Trépail
Trépail 
[tʁepaj](info) ìsch a frànzeescha G’mainda ìm Département Marne ìn dr Regioon Grand Est mìt 440 Iiwoohner (Schtànd: 1. Januar 2020). Sa g’heert zem Arrondissement Reims D’ Iiwoohner nännt m’r Trépaillotes [tʁepajɔt](info) (fìr d’ Fràuija) un Trépaillots [tʁepajo](info) (fìr d’ Manner) uff Frànzeesch.[1]
| Trépail | ||
|---|---|---|
| ||
| Region | Grand Est | |
| Département | Marne | |
| Arrondissement | Reims | |
| Kanton | Mourmelon-Vesle et Monts de Champagne | |
| Kommünàlverbànd | Grand Reims | |
| Koordinàte | 49° 6′ N, 4° 11′ O | |
| Heche | 120–286 m | |
| Flech | 8,37 km2 | |
| Iiwohner | 440 (1. Jänner 2020) | |
| Bevelkerungsdicht | 53 Iiw./km2 | |
| Code Postal | 51380 | |
| INSEE-Code | 51580 | |
 a Bìck uff Trépail mìt’m Raabgebiat vornadràà | ||
| Dialäkt: Mìlhüüserdiitsch |
dr Dorfnàmma
ändereÌm Làuif vu dr G’schìcht hàt sìch dr Dorfnàmma uff Làtiinisch un Àltfrànzeesch asoo äntwìckelt:[2]
- Trepallum (um 850)
- Trepal (um 1020)
- Alodum Trepallis villæ (1008–1045)
- Trepeium (ànna 1152)
- In villa de Estrepail (ànna 1260)
- Trepail (ànna 1267)
- Trepaillium (ànna 1267)
- Estrepay (ànna 1345)
- Trepayl (ànna 1346)
- Treppail (ànna 1352)
- Trespal (ànna 1510)
- Trepailles (ànna 1553)
- Trespail (ànna 1581)
- Trespas (ànna 1676)
- Trepaille (ànna 1771)
- Trepalliæ (ànna 1775)
- Trepaillum (ànna 1777)
wu ’s lììgt
ändere
D’ G’mainda Trépail un lììgt àm eeschtliga Rànd vum Reimser Hììgellànd un ìm Regionààla Nàtüürpàrk vum Reimser Hììgellànd,[3] äbba 20 Kilomeeter süüdeeschtlig vum Reimser Schtàndzäntrum un äbba 18 Kilomeeter nordeeschtlig vum Schtàdtzäntrum vun Épernay.[4] Sa hàt friahjer züa dr Prowìnz Champagne g’heert.
Umgaa wìrd Trépail vu da Nochberg’mainda Villers-Marmery ìm Norda, Billy-le-Grand un Vaudemange ìm Oschta so wia Ambonnay ìm Süüda un Wäschta.[5]
G’schìcht
ändereÌm Ortsnàmma Le Trou de la Baticaude hàt m’r a gàllo-reemisch Plàtz g’funda, wu d’ Litt Keràmik harg’schtällt hann.[6]
wia d’ Beveelkerung äntwìckelt hàt
ändere| Joohr | 1962 | 1968 | 1975 | 1982 | 1990 | 1999 | 2010 | 2018 |
| Iiwoohner | 502 | 521 | 505 | 463 | 435 | 462 | 433 | 430 |
| Kwalla: Cassini un INSEE | ||||||||
wàs doo z’ sah ìsch
ändere- d’ reemisch-kàthoolischa Màrtiinskìrìch (église Saint-Martin) üss’m 12. Joohrhundert. Sa ìsch em Màrtiin vu Tours g’wìdmet, àwwer doo hàt m’r zitter’m 18. Joohrhundert dr hl. Curcufas vereehrt. Ìn dr Kìrìch sìnn zitter’m schpeetera 19. Joohrhundert Relikwia vun em z’ fìnda.[7] Ìn dr Màrtiinskìrìch sìnn fìmf Objakta bii da Histoorischa Dankmooler klàssifiziart, wo-n-a nàzionààla Bediitung hann: a Schtaischtàtüüta vum hl. Cucuphas vum 18. Joohrhundert,[8] dr Relikwiabruschtbìld vu’ma Bischoof üss vergulda Holz vum 16. Joohrhundert, s’ G’mäld vu dr Uffärschteehung vum Jesüs Krìschtüs (17. Joohrhundert),[9] s’ G’mäld vum Elias un d’ Baalpriaschter (17. Joohrhundert),[10] dr Grààbschtai fìr dr Jehan Brehier vum Joohr 1468,[11] Üsserdam sìnn zàhlriicha-n-Objakta bii da Histoorischa Dankmooler iig’schtuuft, wo-n-a regionààla Bediitung hann: dr Prozässioonsschtààb