Alabama

Alabama isch e Bundesstaat vo de Veräinigte Staate vo Amerika. Er isch eine vo de Süüdstaate vo den USA und isch im Joor 1819 as dr 22. Bundesstaat ufgnoo worde.

Alabama
{{{TEXT-FLAGGE}}} {{{TEXT-WAPPEN}}} Fahne Sigel
Hauptstadt:	Montgomery
Staatsmotto:	Audemus jura nostra defendere („mir weeren is für üsi Rächt“)
Flechi:	135.765 km²
Iiwohner:	4.863.300 (2016) (35 E./km²)
Mitgliid siit:	14. Dezämber 1819
Ziitzone:	Pacific: UTC−6
Höchscht Punkt:	734 m (Cheaha Peak)
Durchsch. Höchi:	152 m
Diefscht Punkt:	0 m Golf vo Mexiko
Gouverneur:	Kay Ivey (Republikanischi Partei)
Bost / Amt / ISO:	AL / US-AL
Charte vo Alabama Charte vo Alabama

Geografy

Der Staat Alabama goot vom Gebirg vo den Apalachen im Norde bis an Golf vo Mexiko im Süüde.

Der grooss Fluss vom Land isch der Alabama River.

Gschicht

Sid Joortuusige sind alti Völker im Land gsi, wo i de grosse Wälder am Alabama-Fluss gläbt händ.

Im 16. Joorhundert sind nodisno Gruppe vo Europäer vom Meer häär is Land cho.

Der Bundesstaat isch lang vo der Landwirtschaft prägt gsi, wo die wyssi Oberschicht ihri Ländereie uf grosse Plantaasche mit afroamerikanische Sklave bebout het. Me het psunders d Bouele produziert. D Diskriminierig vo de Schwarze isch z Alabama bis in d 1970er Joor ggange. Der Bürgerrächtler Martin Luther King het sid 1954 als Paschtor vonnere Baptischegmeind i der Hauptstadt vo Alabama gwohnt.

Im amerikanische Bürgerchrieg isch Montgomery e Zyt lang d Hauptstadt vo de Südstaate gsi.

der Name

Der Name „Alabama“ chunt vom ene Mundartwort von ere Indianersprooch, em Muskogee. Es het ursprünglech öppe “die, wo Greser und Chrüüter sammle” bedüütet. D Franzoose, wo i däm Piet sind go sidle, händ vo däm Wort der Volksname „Alibamons“ für en Deil vo de Indianer prägt.

S Volch vo de Alabama isch anne 1540 s erschte Mol im ene Dokumänt vom ene Europäer erwäänt.

Der Staat Alabama het es baar populäri Näme; me seit em öppe Cotton State, was «Boueleland» bedüütet, oder Heart of Dixie, das isch: s «Häärz vom Süüde».

Bevölkerig

Alabama het 4.779.736 Ywohner (Stand: Zensus 2010). Do dervo sind öppe 70 Prozänt Wyssi, öppe 26 Prozänt Schwarzi, 2,3 Prozänt Hispano, 1 Prozänt Asiate und nume no 0,4 Prozänt Indianer.

Stedt

Die gröschte Stedt vo Alabama sind:

• Birmingham
• Montgomery – das isch d Hauptstadt vom Bundesstaat Alabama
• Mobile
• Huntsville
• Tuscaloosa
• Hoover

Wirtschaft

Im Bundesstaat Alabama sind d Landwirtschaft, d Forschtwirtschaft und d Autoinduschtry wichtegi Branche.

Der Meereshafe vo Mobile, i der Bucht vo Mobile, isch eine vo de gröschte Häfe vo den USA am Golf vo Mexiko.

Literatur

• Virginia Van Der Veer Hamilton: Alabama: A History. New York 1984, ISBN 978-0-393-30172-4.

Weblink

 Commons: Alabama – Sammlig vo Multimediadateie

 Wikivoyage: Alabama – Reisefüerer

• Website vom Bundesstaat Alabama