Hìlf:Vèrsione

Hilf

Namesruum

Mìt Ussnahm vò de Spezialsitte cha bi jeeder Wikipedia-Sitte di soognännti Vèrsioonsgschicht ùnd d'Autore vò de einzelne Änderige aalüege.

Grùndsätzligs

Zù de Vèrsioonsgschicht vò-n-re chùnnsch, ìndèm dr ùf d'Schaltflächi Versione/Autore ǜber em Titel vò derre Sitte klìcksch. Doo sìn alli Vèrsione mìt Bèarbeiter ùfglistet, doodùrch chasch noochvollzieh, wèr die Sitte wänn verändert hät ùnd was d'Änderig genau gsìì isch. Di lètschte zäh Bèarbeitige broo Sitte werre usserdèm ìn RSS-/Atom bèreitgstellt.

Wenn öbber bi sinner Änderig e Kommentar ìn d'Zämmefassigszile ine gschrììbe hät, no isch sälle am Änd vò de èntsprächende Lììnie ìn kùrsiver Schrìft z seh. Òft hìlft er bim Noochvollzieh vò de Änderige, sällewääg isch's sìnnvoll, bi Bèarbeitige ìn de Zämmefassigszile öbbis aazgee. Wenn de Nùtzer bim Ändere Numen es birebitzeli gänderet aagwählt hät, no wìrd des dùrch e K signalisiert.

Ǜber d'Schaltflächi mìt em Datùm chùnnsch züe-n-re bstìmmte Fassig vò de Sitte (esoo cha mer au alti Vèrsione wìderheerstelle).

Zile ìn de Vèrsioonsgschìcht

Jeedi Zile ìn de Vèrsioonsgschicht stoht fǜr ei Bèarbeitig am Artikel. Ìn dèm Kapitel wère di einzelne Bèriich, woo obe ìn de Grafik mìt jee einer Zahl markiert sìn, genauer bschrììbe.

Ǜber 1 (aktuell, Ùnderschììd zù de aktuälle Vèrsion) ùnd 2 (vorane, Ùnderschììd zù de vorheerige Vèrsion) chasch Vèrsione vergliiche. Mìt em 3 chasch dr d'Vèrsione usswähle, woo dr vergliiche wìt.

S 4 zeigt aa, an wèlem Daag ùnd zù wèler Zitt d'Bèarbeitig vorgnoh wòre isch. S Datùm isch e Schaltflächi, woo dr bruuche chasch zùm zù derre Vèrsion choo. Mìt em 5 isch de Name vòm Autor kännzeichnet. Wènn dr doo drùfklìcksch, no chùnnsch zù sinner Nùtzersitte bèziehigswiss bi me anonyme Bènùtzer züe-n-re Liste vò sinne Biidääg. S 6 (Diskussion) isch e Link, woo di zù de Dìskùssioonssitte vò sällem Nùtzer fiehrt, s 7 (Byträg) leitet di zù de Biidrääg witter, stoht abber nùme, wenn d'Bèarbeitig vò me-ne aagmäldete Nùtzer chùnnt. S 8 zeigt gf. aa, òb de Nùtzer sinni Änderig als „chleini Änderig“ markiert hät. S 9 isch d'Größi vòm Artikel ìn de èntsprächende Vèrsion.

De Bèarbeitigskommentar

Ìm 10. Bèriich stoht gf., was de Bèarbeiter als Kommentar ìn de Zämmefassigszile aagee hät. Wenn er nùme e einzels Kapitel verändert hät, no ìsch de Pfiil, d. h. s a, e Verbìndig zù sällem Kapitel, s b de Titel vò-n-em ùnd s c de Bèarbeitigskommentar sälber. S 11 (ruckgängig) isch e Schaltflächi, woo dezüe dient, d'Änderig rùckgängig z mache; si funktioniert abber nùme bi de neuste Vèrsion.

Aagmäldeti Nùtzer chönne usserdèm s Skrìpt monobook.js bruuche. Es bländet e witteri Schaltflächi (rev) ii, woo alli Änderige zrùcksetzt, woo nooch de aagwählte Vèrsion vorgnoh wòre sìn.

