Wikipedia:Ammanne/Archiv 2009

Holder

Sali midenand! Zem nèije Joor deed i gäärn e Aadraag schdele ùf s Ammannerächt.
Myyni Ammannerächt wed i v. a. bi dr Ibersetzig vu Syschtemmäldige yyseze. Ich haa emool aagfange uf em Betawiki die "messages" z iberseze, aber zem Dail sin d Mäldige bi ùns lokal ibersezd (e baar weenigi laider in e zimli schlächds Alemannisch ...) ùn do chùm i as Nid-Ammann nid draa. Des haisd ich wed gärn d Ibersezige im Betawiki ùn bi ùns beser koordiniere.
Uuserdäm isch s scho vorchùù, as i Vandalismus rùggängig gmachd haa, haa die IPs aber nid chene schbèère, ùn s derno hed e Wyyli bruuchd, bis grad e Ammann ùme gsii isch.
Zue myyre Haldig in Leschdiskussione: ich bii, wien i scho mol naime gschriibe haa, derfir, Artikel z verbesere ùn z bhalde, v. a. wän si thematisch in s Profil base. As i in dr ledschde Mooned e Hufe Leschaadrääg gschdeld ghaa haa, hed eender dermid z due ghaa, as i au fir e konsequänti Linie bii ùn d Diskussion iber d Stumpe haa wele voraa bringe mid ere "Bùzaktion".
Ich find s au gued, wämer nèiji Lyd, wù vyyl falsch mache, frèindlig ùn heeflig in ùnsri Aarbedswyys yyfierd ùn doo am Aafang eender emol e weng noochsichdiger isch, voreb mer si mid Reegle, Lesche ùn Ruckgängigmache glyy wider verdrybd (des sol jez kai Aaschbiilig syy ùf iirged e vergangeni Situation, s isch nùme ebis zue myyre Haldig, insgsamd laufd s in dr Alemannische Wikipedia jo schon esoo!). --Holder 18:27, 27. Dez. 2008 (CET)

defür:

1.  Pro Vo dinere Arbet in de Wikipedia her han ich eh scho denkt des sig öppis für dich ;-) --Brian 21:40, 27. Dez. 2008 (CET)
2. Uf jede Fall  Pro. Einziger Root wär dra denke dass Richtlinie nüt ganz eso konsequent durchboxt werre münn un au emool en Aug zuedrugge. --Chlämens 22:37, 27. Dez. 2008 (CET)
3.  Pro nadürlig! --Strommops ð 23:19, 28. Dez. 2008 (CET)
4.  Pro gem. Diskussion ohni Vorbehalt --Dr Umschattig red mit mir 17:43, 2. Jan. 2009 (CET)
5.  Pro -- i bi wie dr Umschattig an Verfechter vum lokale Ibersetze! S Betawiki hot (ou fir die wo sich besser uskennet) nämle gwaltige Schwäche (toils inhärent). Ou wenn des lokal zwar it meglich isch Spezialsyte an ondere Name z'gea, aber sowas wie des und des wär im lokale (und 'konkrete') Umfeld wohl èrscht gar it passiert oder zimle schneall kontrolliert und korrigiert worre. Also ganz klar drfir, mit vollem Vertroue in Hysicht uf die reschtliche SysOp-Funktiona :-) --Melancholie 20:30, 2. Jan. 2009 (CET)
6.  Pro --al-Qamar 10:56, 6. Jan. 2009 (CET)

Diskussion

Grundsätzlig isch e Koordinierig mit em Betawiki sehr sinnvoll. Ich halts aber für e absolute Chabis, dass jede drhärgloffeni Dollwegg d'Rächt im Betawiki bikunnt und denn diräkt in de Syschtemmitteilige und dr Benutzeroberflächi vo irgendeme Wiki umepfusche ka. Ich ha jetzt sicher nids Gfühl, ass du Holder das machsch, ich froog mi aber, was du unter Koordinierig verstoosch. Wotsch du alles übers Betawiki mache und die lokale Übersetzige denn lösche? Falls jo, bini ganz klar gege d'Erteilig vo Ammann-Rächt, will ich e stränge Befürworter bi fürs Übersetze lokal nur uff däm Wiki. Denn nur so könne mr Vandalismus in Syschtemmäldige verhindere. --Dr Umschattig red mit mir 15:03, 2. Jan. 2009 (CET)

