Die Zweiti Zwüscheziit
- Alli Johreszahle, au die wo usgseh wie wenn si genau wäre–wie zum Bischbil 1542, si ungenau und sötte nume as Richtlinie aagluegt wärde. I däm Artikel stoot dorum nid 'öbbe' debi. Au si nadürlig alli Johreszahle 'vor dr Ziitwändi'.
Die Die Zweiti Zwüscheziit isch ä Periode im alten Ägypte gsi, wo vo 1786 bis 1567 duurt het und wo s Land zerscht in chliineri Regione zerfallen isch wo sich sälber verwaltet hai, und denn vo de Hyksos dominiert worden isch.
Chronologii
ändere
- Grüen: iiheimischi Dynaschtii
- Rot: fremdi Dynaschtii
Die 13. und 14. Dynaschtii
ändereNoch em Ändi vo dr 12. Dynaschtii het s braktisch kei zentrali Regierig gha in Ägypte für 150 Johr. Öbbe siebzig König zellt me zue dr 13. Dynaschtii. Macht hai si sehr wenig gha. D Gränzfeschtige si umbsetzt bliibe und Grubbe vo Fremde si unkontrolliert ins Land cho, vor allem vo Kanaan us, und hai sich niidergloh.
Die 15. und 16. Dynaschtii
ändereSo isch im Lauf vo dr Ziit s öschtlige Nildelta under d Kontrolle vo de asiatische Hyksos cho und in de erschte Johrzähnt vom 17. Johrhundert hai si d Macht über ganz Underägypte gha. Dä Brozäss isch, sovil mä weiss, mehr oder weniger friidlich vor sich gange. Dr Name 'Hyksos' isch ä griechische Verballhornig vom ägyptische Heqa Hasut (Herrscher vo dr Fremdi).
Mä weiss nume wenig über se: ihri Näme si semitisch gsi; mä dänkt, ass si, bevor si sich in Ägypte niidergloh hai, Nomade gsi si; und ass si in churzer Ziit dr ägyptisch Läbensschtiil aagnoh hai. Me deilt se in zwei Dynaschtie ii, die fufzähnt und die sächzähnt, mä kennt d Näme von erä Handvoll vo König, aber d Ziite vo ihre Regierige si unbekannt, sogar ihri Reihefolg isch nit ganz klar. Im Johr 1674 het dr Salitis (oder Scheschi) Memphis übernoh und vo denn bis zu de Chrieg wo die Thebanische Adlige gege sä agfange hai, isch Ägypte friidlig gsi. Ihri Hauptschdadt isch in Avaris gsi, wo im öschtlige Nildelta glägen isch. Si hai Kampfwäge, wo vo Ross zoge worde si und wo me in Weschtasie scho kennt het, z Ägypte iigfüehrt. Au dr Kompositpfiilbooge hai si mit sich brocht und a baar Götter, wo ins ägyptische Pantheon ufgnoh worde si.[1]
Die 17. Dynaschtii
ändereDie thebanischi 17. Dynaschtii, wo de Hyksos d Macht schtrittig gmacht het, het ihre Versuech sich mit de Nubier z verbünde, chönne underbreche. Dr Apepi II., 1542-1532, isch dr letscht König vo dr 15. Dynaschtii gsi. D Thebaner hai en in dr nordöschtlig Deil vom Nildelta zruggdriibe und schliesslig, nachdäm d Hyksos dr Kampf um ihri Hauptschdadt verlore hai, hän si sich ganz us Ägypte zruggzoge.
Quelle
ändere- ↑ Iorwerth Eiddon Stephen Edwards, The Cambridge Ancient History, Cambridge University Press 1973, ISBN 0-521-08230-7, pp.59ff.
Lueg au
ändereAllgemein:
Ägyptischi Gschicht: