Alamanne-Museum Verstette

S Alamanne-Museum Verstette (dt. Alamannen-Museum Vörstetten) isch e archäologisch Museum in dr bade-wirttebärgische Gmai Verstette im Landchrais Ämmedinge. S Museum wird dur Museums- und Geschichtsverein Vörstetten drait, wu anne 2005 grindet woren isch un rund 50 Mitglider zellt. S Museum isch im Juli 2009 ufgmacht wore.

Alamanne-Museum Verstette

Wohnstaalhuus
Date
Ort	Verstette
Art	Archäologisch Museum
Eröffnig	2009
Bedriiber	Museums- und Geschichtsverein Vörstetten
Website	http://www.alamannen-museum.de

Duuruusstellig

D Duuruusstellig vum Museum zaigt d Ergebnis vu dr archäologische Uusgrabige uf em Bann vu dr Gmai, wu in dr 1991, 1998–2000 un 2007 durgfiert wore sin. S Thema isch d Gschicht vum Ort im Zämehang mit dr domolige Situation im gsamte Brysgau. Di maischte Fund stammen us dr Ibergangszyt vu dr Spotantike im 4. Johrhundert un em Friemittelalter im 5. Johrhundert. Uf eme Freigländ isch e alamannisch Gheft rekonschtruiert, wu dr Bsuecher*ne dr Alldag vu dr Alamanne vermittlet. Uf em Freigländ het s e Wohnstaalhuus, e Gruebehuus, e Schmitti, e Schopf, e Hafnerei, e Bachofe un e Husgarte, wu alti Nutzpflanze, Färbpflanze un Fruchtsorte kultiviert wäre.

Museumspedagogik

E ander Zyl vum Alamanne-Museum Verstette isch di museumspedagogisch Arbet, wu si mit irem erläbnispedagogische Museumskonzäpt an Schueler*ne, Lehrer*ne, Eltere un historisch inträssierti Burger*ne richtet.

• 
  Alamannischi Chlaider
• 
  Duuruusststellig

Literatur

• Christel Bücker: Frühe Alamannen im Breisgau. Thorbecke, Stuttgart 1999, ISBN 3-7995-7359-3. 
• Christel Bücker: Steinzeit und frühe Alamannen in Vörstetten. In: Förderkreis Archäologie in Baden e.V. (Hrsg.): Archäologische Nachrichten aus Baden. Heft 65, 2001, ISSN 0178-045X. 
• Dieter Geuenich: Geschichte der Alemannen. Kohlhammer, Stuttgart 2005, ISBN 3-17-018227-7. 

Weblink

 Commons: Alamanne-Museum Verstette – Sammlig vo Multimediadateie

• Websyte vum Museum

Fueßnote

48.0663797.853047

Dä Artikel basiert uff ere fräie Übersetzig vu dere Version vum Artikel „Alamannen-Museum_Vörstetten“ vu de dütsche Wikipedia. E Liste vu de Autore un Versione isch do z finde.