He nai! Ich wil sicher nid di lokal ibersezde Mäldige lesche, im Geegedail, ich haa eender dänggd, Ibersezige us em Betawiki z importiere, wän si do nid ibersezd sin, ùn im Fal, wän si schlächd ibersezd isch, si z korrigiere, eso wie s dr Strommops doo gmachd hed. Insgsamd find ich s schaad, as eso vyyl Mäldige no ùf Hochdydsch sin (lueg emol doo: Spezial:Mediawiki-Systemnachrichten). Lokal ebis mache chaan i aber nid, wel i kai Ammann bii.

D Ibersezige ùf em Betawiki mach i aber in dr Haubdsach us strategische Grind: s Betawiki ghèèrd zwar nid zue dr Wikimedia Foundation, aber die zwai schafe al mee zäme. Ùn d Froog, eb e Schbrooch ùf em Betawiki lokalisierd isch, isch au fir d Wikimedia al wichdiger: Wän e Aadraag gschdeld wird ùf e Wikipedia in ere nèie Schbrooch, no isch ai Kriterium, eb s yygrichded wird, eb d "500 most used messages" ùf em Betawiki lokalisierd sin. Dr GerardM, wù zimli wichdig isch im Betawiki-Ùmfäld (är machd au als s Update vù dr Betawiki-Statischtik), hogd im Language-Committee vù dr Wikimedia ùn diskutiert scho lenger d Froog, eb mir ùf gsw verschoobe wääre (lueg mailarchive:wikitech-l/2008-November/040382.html bzw. mailarchive:wikitech-l/2008-November/040414.html oder au die ald Diskussion ùf em Stammtisch. Lueg au syyni Diskussion zue dr Dialäktbabels. Wän im Fal ächd emol bi dr Wikimedia e Diskussion loosdräde wird, eb di Alemannisch Wikipedia ùf gsw verschoobe wird oder, no schlimer, eb Dialäkt-Wikipedie gar ali zäme zuegmachd wäre, vgl. d Embfäälige vùm Siggener Kreis, no hämer sicher e besere Schdand, vilichd au grad bim GerardM, wän d Syschtemmäldige ùf em Betawiki ibersezd sin. E realistisch Zyyl sin z. B. noch dr "MediaWiki messages" (do bin i bal fèrdig dermid), ali "MediaWiki extensions used by Wikimedia" z iberseze, do gid s insgsamd nùme 35 Schbrooche, wù iberhaubd die ali ibersezd hän.

E ander Brobläm bim Betawiki isch nadyyrli, wie Du saisch, as e jeede dèrd cha iberseze ùn zwar in alne Schbrooche (d. h. ich chend in alne iber 300 Schbrooche, wù s dèrd hed, ùmemache ;-( --Holder 17:11, 2. Jan. 2009 (CET)

denn isch jo guet. Dr Strommops hett ebbe kürzlig e lokali Nochricht glescht, wills uff em Betawiki e besseri gitt. Und so ume gfallts mr ebbe gar nid. Im Optimalfall isch alles uff em Betawiki übersetzt und alli halbwägs wichtige Mäldige do nomoll lokal gspeicheret um Vandalismus zvorzkoo. --Dr Umschattig red mit mir 17:45, 2. Jan. 2009 (CET)

Aa, no haan i die Aktion vùm Strommops nid ganz tscheckt, ich haa dänggd, as er e beseri Ibersezig do yyne kopiert gha hed ùn aifach di ald Version gleschd hed. As es jez nùme no d Betawiki-Ibersezig gid, sod nid syy.--Holder 17:56, 2. Jan. 2009 (CET)

