Zèllzitè

D Zèllzitè bildet i dè Musig è Raschter innerhalb von èm Takt. Durch nummeryrti Zèllzitè wörd ußerdèmm è Bositionsbeschtimmig innerhalb von èm Takt voeifacht.

È Taktaagaab wärd mit èm Bruch metrisch benamst, zum Byschpill 4/4 odder 6/8. Dè Zèller vom Bruch zeigt d Aazaal vo Grundschlääg un dõmit vo dè Zèllzitè pro Takt aa, dè Nenner bezeichnèt dè Notèwört, also d Notèlängi von èrè Zèllzit; vgl. Byschpill: Virtel odder Achtel. Im Notèbild hèt dè Bruch kein Bruchschtrich.

Durch s Bündlè vo dè Grundschlääg zu Täkt chrièget d Grundschlääg èn Bezugspungt: In èm Takt sin d Grundschlääg zum eintè nõchènand durrènummeryrt (mit 1 fangts aa bis zum Wört vom Zèller vo dè Taktaagaab), zum anderè wörred durch diè vowendetè Metrè im Taktschema bschtimmti Zèllzitè mee als anderi bedònt, asè chönned voschideni Grundschlääg innerhalb von èm Tagt unterschydlichi Bedònungè chriègè. Dè èrschti Grundschlaag vo jedem Tagt drait hüüfig d Hauptbedònig.

Tagt chönned zwar au mit chürzerè Notè gfüllt wörrè, wiè dè Nenner vo dè Tagtaagaab aagit; d „Unterzèllzitè“, uff wellènè selli Notè denn gschpillt wörred, wörred i dè Regèl nit bedònt.

Witerhy git s au Zèllzitè, wo länger sin wiè dè Notèwärt vo dè Tagtart, vo allem bi dè Achtel-Tagtartè, z. B. d 6/8-Taktart bi Märsch wörd oft in 2 gnõ (2 Zèllzitè mit èrè Längi vo 3 Achtel). Bi mengè Achteltagtartè variyrt sogar d Längi vo dè Zèllzitè innerhalb vom Tagt, wa bsunders Amateurmusiger vor Brobleem stellt. Byschpill dòdefür sin è 8/8-Tagtart in 3 Zèllzitè, also (3+3+2)/(3+2+3)/(2+3+3)-Achtelkombinationè odder sämtlichi uugraadè Taktartè wiè 3/8, 5/8, 7/8 usw., welli nit uuszellt, sondern in 2 odder 3 Zèllzitè gnõ wörred.

Luèg au

• Metrum
• Metronom

Literadur

• Gunnar Eisenberg: Identifikation und Klassifikation von Musikinstrumentenklängen in monophoner und polyphoner Musik. Cuvillier, 2008, ISBN 9783867278256, S. 18 (Iigschränkti Vorschau uf books.google.de).

Dä Artikel basiert uff ere fräie Übersetzig vu dere Version vum Artikel „Zählzeit“ vu de dütsche Wikipedia. E Liste vu de Autore un Versione isch do z finde.