Ahrgau
e mittelalterlechi Grofschaft im Norde vom hütige Gebiet Rhiiland-Pfalz
Der Ahrgau oder Argau isch im Middelalter es Gebiet mit ere eigene Grafschaft im Heilige Römische Rych gsi.
Dr Gau isch am Fluss Ahr gläge gsi und het zu Niderlootringe und zum Erzbischtum Köln ghört. Hüt isch die Landschaft e Deil vom dütsche Bundesland Rheinland-Pfalz.
Dr Name vo dämm Gau chunt im ene Dokumänt vo anne 880 i dr Schrybwys „Arisco“ vor, anne 882 als „pagus Aroensis“, im Joor 1064 als „Argowe“ und 1065 heisst er „Archgouwe“.
Me kännt us em hööche Middelalter es bar Näme vo de Argaugraafe:
- ane 930 dr Graf Sigbod
- 1064 dr Graf Sicco
- 1065 dr Graf Pertold
Die andere middelalterleche Gaugrafschafte rings um en Argau sing gsii: dr Mayenfeldgau, dr Eifelgau, dr Zülpichgau, dr Bonngau und ännet em Rhy no dr Auelgau.
Lueg au
ändereLiteratur
ändere- Geschichtlicher Atlas der Rheinlande, 7. Lieferung, IV.9: Die mittelalterlichen Gaue, 2000, 1 Kartenblatt, 1 Beiheft, bearbeitet von Thomas Bauer, ISBN 3-7927-1818-9.
- Werner Bornheim: Zur älteren Geschichte der Grafen von Ahre in „Archiv für mittelrheinische Kirchengeschichte“, 1954, S. 130.