@Holder, wenn's kei lokali Site zu derre vom Betawiki git, no wird s Betawiki azeigt. Ich stell aber MediaWiki:Thisisdeleted widder her (mit em Inhalt vom Betawiki). --Strommops ð 19:07, 2. Jan. 2009 (CET)

Isch zwar irgetwie am falsche Platz, aber wär es kei Idee wemmer z erscht alli Mäldige lokal übersetze un si denoo uf s Betawiki importiere? Ich weiss inzwüsche nümmi ganz was läuft un bstoot wenn jetz einer doo un dr andri doo schaft nüt d Gfoor dass mer alles dopplet mache? --Chlämens 22:41, 2. Jan. 2009 (CET)

Do wär i sofort drfir! Lieber zentral schaffe und Änderunga ins Betawiki "zruckfließe" long as wie umkehrt (z.B. per Bot/Skript). Us ma ähnliche Grund hond mir jo ou Wiktionary & Co. zentral verwaltbar in d'Wikipedia ibernomme. --- MfG, Melancholie 23:46, 2. Jan. 2009 (CET)

Aber wär's do nit eifacher, we mer alles lokal macht? Wenn uff em Betawiki öbbis nit aktuäll isch, no wird jo einewäg di lokali Mäldig azeigt. --Strommops ð 23:55, 2. Jan. 2009 (CET)

Ebe des meini joo. Byspil: e Mäldig isch lokal un ufem Betawiki unübersetzt. Öber übersetzt si ufem Betawiki, denoo übersetzt ich si separat lokal. Jetz gits zwei Versione, die ufem Betawiki isch allerdings für d Chatz. Besser mer schaffe lokal wo es jeder siet. Un wenn es per Bot denoo uf s Betawiki importiert wird schadet es joo nüüt. --Chlämens 00:00, 3. Jan. 2009 (CET)

Mer siid, e guedi Koordinierig vù dr lokale Ibersezige ùn em Betawiki isch wichdig. Im Momänd gid s do aber glaub i kai greeseri doppleti Aarbed, wel user em J. mach wust ùn mir groos nieme ùf em Betawiki ibersezd ùn lokal im Momänd au nid so vyyl ibersezd wird. Di "technisch Handhabung" zem Iberseze isch vilichd ùf em Betawiki e weng aifacher, userdäm hed s dèrd derno näbe dr dydsche Ibersezig au no s änglisch Original (di dydsche Ibersezige schdime nämli nid immer). Wän i doo mid dr Syte Spezial:Mediawiki-Systemnachrichten schaf, no schdirzd my Browser faschd ab, wel s eso ne riisigi Syte isch. Gid s aigedli au ne Syte, wù nùme die Mäldige aazaigd wäre, wù gar nid ibersezd sin? Oder aini, wù mer d Syte, wù lokal ibersezd sin, cha usenand halde vù däne, wù diräkt us em Betawiki aazaigd wäre?--Holder 13:41, 3. Jan. 2009 (CET)

Ich hät mangmool scho Luscht zum e paar Mäldige übersetze, un dr Holder het warschynts rächt dass es ufem Betawiki doch eifacher isch. Isch jetz dr Import vum Betawiki zu üs relativ eifach oder muess mer des au vo Hand mache? --Chlämens 14:12, 3. Jan. 2009 (CET)

@Holder: Im Betawiki git's zwar spezielle Syta wo uim's Schaffe lychter machet, aber lokal isch's it ubedingt vyl schlächter. Unter Spezial:Mediawiki-Systemnachrichten sind alle Mäldunga die ibersetzt sind in dr rechte Spalte zwoitoilt (mit gryner Farb verseah). Und die änglische Originalmäldunga git's lokal ou, lueg z.B. MediaWiki:Centralauth-token-mismatch/en (ou wenn's it direkt ybländet/ybettet wird). @Chlämens: Alls was im Betawiki gmacht wird, wird outomatisch all paar Wuche global ygspylt und ou aazoigt (falls kui lokale Mäldungssyte aagleit worre isch wo dominiert). --- MfG, Melancholie 22:01, 5. Jan. 2009 (CET)