Wikipedia:Ammanne/Archiv 2010

Uf dere Sitte werred die beendete Bewerbunga fir’s Amt vum Admin/Bürokrat gsammlet.

Holder

Sali mitenand!

Ich deet gäärn e Aadrag stelle uf s Bürokrate-Rächt.

Grund: di derzytig Inaktivitet vum Melancholie. Ich haa eigetli dänkt, mer chennte s villicht au ohni Bürokrat e Zytlang uushalte. Aber s git doch e baar Sache, wu mer ein derfir bryychte, z. B. die aktuäll Aafrog un do mießt mer au scho lang emol e Benutzer umnänne.

Bürokrat heißt jo nume, ass mer Benutzer cha umnänne un Rächt cha vergee, di ganze tächnische Sache un Yystellige, wu dr Melancholie als macht, chennte mir Ammanne au alli mache, aber s chännt sich halt nieme groß uus, zemindescht ich nit ...

Ich haa im Ibrige mit em Melancholie vor drej Wuche delifoniert, är läbt no ;-), het aber zur Zyt eifach z vil um Ohre un brucht wäge däm e weng e Wikipause. Är het aber gsait, ass er wahrschyns bal emol wider yystygt ...

Wänn Ihr jetz meine, mir chenne au eso wyter mache ohni zuesätzlige Bürokrat, bis dr Melancholie wider emol do isch, no bin i au nit beleidigt, mir goht s meh um verwaltigstächnischi Froge, nit um dr karrieremäßig Ufstig ;-)

--Holder 08:13, 7. Feb. 2010 (MEZ)

defür:

1.  Pro - Fänd ich guet. De Holder macht gueti Büez hiir und wär sicher en gueter Bürokrat! --Brian 08:57, 7. Feb. 2010 (MEZ)
2.  Pro - En zweite Bürokrat isch uff jede Fall notwändig un dr Holder het myn Vertraue. --Chlämens 10:20, 7. Feb. 2010 (MEZ)
3.  Pro - De Holder kännt unseri Wikipedia un ihri Reegle güet un macht scho lang e güeti Arbet. --Strommops ð 12:23, 7. Feb. 2010 (MEZ)
4.  Pro - Ìch bì iverstànda mìt dia Meinunga wo do gschrìwa worra sìn. --MireilleLibmann 12:31, 7. Feb. 2010 (MEZ)
5.  Pro - Nit numme e gueti Sach, vil meh noch e notwendigi. --W-j-s 19:58, 7. Feb. 2010 (MEZ)
6.  Pro - I ondrstitz dean Âtrag au! --Henri Berger 11:52, 8. Feb. 2010 (MEZ)
7.  Pro volls Vertraue --Dr Umschattig red mit mir 16:04, 8. Feb. 2010 (MEZ)
8.  Pro --al-Qamar 14:12, 9. Feb. 2010 (MEZ)
9.  Pro --Roland.h.bueb 16:44, 11. Feb. 2010 (MEZ)
10.  Pro - Pàrdon! Hàb de Mél gràd erscht gsehn! Un wenn àlli defir sin, gibt´s fer mich kener ànderscht ze entschiide...--Stephele 16:35, 14. Feb. 2010 (MEZ)
11.  Pro - absolut pro und äs riisägroossäs Danköschön, dass Du beräit bisch, diä doch äs bizli schlächter als äs värwaltigsraatsmandat binärä Grossbank zallti arbät z'machä!!! Mersi! Didi-Esperanto 23:41, 16. Feb. 2010 (MEZ)
12.  Pro  @xqt 16:58, 20. Feb. 2010 (MEZ)
13.  Pro - a gonz klars Pro :) --- MfG, Melancholie 02:27, 21. Feb. 2010 (MEZ)

Diskussion

Dankschen fir Eier Vertröue! Ich haa jetz emol e Aatrag gstellt uf meta. --Holder 10:22, 15. Feb. 2010 (MEZ)

Wii gseht's jetzt us, bruuchsch würklech 15ni? Notfalls chönnt ich Kollege "organisiire", wo aber nöd bi ois mitschaffe. --Brian 22:27, 20. Feb. 2010 (MEZ)

Äbäläfuchs

Hallo zäme. I möcht mi gärn für Ammanerächt bewärbe. I weiss, i bi du ned ser aktiv und i ha würklich wenig Biträg. I bi meistens i de dütsche Wikipedia aktiv. Wöü i wenig vo länge Vorstöuige haute, fassi mi eher churz. I troue mir die Ufgab zue und i würdi würklich gärn mithäufe, denn au chli aktiver. Liebi Grüess, --Äbäläfuchs 20:22, 22. Feb. 2010 (MEZ)

defür:

1.  Pro - Ha ;-) ! Wänn i mir eso aalueg, ass mer zur Zyt villicht vier, fimf aktivi Ammanne hän un no zwe, drej wu ab un zue emol dryyluege, aber au no drej wu scho lang inaktiv sin, no find i des e gueti Idee vu Dir, ass du bi uns meh Verantwortig witt iberneh. Ich stimm mit "Pro", elai scho, wel Du dääjenig gsi bisch, wu unser Projäkt "Bsunders glungeni Artikel" wider beläbt het, wu leider e weng yygschlofe gsi isch. --Holder 20:46, 22. Feb. 2010 (MEZ)

degäge:

1.  Contra, so leid's mer düet ... --Strommops ð 21:15, 22. Feb. 2010 (MEZ)

   Sali Abäläfuchs,

   zerscht emoll freut's mi, dass de dich für di alemannischi Wikipedia wottsch engagiere un uns wottsch understütze!

   Du häsch di innerhalb vu de letschte anderthalb Johr vor allem mit zwei Sache bschäftigt: uff de eine Site mit Artikelarbet un uff de andere Site mit Abstimmige bi de bsunders glungene Artikel. Beides isch Arbet, wu mr schätze, abber leider ghört keini devuu speziäll in de Züeständigkeitsberiich vu me-ne Ammann.

   Mini Meinig isch, dass mer, we'mer Ammann wott werre, sich erscht emoll e Zit lang mit genau dem Fäld müeß bschäftige. Sache wie Vandalismus ruckgängig mache, neui Nutzer begrieße un d'Wikipedia suuber halte (= Löschaadreg stelle odder Vorlage wie Übberarbeite, Stumpe o. ä. iisetze), Sichte, Stammdischdiskussione uew. ha-n-i di nò nie gseh mache. Du bisch also wohl nò nie in e Situation chuu, wu dr die Rächt datsächlig hättsch chönne/mieße/wölle aawände. I wott uff kei Fall sage, dass duu nit geignet bisch, zum d'Ammanneuffgabe übberneh, odder dass i dr nit verdrou, verstand des bitte nit falsch! Au nit, dass de z wenig lang debii bisch odder z wenig Bearbeitige gmacht häsch (d'Aazahl Bearbeitige det miner Meinig noch eh nüt ussage). Numme cha-n-i di fast nit iischätze, was des bedrifft, un es wär güet, wenn de e bitz Erfahrig sammelsch, bevor dr de nechst Schritt machsch. Lüeg au, was de Umschattiger bi de Kandidatur vum Petar Marjanovic gschribe hät, bi dir isch es (im Momänt no!) ähnlig.

   Wie gsait, verstand mi nit falsch! Keins vu mine Argumänt isch gege dich persönlig grichtet odder lehnt dich grundsetzlig ab. Abber i det's besser finde, de detsch di e Zit lang als "Fäldhieter" engagiere, d. h. erscht emoll ohni Ammannerächt lehre, eso Uffgobe z erledige, un di deno widder bewärbe. Mr freue uns wie gsait allewiil übber Understützig un i bi übberzüügt, dass au us dir e güete Ammann cha werre un wird, wenn de scho vor de Erdeilig vu de Rächt chleineri Wecklì bachsch un aafangsch hälfe, Uffgobe vu Ammanne z erledige. Nümm's nit persönlig, sundern versüech, es als Rotschlag z verstoh un als Motivation zum wittermache un di integriere! Gibb wäge derre Contra-Stimm nit uff, des wott au ich uff kei Fall. Grüeß, --Strommops ð 21:15, 22. Feb. 2010 (MEZ)

2.  Contra - aber nur zur Zyt! Gem. Strommops und mim Contra bim Petar. Tuet mr leid. --Dr Umschattig red mit mir 23:17, 22. Feb. 2010 (MEZ)

Diskussion

1.  Neutral. Ich bin no e chly uusicher. Zum eine gfällt mer guet dass du en Läser vo Artikel bisch, wie dyni Aktivität bi de bsunders glungene Artikel Kandidate zeigt. Un zwar hemmer inzwüsche vil Lüt wo neui Artikel schrybe, aber immer weniger wo Artikel vo andri läse un konstruktiv kritisiere. Wenn de jetz au uff Artikeldiskussionssyte dyni Meinig/Verbessrigsvorschläg dätsch üüsere, un nit numme bi de bsunders glungene Kandidate, no wäri yverstande dass du Admin wirsch. --Chlämens 22:31, 22. Feb. 2010 (MEZ)
2.  Neutral Mir isch es no e chli z früeh. Du hesch kaum Artikel geschribe und uf dinere Siite heissts, du dätsch numme ab und zu vorbiluege und wärsch uf de.wp besser z erreiche. Des passt für mich (und mini Windige im Hirni) no nöd ganz zäme mit dinere Kandidatur. Aber es isch ganz sicher keis grundsätzlichs "nei", doderwäge duen ich zerscht emol "neutral" schtimme. --Brian 17:15, 23. Feb. 2010 (MEZ)

@Strommops: Schnäu zum Fäudhüeter: Das würdi jo gärn mache, aber i ha d' Rächt gar ned, vo däm här isch 's chli schwirig, do öppis z' mache ;-) Gruess, --Äbäläfuchs 18:57, 23. Feb. 2010 (MEZ)

Des isch e Argumänt, se, do hesch s Fäldhieterrächt ;-). --Holder 19:04, 23. Feb. 2010 (MEZ)

Danke vüumou. :-) --Äbäläfuchs 19:10, 23. Feb. 2010 (MEZ)