Edelzwicker
  • Gewürztraminer
  • Klevner (Klevener)
  • Muscat
  • Pinot blanc
  • Pinot gris (Tokay d'Alsace)
  • Riesling
  • Sylvaner

• Bade-Württebärg
  • Auxerrois
  • Bacchus
  • Chardonnay
  • Elbling
  • Findling
  • Guetedel (Chasselas)
  • Gewürztraminer (Traminer)
  • Grauburgunder
  • Johanniter
  • Kerner
  • Merzling
  • Müller-Thurgau (Rivaner)
  • Nobling
  • Riesling (Schwarzriesling/Weißriesling)
  • Ruländer
  • Silvaner
  • Scheurebe
  • Weisser Burgunder (Pinot blanc, Clevner)

In Öschtrych wird im alemannische Teil kei Wy in nennenswärtem Umfang härgschtellt.

Neueri gentechnischi Analyse hänn zeigt, dass es sich bym Riesling x Sylvaner bzw. bym Müller-Thurgau um e Krüzig zwüsche Riesling und Guetedel (Chasselas) handelt.

E Sonderstellig hänn Wysswy mit ere hoche Räschtsiessi (also noch dr Gärig immer no viel Zucker enthaltend): Si wärden als Dessertwy (au Siesswy gnennt) serviert. Byschpyl: Trockenbeerenauslese, Vendange tardive, Sélection de Grains Nobles, Eiswein etc.