Yarri
De Yarri oder Iyarri isch de hethitisch und luwische Pestgott.
De Yarri beglaitet s Heer und schüüsst mit siinene Pfiil d Pest is findliche Heer, drumm werd er au „Herr vom Boge“ und „Herr vo de Vernichtig“ gnennt. Er werd au aagrueffe um d Pest im aigne Heer z beende. Sini Biglaiter sind d Marwainzi-Gotthaite (‘di Dunkle’). Dargstellt woren isch er as e Maa, wo ufeme Loi stoot. Er isch vom hethitische König Mursili II. zäme mitem Pirwa und em Sanda vereert woore. D Königi Puduḫepa hett em e Rossrhyton versproche.
Literatur
ändere- Volkert Haas: Geschichte der hethitischen Religion (= Handbuch der Orientalistik, Band 1,15). Brill, Leiden 1994, ISBN 978-9-004-09799-5.
- Einar Schuler: Kleinasien. Die Mythologie der Hethiter und Hurriter, i: Hans Wilhelm Haussig: Götter und Mythen im Vorderen Orient. Ernst Klett Verlag, Stueggert 1965.
- Piotr Taracha: Religions of Second Millennium Anatolia. Harrassowitz 2009. ISBN 978-3-447-05885-8