Vèrsione vergliiche

De Vergliich vò zwei Vèrsione.

Wenn ùf vorane drùcksch, no wìrd de Ùnderschììd zù de vorheerige Vèrsion aazeigt, ǜber aktuell chùnnsch zùm Ùnderschììd zù de neuste Vèrsion.

Zùm zwei anderi Vèrsione vergliiche drùcksch bi de ältere devoo ùf s Chreislì links näbem Datùm ùnd de Ùhrzitt. Deno erschiint e zweiti Reihe vò esoo Chreislì bi alle neuere Vèrsione; jetz chasch ìn derre Reihe di zweiti Vèrsion usswähle ùnd ùf Usgwählti Versione verglyche oberhalb vò de Vèrsioneliste drùcke. Wenn dr älteri Vèrsione vergliiche wìt, no chasch ganz ùnde ùf 500 drùcke, wenn 500 Vèrsione nò nìt länge, no isch's au no mööglig, ìn de Ìnternetadräss d'Aazahl vò de aazeigte Vèrsione z ändere.

Esoo-n-e Vergliich nännt mer „Diff(-link)“. E jeedi Vèrsion hät e Nùmmer, woo Bstanddeil vò esoo me-ne Difflink isch. D'Ìnternetadräss vò me Difflink ändet zùm Bispiil ùf &diff=1544156&oldid=1211664.

Ùhrzittaagabe

S MediaWiki speichert s Datùm ùnd d'Ùhrzitt vò jeeder Vèrsion ìn UTC. Wie dr d'Ùhrzitte ìn de Vèrsionsgschicht aazeigt werre, hänkt vò dinne Iistellige ab. Standard isch di mìtteleuropäischi Òrtszitt, d. h. di mìtteleuropäischi Zitt (MEZ) (UTC+1) zùr Wìnderzitt ùnd di mitteleuropäischi Sùmmerzit (UTC+2) zùr Sùmmerzitt.

Doodùrch werre bi de Standardiistellige während de Sùmmerzitt au d'Bèarbeitige ìm Wìnder als ei Stùnd spöter aazeigt ùnd während de Wìnderzitt d'Bèarbeitige ìm Sùmmer eini frieher. Wenn zùm Bispiil e Bèarbeitig am 5. Januar am 10.57 vorgnoh wòre isch, no wìrd während de Sùmmerzitt 11.57 als Bèarbeitigszitt aagee.

Süech ìn de Vèrsioonsgschicht

Obe ìn de Vèrsioonsgschicht isch e Süechfunktion.

Wè'mer doo e Johr ùnd (freiwìllig) e Monet aagìt, no wìrd d'Versioonsgschicht ùf de Zittruum devor iigränzt. Esoo cha mer bstìmmti Vèrsione liichter fìnde.

S extèrn Wèrkzügg WikiBlame cha d'Vèrsioonsgschicht nooch bstìmmte Fòrmulierige (Zeichekette) dùrchsüeche.

Sùnschtigi Hììwiis

D'Darstellig fǜr Pèrsone mìt Rot-Grien-Schwächi òder Farbeblìndheit.

Fǜr farbeblìndi Nùtzer òder sonigi mìt Rot-Grien-Schwächi gìt's Nùtzeroberfläche, woo Abhìlf schaffe. Lüeg doodezüe doo.

Ìn dinne pèrsöönlige Iistellige chasch bstìmme, wie vili Änderige dr ìn de Lètschte Änderige standardmäßig aazeigt werre solle. Di gliichi Zahl gältet fǜr d'Vèrsioonsgschichte.

Admìnistratore mien bi Ìnhalt, woo nìt dǜrfe verbreitet werre (wie Waffebauaaleitige òder stroofbari Bropaganda) wie bi Urheeberrächtsverletzige ìn ältere Vèrsione e Vèrsioonslöschig dùùrefiehre. E Oversight cha d'Vèrsion au esoo èntfèrne, dass si nìt emòl meh e Admìnistrator seh cha.