Wendrsonn

Wendrsonn isch a Band aus em Lendle, wo frei noch em Moddo Mir können fei auch Hochdeutsch, wellad aber net! ihre schwäbische Musig mached. Egal, ob se als Hauptakteur oder als Vorprogramm vom Joe Cocker oder Roger Hodgeson auftreted, s isch älleweil fier guate Laune gsorgt. Ma ka scho sage, dass se em Moment oine vo de bedeidenschte schwäbische Bands send.

Wendrsonn

Wendrsonn live beim blacksheep Festival 2016 Wendrsonn live beim blacksheep Festival 2016
Allgmeini Informatione
Genre	Folk-Rock, Mundartrock
Gründig	2005
Website	www.wendrsonn.de
Aktuelli Bsetzig
Gsang, Akkordeon, Gitarre, Keyboard, Ukulele, Maultrommel, Bluesharp	Markus Stricker
Gsang, Piano, Flete, Waschbrett, Glockespiel	Biggi Binder
Gitarre, Banjo, Irish Bouzouki	Michael Schad
Geige, E-Geige, Mandoline, Gitarre, Keyboard, Bratsche	Klaus Marquardt (seit 2010)
Bass, Kontrabass, Gsang	Ove Bosch (seit 2009)
Schlagzeug, Percussion	Robert "Rob" Wittmaier (seit 2019)
Ehmaligi Mitglider
Schlagzeug, Percussion	Ingo Schmidinger (2005–2006)
Schlagzeig, Percussion	Svend Renkenberger (2007)
Schlagzeig, Percussion	Horst Künzel (2007–2011)
Geige, E-Geige	Daniela Elisabeth Müller (2005–2010)
Bass, Gsang	Ulrich Doderer (2005–2009)
Schlagzeig, Percussion	Heiko Peter (2015–2019)

D Musiger

Biggi Binder als Sengere, hot vorher bei zwoi andere Bands gsonge ond au scho a Solo CD aufgnomma. Dr Stricker Markus isch dr kreative Kopf ond Orgelmusiger. Vorher hot er scho Kammerchör gleitet ond bei barbed wire gschbielt. Dr Marquardts Klaus isch en schdierter Geiger aus em Remsdal. Dr Micha Schad isch dr Gittareschbieler, manche vergleiched en mit em Clapton oder em Santana. Dr Ove Bosch isch dr Bassischd ond dr Heiko Peter der Drommler vo Wendersonn.

Gschichtlichs

S hoisst, die Idee zu Wendersonn sei vom Wolle Kriwanek komme, wo zom Stricker Markus gmoind hot, er soll doch au mol ebbes deitschs mache. S hot dann allerdings no meh wie a Johr dauret, bis ebbes draus worde isch. Dr Name Wendersonn isch an ma kalte Wenderdag entstande, wo sich d Sonn en dr gfrorene Lache schbiegled hot.

CDs

• 2006: Songs von Dahoim (FV)
• 2009: Woisch no (Mäule & Gosch)
• 2011: S'Läba isch koin Schlotzer (Mäule & Gosch)
• 2013: Reigschmeckter (Brother Records)
• 2015: Geile Zeit (Brother Records)
• 2017: Ondrwägs (Brother Records)

Preis

• 2014: Deutscher Rock & Pop Preis – Zwoidr Platz „Bestes Folkrockalbum“ (Reigschmeckter)
• 2016: Deutscher Rock & Pop Preis – Erschter Platz „Beste Folkrocksängerin“ (Biggi Binder)
• 2016: Deutscher Rock & Pop Preis – Erschter Platz „Bester Folkrocksänger“ (Markus Stricker)
• 2016: Deutscher Rock & Pop Preis – Erschter Platz „Bestes Folkrockalbum“ (Geile Zeit)
• 2016: Deutscher Rock & Pop Preis – Erschter Platz „Bester Instrumentalsolist“ (Klaus Marquardt)
• 2016: Deutscher Rock & Pop Preis – Zwoidr Platz „Beste Folkrockband“
• 2016: Deutscher Rock & Pop Preis – Dritter Platz „Bester Folkrocksong“ (Geile Zeit)

Links

 Commons: Wendrsonn – Sammlig vo Multimediadateie

• Wendrsonn – die Mundartband im Ländle