Dr Zerkindehoof

Dr Zerkindehoof (s Huus zum Heggedorn) isch e historischs Geböid z Baasel. Es befindet sich am Noodlebärg 10 und het si Naame vom Ritter Nikolaus Zerkinden († 1344) überchoo.

Dr Zerkindehoof

Dialäkt: Baseldütsch

Dr Zerkindehoof isch äins vo de Kulturgüeter im Kanton Baasel-Stadt, wo nazionaali Bedütig häi.

Gschicht

Dr eltist Kärn vom Geböid isch dr Flüügel im vordere Hoof us em 13./14. Joorhundert. S Huus het, wie au s Schööne Huus, s Ärdbeebe vo 1356 mit weenig Schääde überstande. S Stäägehuus und en eligante Salon im 1. Stock stamme us em 17. Joorhundert. Im vordere Hoof dominiert en Umbau, wo dr Lienhard Lützelmann 1603–08 het lo mache und e Ceresbrunne vo 1750 us wissem Chalchstäi. Zur Liigeschaft ghöört au dr äinzig erhalteni Schaaledurm vo dr innere Stadtmuure am Petersgraabe 43, wo hüte e Gardepavillion isch.

Hüt isch im Zerkindehoof die theologischi Fakultäät vo dr Uniwersidäät Baasel dehäi.

Litratuur

• Gesellschaft für Schweizerische Kunstgeschichte (Hrsg.): Kunstführer durch die Schweiz, Band 3. Bärn 2006, Site 103.

Weblingg

 Commons: Zerkindenhof – Sammlig vo Multimediadateie

Dä Artikel basiert uff ere fräie Übersetzig vum Artikel „Zerkindenhof“ vu de dütsche Wikipedia. E Liste vu de Autore un Versione isch do z finde.

47.5581587.585396