Wettstäihuus

47.5838444444447.6493888888889 S Wettstäihuus isch e historischs Geböid an dr Baaselstrooss 34 z Rieche. Im Huus si sit 1972 s Spiilzüügmuseum, s Dorf- und s Räbbaumuseum dehäi. S Huus und d Sammlig si Kulturgüeter im Kanton Baasel-Stadt, wo nazionali Bedütig häi.

S Wettstäihuus

Dialäkt: Baseldütsch

S Nöije Wettstäihuus

Dr Naame vom Huus chunnt drvoo, ass im 17. Joorhundert dr Baasler Bürgermäister Johann Rudolf Wettstäi, wo im Westfälische Friide d Drennig vo dr Äidgenosseschaft vom Riich usghandlet het, dört gwoont het. S Huus ghöört sit 1958 dr Gmäind, wo s vo 1968 bis 1971 renowiert het.

S Nöije Wettstäihuus, wo sit 1662 au im Wettstäi ghöört het, isch e historischs Landguet in dr Nööchi an dr Baaselstrooss 30 z Rieche. Es häisst au Lüscherhuus und het usser em Wettstäi emol au em Balthasar Meigel, wo s in de 1560er Joor kauft het und dr erst Baasler Bsitzer gsi isch, em Baasler Rootschriiber Hieronymus Menzinger und non e Hufe andere ghöört.

Weblingg

• Luzia Knobel: Altes Wettsteinhaus. In: Gemeinde Lexikon Riehen