üss vergulda Holz vum 17. Joohrhundert mìt’m Bìld vu dr Mària mìt’m Jesüüskìnd druff,[12] d’ Holzschtàtüüta vu dr Hoffnung vum 16. Joohrhundert,[13] d’ Retààwel un Schtàtüüta vu da baida Sitta-n-àltààra (18. Joohrhundert),[14][15] d’ holziga Kìrchabànka vum Joohr 1772,[16] d’ verguldana Holzschtàtüüta vum hl. Johànnis dr Taifer üss’m 17. Joohrhundert,[17] d’ Holzschtàtüüta vum Naachschtaliawa vum 16. Joohrhundert,[18] un s’ G’mäld vu dr Kriizigung üss’m Joohr 1759, wo-n-a verguldaner Holzrààhma b’sìtzt.[19]
- a Wàschhüüs vum Joohr 1858, wo mìt Kwallawàsser wìrkt. D’ Fràuija vum Dorf hann wälla, àss d’ Wàschbààda hoochg’nüa ìsch, fìr àss sìe d’ Klaider schtehend känna wascha.[7]
- ìm Dorf sìnn vììla Blüama z’ sah, wo vum Verain „Association du Moulin Fleuri“ pflaagt wara.[20]
- a pààr Bìlder üss’m Dorf
-
àn dr Iifàhrt vum Dorf -
s’ Bìrgermaischteràmt -
s’ Wàschhüüs -
a andra Sìcht vum Wàschhüüs -
dr Faschtsààl -
d’ Màrtiinskìrìch -
s’ Relikwiabruschtbìld vu’ma Bischoof -
dr Grààbschtai fìr dr Jehan Brehier -
d’ Kìrìch mìt’m Kriagerdankmool vornadràà
Wiibàui
ändereD’ Gmainda Trépail lììgt ìm Wiibàuigebiat Champagne.[21] Ìm G’maindagebiat sìnn ìnsg’sàmt 279,9 ha mìt Raabgàrta gepflànzt, d’runter 254,10 ha mìt dr Raabsorta Chardonnay un 25,6 ha mìt dr Sorta Pinot Noir (Schtànd: 2024).[22]
Ìm Raabgebiat z’ Trépail fìndet m’r mehrera ehamooliga Àrwaiterlooscha, wu d’ Àrwaiter g’rüahjt un drìnn ìhra Warkzigger g’lajt hann. Dia klaina Gebäija sìnn a wìchtig Sümbool vu dr Champagner Idantiteet, àwwer waara zitter dr Noohkriagszitt nìmm b’nutzt.[23] Uff’m 5,2 Kilomeeter lànga Wànderwaag um’m Dorf umma sììht m’r Schìlder, wo d’ G’schìcht vum lokààla Raabgebiat un vu da Looscha-n-ärkläära.[23][24][25] Aina vu dana Looscha g’heert zem Reimser Schàmpàànierharschtäller Krug g’heert. Ànna 2023 hàt d’ G’sällschàft sììe loo räschtoriara, unter dr Laitung vu dr Àrkitäckta Stéphanie Ledou, fìr sììe àls Schàuiplàtz b’nutza.[26]
Ìm Dorf ìsch àui s’ Zäntrum „Pré en Bulles“, wu d’ G’schìcht vu dr Champagne un vum Schàmpàànier mìt Elektro-Schàuischpììler, modärna Liachter un Otomààta vorg’schtällt wìrd. S’ Zäntrum ìsch jeeder Tààg uffa.[27]
-
s’ Raabgebiat àm Füass vum Reimser Hììgellànd z’ Trépail -
a Àrwaiterhüüs ìm Raabgebiat z’ Trépail -
ìm Zäntrum „Pré en Bulles“ -
ìm Zäntrum „Pré en Bulles“ -
ìm Zäntrum „Pré en Bulles“
d’ wìchtiga Litt üss’m Dorf
ändere- dr Genrààlmajoor Louis Jean Nicolas Abbé (1764–1834) ìsch z’ Trépail uff d’ Walt kumma. Ar hàt àn dr Zitt vum Ludwig XIV., vu dr Frànzeescha Revoluzioon un vum Kaiser Napoleon I. ìn dr Àrmee diant.[28]
Weblìnks
ändere
Commons: Trépail – Sammlig vo Multimediadateie- Websitta vu dr G’maindaverwàltung Trépail (frànzeesch)
- Schtàtistik züa dr Gmainda Trépail uff dr Websitta vum INSEE (frànzeesch)
Ainzelnoohwiisa
ändere- ↑ Trépail. In: habitants.fr. Archiviert vom Original am 4. Juni 2023; abgruefen am 15. Dezember 2024 (französisch).
- ↑ Auguste Longnon: Dictionnaire topographique de la Marne. Pàriis 1891, S. 273 (französisch, cths.fr [abgerufen am 15. Dezember 2024]).
