Alemannische Wikipedia

Reims

französeschi Gmaind im Département Marne

Reims [ʀɛ̃s] isch ä Schtadt im Nordoschte vo Frankriich, öbbe 140 km vo Baris. Verwaltigstechnisch isch Reims d Unterpräfektur (franz.: sous-préfecture) vom Département Marne, in der Région Grand Est. D Schtadt isch Sitz vom enä Erzbischof und het sit 1969 ä Universität. Reims isch nit nume s Herschtelligszentrum für Champagner, au Teggschtilie, Nahrigsmittel und Usrüschtigsgegeschtänd für d Ruumfahrt wärde dört hergeschtellt. D Gschicht vo der Schtadt goht zrugg bis ins Römische Riich.

Reims
Collage Reims.jpg
Verwàltung
Land Frànkrich
Region Grand Est
DépartementMarne (51)
ArrondissementReims (Unterpräfektur)
KommünàlverbàndGrand Reims
Àmtliga NàmaReims
MaireArnaud ROBINET (2014-2020)[1]
Code Insee51454
Poschtlaitzàhl51100
Iiwohner
Iiwohner181.194
Flech46,9 km2
Bevelkerungsdicht3.912,58 Iiw./km2
Làg
Koordinate49° 15′ 55″ N, 4° 01′ 43″ E / 49.265277777778°N,4.0286111111111°E / 49.265277777778; 4.0286111111111Koordinate: 49° 15′ 55″ N, 4° 01′ 43″ E / 49.265277777778°N,4.0286111111111°E / 49.265277777778; 4.0286111111111
Heche74–137 m
Reims hemen kokatua: Frànkrich
Reims
Reims
Reims (Frànkrich)
Website
http://www.ville-reims.fr, http://www.reims.fr
d Kathedrale Notre-Dame z Reims

GeogràfiiBearbeite

wu ’s lììgtBearbeite

Dialäkt: Mìlhüüserdiitsch

Reims lììgt ìm Nordoschta vum Frànkrììch, ìm Nordwäschta vum Département Marne un ìm Wäschta vu dr Regioon Grand Est. D’ Schtàdt befìndet sìch uff dr Schtrooss zwìscha Pàriis un Diitschlànd, grààd süüdlig vu dr „Blàuija Bànààna“.

Äntfärnt ìsch Reims 130 km Luftlinia vu Pàriis, 157 km vu Metz, 168 Km vu Lille un 282 km vu Schtroossburi. Uff regionààler Eewana lììgt d’ Schtàdt 25 km neerdlig vun Épernay, 41 km nordwäschtlig vu Châlons-en-Champagne, 75 km süüdwäschtlig vu Charleville-Mézières un 107 km neerdlig vu Troyes.[2] D’ Schtàdt ìsch numma 13 Kilomeeter vu dr Regioon Hauts-de-France äntfärnt (Gmainda Orainville ìm Département Aisne).

Reims granzt àn 15 Gmainda: Champfleury, Villers-aux-Nœuds (uff äbba 300 Meeter), Bezannes, Tinqueux, Saint-Brice-Courcelles, Saint-Thierry, Courcy, Bétheny, Witry-lès-Reims (uff äbba 100 Meeter), Cernay-lès-Reims, Saint-Léonard (wo vu Reims ìn zwai Tailer getrännt ìsch), Puisieulx, Taissy, Cormontreuil un Trois-Puits.[3] Noh-n-em INSEE gheera säcks vu dana Gmainda zem „schtädtischa Siidlungs-Ainhait“ vu Reims,[4] wial s’ Schtàdtgfiag ununterbrocha-n-ìsch. Àlla Nochbergmainda gheera zem Reimser Bàllungsràuim.[5]

Saint-Thierry Courcy
Bétheny 		Wirty-lès-Reims
Saint-Brice-Courcelles   Cernay-lès-Reims
Bezannes
Villers-aux-Nœuds 		Cormontreuil
Trois-Puits
Champfleury 		Puisieulx
Saint-Léonard
Taissy

Tiafgrund un BoodaheechaBearbeite

Reims lììgt àm äschtliga Rànd vum tiafa Pàriiser Bäcka. A pààr Kilomeeter süüdlig vu dr Schtàdt ìsch s’ Reimser Hììgellànd, wumm’r ainiga vu da bäschta Grundschtìckla vum Wiibàuigebiat Champagne känna fìnda. Nordwäschtlig vu Reims ìsch s’ Gebìrg vu Saint-Thierry, un a pààr Kilomeeter äschtlig vu dr Schtàdt ìsch s’ Gebìrg vu Berru.

Ìm Tiafgrund vum Schtàdtgebiat sìnn mehrera Kriidaschìchta, wo üss Kàmmerlìnga-n-üss’m friahja Campan bschtehn.[6]

d’ GwasserBearbeite

D’ Schtàdt Reims lììgt àn da baida Ufer vu dr Vesle, ema Naawafluss vu dr Aisne. D’ Vesle äntschprìngt 153 Meeter ìwwer’m Meer uff’m Gmaindabooda vu Somme-Vesle, äbba 50 km süüdäschtlig vu Reims, un fliasst witterscht ìns Département Aisne bis Condé-sur-Aisne.

