Kerner isch e Wisswy-Truube, wo 1929 vom August Herold in dr württebärgische Lehr- und Versuechsaastalt in Weinsberg als Krüzig zwüsche Trollinger und Riesling erfunde worden isch. Dr Name kunnt vom schwöbische Dichter und Arzt Justinus Kerner (1786–1862), wo ebe in Weinsberg gläbt het und unter anderem au Gedicht über dr Wy gschriebe het.

Kerner

Dr Kerner gilt als e nobli Sorte, stellt wenig Aasprüch ans Klima und het e Ertrag, wo 10–15 % höcher ligt als dr Riesling.

In dr Schwyz wird er v. a. in dr Ostschwyz, im Tessin und ganz wenig in dr Westschwyz aabaut, in Dütschland isch er sehr verbreitet, er wird im Südtirol ebefalls aabaut.