William Spenser
| Dialäkt: Mìlhüüserdiitsch |
Dr William Spenser (* z’ Ghisburn, Yorkshire; † 24. Septamber 1589 z’ York) ìsch a anglischer reemisch-kàthoolischer Priaschter gsìì, wo-n-àls kàthoolischer Gmàrtertr betràchtet wìrd. Ar ìsch ànna 1987 seeliggschproocha worra.
sii Laawa
ändereDr William Spenser ìsch z’ Ghisburn, ìm anglischa Gràfschàft Yorkshire, uf d’ Walt kumma. Sii Unkel müatterliigersitts, dr William Horn, hàt ìhn ànna 1572 ìns Trinity College vun Oxford gsanda, wu-n-’r ànna 1579 Mìtglìed worra-n-ìsch un ànna 1580 a Maischterpriafung (M.A.) bschtànda hàt. Ìn dara Zitt ìsch dr Spenser schu vu dr kàthoolischa Glàuiwa ìwwerziigt gsìì un hàt siina Schtudanta-n-ìn dara Rìchtung iigflossa. Trotzdam hàt’r sìch numma-n-ìm Joohr 1582 züa dr Kàthooligkait bekehrt: mìt viar àndra Manner vum Trinity College (dr John Appletree, dr William Warford, dr Anthony Shirley un dr John Fixer) ìsch’r uff a Schìff üss dr Ìnsel Wight iigschtìega. Sa han bii Cherbourg ìm Frànkrìch àn dr Kìschta-n-ààgleegt un sìn àm 2. Nowamber z’ Reims kumma. Fìmfa Tààga schpeeter hàt ìhn d’ kàthoolischa Kìrich offiziäll ämpfànga. Dr Spenser ìsch àm 7. Àwrìl 1583 vum Bischoof vu Laon Valentine Douglas àls Sübdiàkon un Diàkon gwäijt worra. Àm 24. Septamber hàt ìhn z’ Reims dr Kàrdinàl-Arzbischoof Ludwig II. vu Lothrìnga-Guise àls Priaschter gwäijt.
Àm 29. Àuigscht 1584 hàt ma dr Spenser uff d’ anglischa Missioon gsanda. Ar hàt siina Ältra mìt siim Unkel verseehnt, wo-n-ìm Joohr 1593 noch kàthoolischer Priaschter gsìì-n-ìsch. Drnooh hàt’r sìch z’laid ìm Schloss vu York iigmüürt, fìr doo ìn da Gfànganer halfa.
Wial’r kàthoolischer Priaschter gsìì-n-ìsch, ìsch’r unter dr Härrschàft vu dr Keeniga Elisabeth I. durs Gsätz „27 Eliz.1, c. 2“ verurtailt worra. Ìhn hàt ma-n-àm 24. Septamber 1589 z’ York hììgrìchtet. Zamma mìt ìhm hàt ma dr Laijer Robert Hardesty hììgrìchtet, dänn’r hàt ìm Spenser Unterkunft gboota.
Dr William Spenser gheert züa da 85 Gmàrterta vun Anglànd un Wales, wo dr Pàpscht Johànnis Pooli II. àm 22. Nowamber 1987 seeliggschproocha hàt. Ìm reemischa Rìtüs vu dr kàthoolischa Kìrch wìrd dr Spenser zamma mìt’m Robert Hardesty àm 12. Hornung so wia-n-àm 24. Septamber gfiirt.[1][2]
Lìteràtüür
ändere- John Bannerman Wainewright: Ven. William Spenser. In: Charles Herbermann (Hrsg.): Catholic Encyclopedia. Robert Appleton Company, New York 1913 (englisch, wikisource.org [abgerufen am 24. September 2021]).
Ainzelnohwiisa
ändere- ↑ Florilegium Martyrologii Romani: 12. Februar. In: Joachim Schäfer (Hrsg.): Ökumenisches Heiligenlexikon. (heiligenlexikon.de [abgerufen am 24. September 2021]).
- ↑ Florilegium Martyrologii Romani: 24. September. In: Joachim Schäfer (Hrsg.): Ökumenisches Heiligenlexikon. (heiligenlexikon.de [abgerufen am 24. September 2021]).