(9) Metis
| (9) Metis | |
|---|---|
| Eigeschafte vum Orbit | |
| Orbittyp | Hauptgürtel |
| Grossi Halbax | 2,3865 AE |
| Perihel; Aphel | 2,0954; 2,6775 AE |
| Exzentrizität | 0,2195 |
| Neigig vu dr Bahnebeni | 5,5763° ° |
| Siderischi Umlaufzitt | 3,6867 Jahre |
| Middleri Bahngschwindigkeit | km/s |
| Physikalischi Eigeschafte | |
| Durmesser | 190 km |
| Masse | ~9×1018 kg |
| Middleri Dichti | ~2,7 g/cm3 |
| Rotationsperiode | 5,979 h |
| Albedo | 0,139 ? |
| Absoluti Helligkeit | 6,28 |
| Spektralklasse | S-Typ |
| Gschichte | |
| Entdecker | Andrew Graham |
| Datum vu dr Entdeckig | 25. April 1848 |
| Älderi Bezeichnig | |
| Dialäkt: Markgräflerisch (Ebringe) |
D' (9) Metis isch e Asteroid vum Asteroide-Hauptgürtel, wo am 25. April 1848 vum Andrew Graham as nünter Asteroid entdeckt worre. Dr Namme beziegt sich uf die grichisch Götti Metis, d'Mueder vu dr Pallas Athene.
D'Metis beweggt sich ime Abstand vu 2,0954 (Perihel) bis 2,6775 (Aphel) astronomische Eiheite, in 3,6867 Johre uf ere exzentrische Bahn um d'Sunne. D'Bahn isch 5,5763° gege d'Ekliptik gneigt, d'Bahnexzentrizität betrait 0,2195.
D'Metis het e Durmesser vu 190 km. Si rotiert in öppe 5 Stunde um die eige Ax. D'Albedo betrait 0,139. Während dr Opposition erreicht d'Metis e Helligkeit vu 9,1 mag un isch demit ein vu dr hellste Asteroide am Nachthimmel. Um si ufzfinde brücht mer allerdings e Teleskop oder e liechtstarchs Fernglas.
Uswertige vu dr Liechtkurve vu dr Metis hän Anloss fer d'Vermuetig gä, dass dr Asteroid vume Mond begleitet wird. Säll het aber nit bestätigt werre chänne.
Anno 1993 isch d'Metis mit Hilf vum Hubble-Teleskop beobachtet worre. Debi het sich zeigt, dass dr Asteroid e uregelmässigi Form besitzt, was ällei die bsunder Liechtkurve erchlärt. Satellite het mer degege keini gfunde.
Aspekte
ändere| Stationär, no ruckläufig | Opposition | Oppositions- entfernig |
Maximali Helligkeit | Stationär, no rächtläufig | Konjunktion zue dr Sunne |
|---|---|---|---|---|---|
| 19. Jänner 2006 | 3. März 2006 | 1,35200AE | 9.1 mag | 20. April 2006 | 7. Juni 2005 |
| 4. Mai 2007 | 23. Juni 2007 | 1,64582AE | 9.7 mag | 13. August 2007 | 5. November 2006 |
| 24. September 2008 | 5. November 2008 | 1,13923AE | 8.4 mag | 19. Dezember 2008 | 15. Februar 2008 |
Lueg au: Liste vu dr Asteroide
|
Dä Artikel basiert uff ere fräie Übersetzig vum Artikel „(9)_Metis“ vu de dütsche Wikipedia. E Liste vu de Autore un Versione isch do z finde. |