Hauptmenü ufmache

Dr Oscar Tusquets Blanca (* 14. Juni 1941 z Barcelona) isch e schbanische Archidekt, Mooler und Disäiner.

Inhaltsverzeichnis

Lääbe und WärkBearbeite

 
Dr chlii Muusigbalast z Barcelona vom Oscar Tusquets

Er het z Barcelona an dr Escuela Llotja, dr Schuel für Gebruuchskunst, und an dr ETSAB, dr Technische Hoochschuel für Archdektuur, studiert. 1964 het er mit em Lluís Clotet s Studio PER gründet. 1980 het er am dr Erwiiterig vo dr Medizinische Fakultäät z Barcelona gschafft und zwäi Joor druf an dr Renovazioon vom Palacio de la Música Catalana. Er het an verschidnige Stadtbaubrojekt mitgschafft wie dr Renovazioon vom Gebiet vom Convent dels Àngels und dr Bau vo dr Villa Olímpica, zwäi Brojekt in dr katalanische Hauptstadt. Im Joor 1987 het er sich mit em Archidekt Carlos Díaz zämmedoo und het mit em Brojekt in verschidnige Länder gmacht wie Japan und Dütschland. Dr Tusquets schafft au as grafische und industrielle Disäiner.

UszäichnigeBearbeite

Er isch meermol mit em Delta de oro-Briis vom FAD (Foment de les Arts Decoratives, Förderig vo dr Gebruuchskunst) uszäichnet worde und het 1987 s Creu de Sant Jordi, die höggsti Uszäichnig vo Katalonie, überchoo.

BüecherBearbeite

  • Más que discutible (1994)
  • Todo es comparable (1998)
  • Dios lo ve (2000)
  • Dalí y otros amigos (2003)
  • Contra la desnudez (2007)

WeblinggBearbeite