Loivre

Loivre [lwavʁ] ìsch a frànzeescha Gmainda mìt 1.380 Iiwoohner (Schtànd: 1. Januar 2020) ìm Département Marne ìn dr Regioon Grand Est. Sa gheert zem Kàntoon Bourgogne-Fresne ìm Arrondissement Reims un ìsch Mìtglììd ìm Gmaindaverbànd Communauté urbaine du Grand Reims.

Loivre
Loivre (Frankreich) Loivre
Region	Grand Est
Département	Marne
Arrondissement	Reims
Kanton	Bourgogne-Fresne
Kommünàlverbànd	Grand Reims
Koordinàte	49° 21′ N, 3° 59′ O49.3469444444443.9805555555556
Heche	63–116 m
Flech	10,24 km2
Iiwohner	1.380 (1. Jänner 2020)
Bevelkerungsdicht	135 Iiw./km2
Code Postal	51220
INSEE-Code	51329
Website	www.loivre.fr

Dialäkt: Mìlhüüserdiitsch

wu ’s lììgt

Loivre lììgt äbba 10 Kilomeeter nord-nordwäschtlig vu Reims ìm Noorda vu dr histoorischa Prowìnz Champagne, unwitt vu dr Granz zem Département Aisne. Dr Aisne-Marne-Kànààl duurakweert s’ Gmaindagebiat vu Nordwäscht bis Süüdoscht. Ìm Nordwäschta-n-äntschprìngt dr Fluss Loivre. Bii dr Kwalla mìndet s’ Bachla Rabassa ìn d’ Loivre. S’ Dorfzäntrum lììgt uff’ra Heecha vun äbba 70 Meeter. Ìm Süüdoschta schtaigt s’ Gland bii dr Batterie de Loivre, era ehamooliga Bfäschtigung, schnall uff ìwwer 110 Meeter Heecha àà.

Umgaa wìrd Loivre vu da Nochbergmainda Cauroy-lès-Hermonville ìm Norda, Berméricourt ìm Nordoschta, Brimont ìm Süüdoschta, Courcy ìm Süüda, Thil ìm Süüdwäschta, Villers-Franqueux ìm Wäschta un Hermonville ìm Nordwäschta.

G’schìcht

Noh-n-em Äärschta Waltkriag ìsch s’ Dorf àm 1. Oktoower 1920 mìt’m Kriagskriiz 1914–18 üsszaichent worra.

wia d’ Beväälkerung äntwìckelt hàt

Joohr	1962	1968	1975	1982	1990	1999	2006	2013	2020
Iiwoohner	627	633	591	758	925	1097	1126	1261	1380
Kwalla: Cassini un INSEE

wàs doo z’ sah ìsch

• àm Ortsnàmma Le Champ-Vert ìsch d’ reemisch-kàthoolischa Remigiuskìrìch (Saint-Rémi) üss’m 12. Joohrhundert, wo-n-em Bischoof Remigius vu Reims gwìdmet ìsch. Sa ìsch noh-n-em Äärschta Waltkriag wììder uffbàuija worra. Ìn dr Kìrìch sìnn mehrera Objakta bii da Histoorischa Dankmooler vu nàzionààler Bediitung klàssifiziart: Taila vu da Schtaischtàtüüta vu da Àposchtel üss’m 16. Joohrhundert — wo Tail vum Àltààruffsàtz gsìì sìnn —, d’ Pietà üss’m 16. Joohrhundert, d’ Holzschtàtüüta vum hl. Sebàstiààn üss’m 16. Joohrhundert, a Grààbleegungsgruppa-n-üss’m 16. Joohrhundert. Zallamols sìnn àui d’ Schtaischtàtüüta vu dr hl. Bàrbara-n-üss’m 16. Joohrhundert so wia s’ Gmäld „Fàmìlia bii dr Kommünioon“ üss’m 17. Joohrhundert bii da Histoorischa Dankmooler vu nàzionààler Bediitung klàssifiziart gsìì — sa sìnn àwwer ìm Äärschta Waltkriag zärschteert worra. Üsserdam ìsch d’ Holzschtàtüüta vum hl. Vinzanz àls Objakt bii da Histoorischa Dankmooler vu regionààler Bediitung iitrajt. Ànna 2009 ìsch d’ Kìrìch räschtoriart worra.
• dr diitscha Soldààtafrììdhoof, wu 4.154 diitscha Soldààta-n-üss’m Äärschta Waltkriag — drunter 120 Unbekànnta — rüahja.
• s’ Kriagerdankmool, fìr d’ Soldààta vum 24., 28. un 133. Infàntriireschimant ìm Äärschta Waltkriag eehra. ’S ìsch vum Reimser Àrkitäckt Émile Maigrot zaichent worra-n-ìsch. ’S ìsch àm 14. Oktoower 1923 iigwäijt worra.
• s’ Dankmool zem frànzeescha 363. Infàntriireschimant àn dr Üssfàhrt vum Dorf ìn Rìchtung Villers-Franqueux. ’S ìsch àm 24. Àuigscht 1930 iigwäijt worra.

• 
  d’ Remigiuskìrìch
• 
  d’ Remigiuskìrìch
• 
  dr Kìrchaschìff
• 
  s’ Dankmool zem 363. Infàntriireschimant
• 
  uff’m diitscha Soldààtafrììdhoof
• 
  uff’m diitscha Soldààtafrììdhoof
• 
  s’ Bìrgermaischteràmt un Schüal
• 
  a Schliasa-n-àm Aisne-Marne-Kànààl
• 
  s’ Schliasahüüs

Verkeehr

D’ Otoschtrooss A26 vu Calais uff Troyes ìwwer Reims duurakweert s’ süüdwäschtliga un neerdliga Gmaindagebiat ohna Ààschlussschtälla. D’ Départementsschtrooss D 944, d’ ehamooliga Nàzionààlschtrooss 44 vu Cambrai uff Vitry-le-François fiahrt àn dr süüdwäschtliga Gmaindagranz vum Gmaindabooda. D’ Départementsschtrooss D 30 verbìndet s’ Zäntrum mìt Villers-Franqueux ìm Süüdwäschta un mìt Bourgogne-Fresne ìm Oschta.

D’ Gmainda bsìtzt a Hàltapunkt àn dr Bààhnschträcka Reims–Laon, wo vu da Zììg vum TER Grand Est bediant wìrd, wo Loivre mìt Laon ìm Norda un mìt Reims ìm Süüda verbìnda.

• 
  s’ Bààhnhoofsgebäi

wìchtiga Litt üss’m Dorf

• dr Schtiirmànn Henri Préaux (1911–1992) ìsch z’ Loivre uff d’ Walt kumma.

Lüag àui

• Lischta vu da Gmainda ìm Département Marne

Weblìnks

 Commons: Loivre – Sammlig vo Multimediadateie

• Offiziälla Websitta vu dr Gmaindaverwàltung (frànzeesch)
• Schtàtistik züa dr Gmainda Loivre biim INSEE (frànzeesch)
• Schtàtistischa Dààta züa dr Gmainda Loivren, wo düü ufflààda kààsch bii data.gouv.fr (frànzeesch)