Di Weschtlige Insle (Tok Pisin Westen Ailan) sin e Gruppe vu Insle un Inselgruppe im Bismarck-Archipel. D Insle ghere bolitisch zue dr Provinz Manus z Papua-Neiginea.

Westliche Inseln
Charte vu dr Weschtlige Insle vum Bismarck-Archipels
Charte vu dr Weschtlige Insle vum Bismarck-Archipels
Charte vu dr Weschtlige Insle vum Bismarck-Archipels
Gwässer Pazifik
Archipel Bismarck-Archipel
Geografischi Lag 1° 20′ S, 144° 19′ OKoordinate: 1° 20′ S, 144° 19′ O
Westliche Inseln (Papua-Neuguinea)
Westliche Inseln (Papua-Neuguinea)
Westliche Inseln
Westliche Inseln
Hauptinsle Wuvulu-Insle
Bismarck-Archipel, im Nordweschte di Weschtlige Insle
Bismarck-Archipel, im Nordweschte di Weschtlige Insle
Bismarck-Archipel, im Nordweschte di Weschtlige Insle

Geografi ändere

Di Weschtlige Insle lige im weschtlige Dail vum Pazifische Ozean, vor dr Nordoschtkischte vu Neiginea. Zue dr Weschtlige Insle ghere:

  • Aua
  • Eremiteinsle (Hermit-Islands)
  • Kaniet-Insle
  • Ninigo-Insle
  • Wuvulu

D Insle lige zwische 0o44' un 1o45' sidliger Braiti un 142o45' East un 145o33' eschtliger Lengi.

Gschicht ändere

Dr erscht Europäer, wu zue dr Weschtlige Insle chuu isch, isch dr spanisch Seefahrer Ynigo Ortiz de Retes gsii, wu am 19. Augschte 1545 Wuvulu un Aua entdeckt het. Är het d Insle Islas de Hombres blancos gnännt. Am 19. Septämber 1767 het dr britisch Seefahrer Philip Carteret Durour (Aua) un Wuvula entdeckt. D Insle Wuvula het er Maty Island gnännt noch em Mathew Maty vu dr Royal Society z London. Dr erscht Europäer, wu zue dr Kaniet- un dr Ninigo-Insle chuu isch, isch dr Franzos Louis Antoine de Bougainville anne 1768. Anne 1781 het dr spanisch Seefahrer Francisco Antonio Maurelle d Eremite-Insle erforscht.

Sproche ändere

D Sproche, wu uf uf dr Weschtlige Insle gschwätzt wäre, ghere zue dr Auschtronesische Sproche, un do zue dr Untergruppe Admirality Islands vu dr Ozeanische Sproche. Noch em Ethnologue wäre drei Sproche uf dr Insle gschwätzt, aini isch uusgstorbe:

  • Wuvulu-Aua (Language Code: wuv, uf Wuvulu un Aua, 1560 Sprächer)
  • Seimat (ssg, uf dr Ninigo-Insle un dr Hermit Insle, 1240)
  • Hermit (llf, uf dr Hermit Islands, 10),
  • Kaniet (ktk, uf dr Kaniet-Insle, uusgstorbe)

Weblink ändere