Saint-Martin-l’Heureux
Saint-Martin-l’Heureux 
[sɛ̃maʁtɛ̃ l‿œʁø](info) ìsch a frànzeescha Gmainda mìt 84 Iiwoohner (Schtànd: 1. Januar 2020) ìm Département Marne ìn dr Regioon Grand Est (vor 2016: Champagne-Ardenne). Sa gheert zem Arrondissement Reims un zem Kàntoon Mourmelon-Vesle et Monts de Champagne. D’ Iiwoohner nännt m’r Saint-Martinotes [sɛ̃maʁtinɔt](info) (fìr d’ Fràuija) un Saint-Martinots [sɛ̃maʁtino](info) (fìr d’ Manner).
| Saint-Martin-l’Heureux | ||
|---|---|---|
| ||
| Region | Grand Est | |
| Département | Marne | |
| Arrondissement | Reims | |
| Kanton | Mourmelon-Vesle et Monts de Champagne | |
| Kommünàlverbànd | Grand Reims | |
| Koordinàte | 49° 15′ N, 4° 24′ O | |
| Heche | 101–242 m | |
| Flech | 13,66 km2 | |
| Iiwohner | 84 (1. Jänner 2020) | |
| Bevelkerungsdicht | 6 Iiw./km2 | |
| Code Postal | 51490 | |
| INSEE-Code | 51503 | |
| Dialäkt: Mìlhüüserdiitsch |
dr Nàmma vum Dorf ändere
Dr frànzeescha Nàmma Saint-Martin ärrìnnert àn dr Hailiga Màrtin vu Tours, wo ìm 4. Joohrhundert bii dr Verkrìschtligung vum Gàllia-n-a groossa Rolla gschpììlt hàt. Dr Nàmma l’Heureux bediitet wärtlig „dr Glìcklig“ àwwer ìsch aigentlig üss’m Wort hureux àbglaita, wo üss’m Àltfrànzeescha hurel („Hììgel“) schtàmmt. Naamlig ìsch biim Dorf a Bargla, wu d’ Màrtiinskìrìch z’ fìnda ìsch.[1]
Ìn dr Frànzeescha Revoluzioon hàt d’ Gmainda dr Nàmma Montheureux trajt[2] — d’ Revoluzionäära hann d’ religiöösa Idantiteet vum Nàmma wälla leescha.
wu ’s lììgt ändere
Saint-Martin-l’Heureux lììgt äbba 33 Kilomeeter oscht-nordeeschtlig vum Schtàdtzäntrum vu Reims àn dr Suippe. Umgaa wìrd Saint-Martin-l’Heureux vu da Nochbergmainda Saint-Hilaire-le-Petit ìm Norda, Saint-Clément-à-Arnes ìm Nordoschta, Saint-Souplet-sur-Py ìm Oschta un Süüdoschta, Dontrien ìm Süüda un Süüdoschta, Vaudesincourt ìm Süüda un Süüdwäschta, Prosnes ìm Süüdwäschta so wia Pontfaverger-Moronvilliers ìm Wäschta un Nordwäschta.[3]
Saint-Martin-l’Heureux gheert züa da klainschta Gmainda vum Gmaindaverbànd Grand Reims.[1]
Grààd àn dr Süüdoschtgranz züa Dontrien mìndet dr Fluss Py ìn d’ Suippe.[4] Uff’m Gmaindabooda lììgt a klainer Tail vum Militäärlààger Moronvilliers.[4]
Gschìcht ändere
Ànna 1950 ìsch a Tail vu dr Nochbergmainda Moronvilliers ìn d’ Gmaind Saint-Martin-l’Heureux iiglììdert worra — d’ àndra Tailer sìnn ìn d’ Gmainda Pontfaverger-Moronvilliers un Saint-Hilaire-le-Petit iiglììdert worra.[2]
Ìn da 1970er Joohra ìsch d’ ainziga Schüal ìm Dorf gschlossa worra.[1] Jetz geehn d’ Dorfkìnder uff Dontrien ìn d’ Schüal.[5]
wia d’ Beväälkerung äntwìckelt hàt ändere
| Joohr | 1962 | 1968 | 1975 | 1982 | 1990 | 1999 | 2006 | 2012 | 2018 |
| Iiwoohner | 129 | 114 | 99 | 83 | 91 | 90 | 77 | 85 | 86 |
| Kwalla: Cassini un INSEE | |||||||||
wàs doo z’ sah ìsch ändere
- d’ reemisch-kàthoolischa Martinskìrìch (Saint-Martin) üss’m 12. Joohrhundert. Ìm Geegasàtz züa da àndra Kìrcha ìn dr Regioon hàt sa ìn da baida Waltkriaga kää groossa Schààda ghàà.[1] Ìn dr Kìrìch ìsch zallamols d’ Bronzaglocka-n-üss’m Joohr 1463 àls Objakt bii da Histoorischa Dankmooler vu nàzionààler Bediitung klàssifiziart gsìì; Sa ìsch àwwer ìm Zwaita Waltkraig verloora gànga.[6] Hìtt wìrd d’ Kìrìch numma salta fìrs Gottesdianscht bnutzt: Jeedsjoohr wìrd àm Màrtiinstààg a hailiga Mass gfiirt, un dànn un dwànn fìndet a Daifeta odd’r a Begraabniss schtàtt.[1]
-
d’ Màrtinskìrìch -
s’ Bìrgermaischteràmt
Lüag àui ändere
Weblìnks ändere
Commons: Saint-Martin-l’Heureux – Sammlig vo Multimediadateie- Schtàtistik ìwwer d’ Gmainda Saint-Martin-l’Heureux biim INSEE (frànzeesch)
- Schtàtistischa Dààta-n-ìwwer d’ Gmainda Saint-Martin-l’Heureux, wo düü ufflààda kààsch bii data.gouv.fr (frànzeesch)
Ainzelnoohwiisa ändere
- ↑ 1,0 1,1 1,2 1,3 1,4 Antoine Pardessus: Les plus petits villages du Grand Reims. 1. Saint-Martin-L’heureux porte bien son nom, même déformé. In: L’Union. 26. Juli 2020, abgruefen am 9. Mai 2024 (französisch).
- ↑ 2,0 2,1 Dia Informàzioona sìnn üss’m Àrtìkel Saint-Martin-l'Heureux ìn dr frànzeescha Wikipedia ìwwernumma worra.
- ↑ Dia Informàzioona sìnn üss’m Àrtìkel Saint-Martin-l’Heureux ìn dr hoochdiitscha Wikipedia ìwwernumma worra.
- ↑ 4,0 4,1 lüag uff OpenStreetMap
- ↑ Une nouvelle école à Dontrien pour six villages. In: L’Union. 22. Juni 2018, abgruefen am 9. Mai 2024 (französisch).
- ↑ Cloche ìn dr Base Palissy vum frànzeescha Kültüürminìschterium (frànzeesch)