- ↑ Dia Informàzioona sìnn üss’m Àrtìkel Trépail ìn dr hoochdiitscha Wikipedia ìwwernumma worra.
- ↑ mìt’m Warkzigg vu Google Maps g’massa
- ↑ Dia Informàzioona sìnn üss’m Àrtìkel Trépail ìn dr frànzeescha Wikipedia ìwwernumma worra.
- ↑ Xavier Deru: Le Trou de la Baticaude (Marne) : l’atelier de potiers et le site gallo-romain. Band 85. RNord, 2003, S. 181–208 (französisch).
- ↑ 7,0 7,1 Patrimoine de Trépail. Archiviert vom Original am 19. Mai 2024; abgruefen am 15. Dezember 2024 (französisch).
- ↑ statue : Saint Cucufat ìn dr Base Palissy vum frànzeescha Kültüürminìschterium (frànzeesch)
- ↑ tableau : la Résurrection ìn dr Base Palissy vum frànzeescha Kültüürminìschterium (frànzeesch)
- ↑ tableau : le Sacrifice d'Elie ìn dr Base Palissy vum frànzeescha Kültüürminìschterium (frànzeesch)
- ↑ plaque funéraire de Brehier ìn dr Base Palissy vum frànzeescha Kültüürminìschterium (frànzeesch)
- ↑ bâton de procession et sa statue (statuette) : Vierge à l'Enfant ìn dr Base Palissy vum frànzeescha Kültüürminìschterium (frànzeesch)
- ↑ statue : L'Espérance ìn dr Base Palissy vum frànzeescha Kültüürminìschterium (frànzeesch)
- ↑ retable de l'autel latéral droit avec ses statues (statuettes) ìn dr Base Palissy vum frànzeescha Kültüürminìschterium (frànzeesch)
- ↑ retable de l'autel latéral gauche avec ses statues (statuettes) ìn dr Base Palissy vum frànzeescha Kültüürminìschterium (frànzeesch)
- ↑ bancs de la nef ìn dr Base Palissy vum frànzeescha Kültüürminìschterium (frànzeesch)
- ↑ statue : Saint Jean-Baptiste ìn dr Base Palissy vum frànzeescha Kültüürminìschterium (frànzeesch)
- ↑ statue : La Charité ìn dr Base Palissy vum frànzeescha Kültüürminìschterium (frànzeesch)
- ↑ tableau et son cadre : Christ en croix ìn dr Base Palissy vum frànzeescha Kültüürminìschterium (frànzeesch)
- ↑ Trépail / Remise de récompenses. Un village bien fleuri. 20. Februar 2013, abgruefen am 15. Dezember 2024 (französisch).
- ↑ Aire géographique Champagne blanc. In: Guide des vins et des vignes de France. Abgruefen am 9. Mai 2024 (französisch).
- ↑ Trépail. Union des Maisons de Champagne, abgruefen am 15. Dezember 2024 (französisch).
- ↑ 23,0 23,1 Un nouveau sentier pédestre dans la Montagne de Reims. In: L’Union. 26. Mai 2014, archiviert vom Original am 15. Dezember 2024; abgruefen am 15. Dezember 2024 (französisch).
- ↑ Sur la route, d’Épernay à Châlons-en-Champagne. In: L’Union. 24. Juli 2021, archiviert vom Original am 15. Dezember 2024; abgruefen am 15. Dezember 2024 (französisch): „À pied, cette fois, c’est le village de Trépail qui vous présentera ses loges, au gré d'un parcours de 5,2 km. Le sentier est ponctué de panneaux valorisant l’histoire des loges et du vignoble.“
- ↑ a Vorschtällung vum Wànderwaag z’ Trépail: Sentier de découverte des loges de vigne à Trépail. (PDF) Regionààler Nàtüürpàrk vum Reimser Hììgellànd, archiviert vom Original am 19. Februar 2024; abgruefen am 15. Dezember 2024 (französisch).
- ↑ Thomas Crouzet: À Trépail, la maison de champagne Krug redonne vie à sa loge de vignes. 20. Juni 2023, abgruefen am 15. Dezember 2024 (französisch).
- ↑ Sur la route, d’Épernay à Châlons-en-Champagne. In: L’Union. 24. Juli 2021, archiviert vom Original am 15. Dezember 2024; abgruefen am 15. Dezember 2024 (französisch): „Bienvenue au Pré en Bulles, à Trépail. Ce complexe touristique, idéal pour les séminaires, met en scène toute la Champagne à travers deux spectacles d'animation électronique. Les décors et les personnages rivalisent d'imagination, avec automates et jeux de lumière technologiques. La visite interactive révèle le savoir-faire des grands hommes et la passion de la vigne, qui ont fait du champagne ce produit d'exception.“
- ↑ Dia Informàzioona sìnn üss’m Àrtìkel Louis Jean Nicolas Abbé ìn dr hoochdiitscha Wikipedia ìwwernumma worra.