Champagne (Wiibàuigebiat)

S’ Wiibàuigebiat Champagne (uff Frànzeesch vignoble de Champagne [viɲɔbl də ʃɑ̃paɲ]) ìsch s’ Gebiat ìm Nordfrànkrììch, wo fìr d’ Pflànzung vum Wiitriiwel vum Schàmpànier züagloo wìrd. S’ Gebiat ìsch àm 22. Jüüli 1927 fäschtglajt worra. Ar ìsch nìt mìt dr histoorischa Làndschàft Champagne bzw. dr ehamooliga Verwàltungsregioon Champagne-Ardenne idäntisch, un ’s umfàsst àui a pààr Raabbarga ìn da Regioona Hauts-de-France un Île-de-France. Naawa-n-em Schàmpànier gìtt’s noch ìn dara Wiibàuiregioon zwai klaina Àppellàzioona fìr Schtìllwii, d’ Côteaux Champenois un dr Rosé des Riceys.

s’ Pflànzungsgebiat, wo fìr dr Schàmpànier züagloo wìrd.

Dialäkt: Mìlhüüserdiitsch

Wiibarga z’ Passy-Grigny

Wiibarga vu dr Côte des Blancs bii Vertus

S’ Wiibàuigebiat zeehlt äbba 34.000 Häktààr ìn fìmf Départements: Marne, Aube, Aisne, Haute-Marne un Seine-et-Marne; ìn da baida lätschta sìnn numma klaina Raabflächa z’ fìnda. Ànna 2002 sìnn 30.891 ha ìm Ärtrààg gsìì. Ànna hàt maa b’schlossa, s’ Pflànzungsgebiat uff 357 Gmainda z’ ärwittera. D’ Wiilààga un s’ Pflànzungsgebiat vu dr Champagne sìnn zitter 2015 biim Waltkültüüräärwa vu dr UNESCO g’schìtzt. Dàs hàt vììl mehr Tourìschta-n-ààgezoga.

wia s’ Gebiat iigetailt ìsch

S’ Gebiat ìsch ìn 20 nàdììrliga Regioona-n-iigetailt, wo jewills homogeena Terroirs hann. Dia sìnn ìn säcks Groossregioona zammag’fàsst. D’ greeschta Källaräija lììga zwààr ìn da Schtädt Reims und Épernay; àwwer s’ Harz vum Wiibàuigebiat mìt da bäschta Lààga sìnn d’ Regioona vu Verzenay un Bouzy-Ambonnay ìm ääschtliga bzw. süüdliga Tail vum Reimser Hììgellànd, d’ Côte des Blancs mìt da Orta Avize un Oger so wia s’ Groossa Marne-Tààl (Grande Vallée de la Marne) um Aÿ. Doo lììga-n-àlla Wiibàuigmainda, wo àls „Grand Cru“ iig’schtuuft sìnn.

Groossregioon	Regioon	Raabflächa (ha)	Raabsorta
	Massif de Saint-Thierry Vallée de l’Ardre	989 900	Pinot Noir un Pinot Meunier 75 % Pinot Meunier
Montagne de Reims	Région d’Ecueil Région de Chigny-les-Roses Région de Verzenay Région de Trépail – Nogent de l’Abbesse Région de Bouzy – Ambonnay	1.600 zamma 2.360 950 1.100	65 % Pinot Meunier 45 % Pinot Meunier, 30 % Pinot Noir 80 % Pinot Noir vor àllem Chardonnay 75 % Pinot Noir
Vallée de la Marne	Grande Vallée de la Marne Région d’Épernay Vallée de la Marne (rive droite) Vallée de la Marne (rive gauche) Région de Condé-en-Brie Région est de Château-Thierry Région ouest de Château-Thierry	1.876 1.240 zamma 5.152 zamma 2.989	60 % Pinot Noir, 20 % Pinot Meunier 75–80 % Pinot Meunier
Côte des Blancs	Côte des Blancs	3.150	ìwwer 95 % Chardonnay
Petit Morin et Grand Morin	Région de Congy-Villevenard Région de Sézanne	1.013 1.382	ìwwer 50 % Pinot Meunier ìwwer 75 % Chardonnay
Côte de Champagne	Région de Vitry-le-François	343	Chardonnay
Côte des Bar	Bar Séquanais Bar-sur-Aubois	zamma 7.099	ìwwer 85 % Pinot Noir
	Champagne ìnsgsàmt	ca. 32.700	38 % Pinot Noir, 34 % Pinot Meunier, 28 % Chardonnay

Lìteràtüür

• Georges Colin: Vignoble et vin de Champagne. In: Travaux de l’Institut géographique de Reims. Nr. 15, 1973, S. 3–92, doi:10.3406/tigr.1973.966 (französisch). 
• Benoît France (Hrsg.): Grand Atlas des Vignobles de France. Solar, Pàriis 2002, ISBN 2-263-03242-8.
• Klaus Rädle: Champagner: Fakten, Daten, Hintergründe. Pro Business, Berlin 2009, ISBN 978-3-86805-327-2.
• Serena Sutcliffe: Große Champagner. Hallwag, Bern/Stuttgart 1989, ISBN 3-444-10359-X.
• K. Gargett, P. Forrestal, C. Fallis: The Encyclopedic Atlas of Wine. Global Book Publishing, 2004, ISBN 1-74048-050-3, S. 164 (englisch). 
• Claudine Wolikow: La Champagne viticole, banc d'essai de la délimitation (1903-1927). In: Territoires du vin. Nr. 1, 2009 (französisch, u-bourgogne.fr). 
• Alain Marre: Existe-t-il des terroirs viticoles en Champagne ? In: Revue Géographique de l’Est. Band 44, Nr. 1–2, 2004 (französisch, revues.org).