Sitter 1866 gìtt’s dr Aisne-Marne-Kànààl, wo uff 58 km zwìscha Berry-au-Bac un Condé-sur-Marne fliasst. Dànk’m Kànààl känna m’r mìt’m Schìff vu Reims bis àn d’ Marne fàhra. Uff’m Kànààl sìnn 24 Schliasa; 3 d’rvu lììga-n-uff’m Gmaindabooda vu Reims.[7] D’ Marne salbscht ìsch dur a Kànààl mìt’m Rhii verbunda, àlso känna m’r mìt’m Schìff vu Reims bis uff Schtroossburi fàhra. Uff’m Kànààl z’ Reims ìsch a Hàltaschtälla fìr d’ Schìffer. Sa lììgt àm Boulevard Paul-Doumer,[8] àm Ort, wu sallamols dr àlta Hààfa gsìì ìsch.

  • a Kàrta vu dr Aisne-Marne-Kànààl

  • dr Kànààl z’ Reims

  • d’ Hàltaschtälla fìr d’ Schìffer

Urschprung vum NàmmaBearbeite

Em Oppidum vu da Remer hàt dr Julius Cäsar dr Nàmma Durocortorum gaa.[9] Uff da Peutingerscha Tàfla (Sägmant I), wia àui ìm Itinerarium Antonini, wìrd’s Durocortoro gnännt.[10][11] ’S ìsch a làtiinisiarta Form vu’ma gàllischa Wort, wo üss da Elemanter Duro- (< duron, „Toor“, „gschlossana Màrkt“, „Plàtz“, „Forum“ > „gschlossana Schtàdt“, „Schtädtla“[12]) un -cor-t („Zäntrum“, „Schtàdt“, „Hàuiptschtàdt“). Domìt wìrd s’ Hàuiptort vu da Remer àls „runda Fäschtung“ bezaichent.[13] Dr zwaita Tail vum Nàmma kààt àwwer àui vum Wort cortorum schtàmma, wo siina Bediitung unbekànnt ìsch.[12]

Dr hìttiga Nàmma vu dr Schtàdt hàt àui a lànga Gschìchta. Ànna 314 ìsch d’ Schtàdt unter’m Nàmma Rementium ärwäähnt worra, un d’rnooh àls Remos (400), Rains (1277), Remps un Rems (1284) un Rein (1292).[14] Ìm 6. Joohrhundert ìsch s’ Gebiat um d’ Schtàdt àls Rhemus bekànnt gsìì. Ìm Mìttelnììderlandischa-n-ìsch dr Nàmma Riemen gsìì. Sallamols hàt m’r àui uff Frànzeesch Rheims gschrììwa — dia Schriiwung wìrd noch hìtt ìm Üsslànd bnutzt.

WeblinkBearbeite

FuessnooteBearbeite

  1. ↑ Liste des maires au 25 avril 2014 (data.gouv.fr)
  2. ↑ Luftlinia-Äntfärnung zwìscha Reims un era àndra frànzeescha Gmainda uff lion1906.free.fr. Àbgrüafa-n-àm 25. März 2023 (frànzeesch).
  3. ↑ a Kàrta vu Reims bii Géoportail. Àbgrüafa-n-àm 25. März 2023 (frànzeesch).
  4. ↑ Unité urbaine 2020 de Reims (51701). INSEE, abgruefen am 25. März 2023 (französisch).
  5. ↑ Aire d'attraction des villes 2020 de Reims (036). INSEE, abgruefen am 25. März 2023 (französisch).
  6. ↑ Kàrta vum frànzeescha Tiafgrund bii InfoTerre.
  7. ↑ Canal de l'Aisne à la Marne (58.2 km). In: marani.claude.free.fr. Abgruefen am 25. März 2023 (französisch).
  8. ↑ Relais nautiques uff dr Websitta vum Gmaindaverbànd Grand Reims (frànzeesch).
  9. ↑ Maurice Crubellier: Champagne Ardenne. Christine Bonneton Editeur, S. 14 (französisch).
  10. ↑ Dvrocortoro. Üniwärsiteet vu Cambridge, abgruefen am 25. März 2023 (änglisch).
  11. ↑ Gustav Friedrich Constantin Parthey, Moritz Edward Pinder: Itinerarium Antonini Augusti et Hierosolymitanum. F. Nicolai Berolini, Berliin 1848, S. 170 (Latein, google.com).
  12. ↑ 12,0 12,1 Xavier Delamarre, Pierre-Yves Lambert (Vorw.): Dictionnaire de la langue gauloise : une approche linguistique du vieux celtique continental. Errance, Pàriis 2003, ISBN 2-87772-237-6, S. 156 (französisch).
  13. ↑ Auguste Longnon: Noms de lieux. S. 926 u. ff. (französisch).
  14. ↑ Ernest Nègre: Toponymie générale de la France. Band 1. Librairie Droz, Gämf 1991, ISBN 978-2-600-02884-4, S. 252 (französisch, google.fr).
  Dä Artikel basiert uff ere fräie Übersetzig vum Artikel „Reims“ vu de dütsche Wikipedia. E Liste vu de Autore un Versione isch do z finde.
  Dä Artikel basiert uff ere fräie Übersetzig vu dere Version vum Artikel „Reims“ vu de französische Wikipedia. E Liste vu de Autore un Versione isch do z finde.
Vun "https://als.wikipedia.org/w/index.php?title=Reims&oldid=1033979"