Élisabeth Borne

D’ Élisabeth Borne [elizabɛt bɔʁn] (* 18. Àwrìl 1961 z’ Pàriis) ìsch a frànzeescha Politikera un ehamààliga Beàmtin un Manatschera.

D’ Élisabeth Borne ànna 2022

Dialäkt: Mìlhüüserdiitsch

D’ Borne hàt àn dr Polytäcknischa Schüal so wia àn dr Nàzionààla Schüal vu da Brucka un Schtroossa gschtudiart un ìsch domìt Inscheniööra worra. Vu 2013 bis 2014 ìsch sa Prefäkta vu dr Regioon Poitou-Charentes gsìì. Vu 2014 bis 2015 ìsch sa Kàbinättsdiraktera vu dr Umwaltminìschtera Ségolène Royal gsìì. Züadam ìsch sa vu 2015 bis 2017 Vorsìtzenda vum äffentliga Pàriiser Verkehrsunternamma RATP gsìì. Fìr a lànga Zitt hàt sa dr Soziàlìschta Pàrtäi nooch gschtànda. Wahrend dr Wàhlkàmpàània vum Emmanuel Macron fìr d’ Presidàntschàftswàhl 2017 ìsch sa Mìtglììd ìn siinera Pàrtäi La République en Marche worra. Ìm Mai 2017 ìsch sa biigoordneta Minìschtera fìr Verkehr ìm Kàbinätt Philippe II worra, unter dr äärschta Presidàntschàft vum Emmanuel Macron. Ìm Jüüli 2019 ìsch sa Minìschtera fìr dr soziààl-ökoloogischa Wàndel worra; doo hàt sa em François de Rugy noohgfolgt, wo z’rucktratta gsìì-n-ìsch. Ànna 2020 ìsch sa Àrwetsminìschtera ìm Kàbinätt Castex worra. Ìm saalwa Joohr hàt sa sìch dr Pàrtäi Territoires de Progrès ààgschlossa.

Noh dr Wììderwàhl vum Presidànt Emmanuel Macron ìsch d’ Borne àm 16. Mai 2022 àls Premierminìschtera ärnännt worra. Driissig Joohra noh dr Édith Cresson ìsch sa d’ zwaita Fràui worra, wo ìn Frànkrììch dàs Àmt ìwwernumma hàt.

Lìteràtüür

• Élisabeth Borne. In: Brockhüüs-Enzüklopädii. Brockhüüs (brockhaus.de [abgerufen am 7. November 2022]). 
• Élisabeth Borne im Munzinger-Archiv (Artikelaafang frei abruefbar)
• Blaise Magnin: Borne Élisabeth (1961- ). In: Encyclopædia Universalis. (französisch, universalis.fr [abgerufen am 7. November 2022]). 

Weblìnks

 Commons: Élisabeth Borne – Sammlig vo Multimediadateie

• d’ Élisabeth Borne bii Vie-Publique.fr (frànzeesch)
• d’ Élisabeth Borne ìn dr Àbgoordneta-Dàtabànk vu dr Nàzionààlversàmmlung (frànzeesch)
• Élisabeth Borne in de Internet Movie Database (änglisch)

Ainzelnoohwiisa

Dä Artikel basiert uff ere fräie Übersetzig vu dere Version vum Artikel „Élisabeth_Borne“ vu de französische Wikipedia. E Liste vu de Autore un Versione isch do z finde.