Yvain ou Le Chevalier au lion

Yvain ou Le Chevalier au lion (dütsch Iwein oder dr Löijeridder) vom Chrétien de Troyes isch en altfranzösische Värsroman us dr Artusepik und isch zwüsche 1180 und 1190 entstande.

Dr Yvain im Kampf mit em Gawein (Buechillustrazioon um 1295 in: Princeton University Library, Garrett MS. 125).

Dr Yvain und si Löi besiigen e Drach (franzöösischi Buechmoolerei us em 15. Joorhundert)

Überblick

Es isch dr viert Artus-Roman vom Chrétien und umfasst 6818 Värs. Mä gseet en vilmol as Geegestück zu Erec et Enide mit sine vile aventiure und dr Broblematik, wo entstoot. Dr Yvain findet doo zwar ooni vil Müe si Frau Gattin, verliert sä aber, won er nid wien er s versproche het, won er noch eme Joor und eme Daag nid vo sine âventiure zruggchunnt. Dr Yvain verliert also si Frau, wil er mäint, er müess für alli Fraue kämpfe. Us eme brofessionelle Kämpfer wird er druf zum ene Aisiidler, wo dr Verstand verloore het. Es isch under anderem dank eme Löi ass er vom Waansinn ghäilt wird. Dä begläitet dr Yvain denn uf sine Abentüür und vo doo chunnt dr Naame Le Chevalier au lion.

Dr Yvain-Stoff isch dur d Verarbäitig vom Hartmann vo Aue, wo vorhär scho dr Erec adaptiert het, au z Dütschland bekannt worde.

Weblingg

 Yvain ou le Chevalier au Lion im dütschsprochige Wikisource

• Yvain, or the Knight with the Lion as gratis Hörbuech uf änglisch bi LibriVox

Dä Artikel basiert uff ere fräie Übersetzig vum Artikel „Yvain_ou_Le_Chevalier_au_lion“ vu de dütsche Wikipedia. E Liste vu de Autore un Versione isch do z finde.