Spotjoorsdräffe 2020

Di bishärigi Diskussion findsch uf em Stammtisch.

Termiin: Samschtig, 19. Septämber ab em Elfi.

Ort: Stans

Protokoll

Derby gsii sin dr al-Qamar, dr B.A.Enz, dr Freiguet, dr Holder un dr mach. E Dail isch scho ab Züri mitenander gfaare, e Dail isch unterwägs zuegstiige un e Dail isch mit eme andere Zuug uf Stans chuu.

Am Baanhoof z Stans hämer d Brigitt Flüeler droffe, d Bresidänti vum Historische Verein Nidwalde, wun is uf e inträssanti Fierig dur s Zäntrum vu Stans mitgnuu het, iber dr Dorfblatz, dur s oober un unter Baihuus, in di 1641–1647 böue Chilche St. Peter un Paul, am Eelbäärg duure bis zum Winkelried-Dänkmool vum Ferdinand Schlöth.

Z Midaag gmacht hämer in dr Rosäburg vom Hefli, wu mer guet gässe un drunke un emänd fimfmool e Fimftel zaalt hän.

Nocherdani simer um s Eck in s Nidwaldner Museum un hän deert d Uustellig Heepä, Gigele, Gäitsche. Mundart in der Deutschschweiz studiert. S isch e chlaini, aber guet gmachti Uusstellig, wu sich vu ganz verschiidene Syte häär em Thema Mundaart widmet.

En ainte Dail isch derno scho haimeszues gfaare, di andere vieri sin nomol yygcheert, un zwor im feine Culinarium Alpinum.

• 
  Fejf Alemanne z Stans
• 
  Chilche St. Peter un Paul
• 
  Baihuus-Kapäll
• 
  Winkelried-Dänkmool
• 
  Dorfblatz
• 
  d Rosäburg im Hefli, an aim vu däne Disch simer ghockt
• 
  Eysi Sprach vu dr Rita Frank-Fuchs
• 
  e modärns Vaterunser vum Walter Vogt
• 
  brandaktuell in dr Schwyz: der Artikel Wolf im Idiotikon
• 
  Froogibuech vum Sproochatlas zum «Bääse»
• 
  Uffnaame vum Sproochatlas zum «Bääse»
• 
  Fotene vum Sproochatlas zum «Bääse»
• 
  un esoo isch d Chaarte «Bääse» im Sproochatlas uusechuu
• 
  «bröötled Härdepfel» 1950 un 2008
• 
  «Anke» 1950 un 2008
• 
  «Milch» z Nidwalde 1950 un 2008
• 
  Em Jakob Joseph Matthys sy nidwaldnerdytsch Werderbuech
• 
  un no eppis druss transkribierd
• 
  Em Jakob Joseph Matthys sy nidwaldnerdytsch Grammatik
• 
  un doo transkribierd
• 
  Alti Fliech (d Yybersetzig däät hindedroo stoo …). Vu dr Nidwaldner Fluechmaschyyne hemmer laider ekai Bildli gmachd.
• 
  S Nidwalderdytsch am Radio hänn nid all gäärn gheerd …