Wolfgang Joner

De Wolfgang Joner († 11. Oktober 1531) isch de lätschti Abt vom Chloschter Kappel z Chappel am Albis gsi.

Chloschter Kappel, de Würkigsort vom Wolfgang Joner

Sis Wirke z Kappel

Im Johr 1509 isch de Wolfgang Joner Prior vom Chloschter worde und im 1520i Abt. Unterem Joner isch z Kappel e Chloschterschuel gründt worde. Er het am 17. Jänner 1523i de Heinrich Bullinger mit de Leitig vo dere Schuel beuftrait, wo dann im Februar sis Amt aaträte het. Mit em Bullinger und sinere Lehrtätigkeit, isch de Joner und mit ihm sis Chloschter nadisna zu de Reformation überträte. Scho im März 1523 sind d Bilder us de Chloschterchile entfärnt worde. Zwei Johr schpäter, im März 1525 hei de Joner und sini Mönch s letzti Mol e Mess in de Chile gfiiret und nomol es Johr schpöter, im März 1526 s erschti reformiirti Abigmahl. Im 1527 het de Wolfgang Joner ghürote und s Chloschter em Bürgermeischter und im Rot vo de Schtadt Züri übergäh.

Am 11. Oktober 1531 isch de Wolfgang Joner in de Schlacht bi Kappel gfalle.

Weblink

• En Überblick über d Gschicht vom Chloschter Kappel mit Date über de Wolfgang Joner