Wikispecies
Wikispecies isch e Wiki, wu vu dr Wikimedia Foundation aabotte wird. S Ziil vu Wikispecies isch e freje Katalog vu allne Arte aazlege, meh fir Wisseschaftler, weniger fir Laie. D Benutzer, wu bi Wikispecies wänn mitmache, mien kei akademischi Diplom uuswyyse, aber alli Byydreg mien d Aaforderige vu dr wisseschaftlige Fachwält erfille.[1][2] Wikispecies isch verfiegbar unter dr „Creative Commons Attribution-ShareAlike 3.0 Unported“ un dr „GNU-Lizänz fir freji Dokumäntation“.
Aagfange het Wikispecies mit eme Ufruef an Biologe im Augschte 2004[3]. Dr Biolog Benedikt Mandl het im Summer 2004 Lyt zämmebrocht, wu an eme sonige Projäkt inträssiert gsi sin. Im Septämber 2004 isch s unter dr Adräss http://species.wikimedia.org yygrichtet wore. Syt em 14. Septämber 2004 isch s e offiziäll Schweschterprojäkt vu dr Wikimedia Foundation. Syt em April 2005 git s des Projäkt, wu e Ramme z Verfiegig stellt fir e Katalog vu dr Linnesche Taxonomii mit Link zue Wikipedia-Artikel iber einzelni Arte.
Am 10. Oktober 2006 het Wikispecies 75.000 Artikel gha, am 20. Mai 2007 100.000 mit insgsamt 5.495 regischtrierte Benutzer. Am 8. Septämber 2008 het s 150.000 Artikel erreicht.
Uf Wikispecies cha mer keini Bilder oder andri Dateie lokal uffelade, mer sott statt däm Bilder vu dr Allmänd bruche.
Zue dr einzelne Artikel iber Arte cha mer au Nämme in verschidene Sproche yyfiege, z. B. au di alemannische Nämme.
E eige Alemannisch Wikispecies git s innerhalb vu dr Alemannische Wikipeda mit dr Projäktsyte Pflanzenämme, Diernämme un Pilznämme, wu dradizionälli alemannischi Volksnämme vu Pflanze, Dier un Pilz gsammlet wäre.
Fueßnote ändere
- ↑ Calling all taxonomists Science 307, 5715: 1021. 18.02.2005
- ↑ WikiSpecies. American Scientist Online (Sigma Xi, The Scientific Research Society) 25.04.2005
- ↑ Mark Peplow Species list reaches half-million mark Archivlink (Memento vom 14. April 2008 im Internet Archive). Nature (Nature Publishing Group) 14.03.2005-03
Weblink ändere
